ارجو النصيحه انا مقبل على شراء سياره جديده 2014 فكرت في جيب كومباس او سبورتاج او توسان وطبعا كلها تكون فل ودبل لاني راعي بر طبعا جيب كومباس الفل ب 92000 فمن منكم جرب هذه السيارات وقوه تحملها
السلام عليكم
بالنسبة للخيارات الي انت طرحتها سيارات شاطئ وا رمل خفيف وليست اوف روود
بالنسبة للمبلغ الي معاك عندك خيارات كثيرة من افضلها اكستيرا فل كامل على 98 الف في المعارض
باجيرو سبورت , بليزر الجديد
وايش رايكم في السعر التالي ،،،،جيب كومباس فل ليميتدموديل 2014 كاش ب 91950 نظام ايجار عن طريق بنك الراجحي،،،دفعه 9195 وشهريا 1560 لمده 60شهر ودفعه اخيره 16550 الاجمالي 119345 شامل التأمين
أولا السيارات الي ذكرتها بخلاف الكومباس ليست سيارات بر
ثانيا على دخولي لموقع جيب لأرى تفاصيل الكومباس
أكتشفت أن نظام الدفع فيها full-time 4WD
الغريب جدا أني ماقريت أن فيها دبل ثقيل؟
لذلك ليست سيارة بر من الحين
مخصصة بس للطلعات البسيطة والسهلة وحنا بأغلب أماكن الرمل فيها غراز محتاج دبل ثقيل بشكل ضروري أذا أنت راعي بر وتطلع لأماكن صعبة حتى وأن كان زيارتك لها قليلة
سيارة البر الحقيقية لازم دبل خفيف وثقيل وأضافة مع أنظمة تعزيز للدفع الرباعي ويكون الهيكل مخصص للبر لزوايا الدخول والخروج وماشابه
فأنا أشوف أقتراحات الشباب السابقة أصرف بكثير منها زي الأكستيرا أوف رود تحديدا أو الاف جي كروزر أو رانجلر وماشابه
بخصوص نظام التأجير المنتهي بالتمليك
لا أنصح به نهائيا إلا أن أنحديت عليه
بالاخص الي يجي دفعتين دفعة أولى ودفعة أخيرا
سمعت والله أعلم أنه محرم لأنه عقدين بعقد واحد
وسمعت أن الحلال الي يجي دفعة أولى فقط من دون دفعة أخيرة
عموما أنا هنا أقول سمعت ما أفتي من عندي
ليش ما أنصح بنظام التأجير المنتهي بالتمليك؟!
لأنه لمصلحة المؤجر أكثر من المستأجر
1- السيارة مهي بأسمك.
2- تأخرك بالسداد بأمكان البنك أخذها منك ممكن يقدر يلغي عليك العقد أذا ماقدرت تدفع فيصير كل الي دفعته قبل مجرد أيجار.
3- ماتقدر تستفيد من قيمة السيارة أذا جيت تبيعها لأن السيارة مهي بأسمك.
4- مجبر تأمن تأمين شامل من أول العقد حتى نهايته ممكن شيء جيد لكن لو أحد يبي يأمن تأمين عادي فما يقدر فهو يدفع تكاليف أضافية.
والنظام فيه ثغرات كثيرة أغلبها لمصلحة المؤجر حتى بحوادث الله يكفينا وياكم الشر بعضهم يصير كل شوي يوجه بين البنك والوكالة وشركة التأمين للتعويض
الافضل هو أخذ السيارة بالتقسيط مع مراعاة أقل نسبة والأفضل يكون التقسيط عن طريق البنك وليس عن طريق الوكالة أذا كان عندها نظام تقسيط رغم أن الان أغلب الوكالات صارت تعتمد على البنوك بكل شيء إلا الوكالات الكبيرة
والأفضل من هذا كله خذ قرض شخصي من البنك وأشتر الموتر كاش أفضل لك بكثير وهي الأقل نسبة بين كل الانظمة بالأعلى
وايش رايكم في السعر التالي ،،،،جيب كومباس فل ليميتدموديل ٢٠١٤ كاش ب ٩١٩٥٠ نظام ايجار عن طريق بنك الراجحي،،،دفعه ٩١٩٥ وشهريا ١٥٦٠ لمده ٦٠شهر ودفعه اخيره ١٦٥٥٠ الاجمالي ١١٩٣٤٥ شامل التأمين
جيب كومباس - هيونداي توسان - كيا سبورتاج - هوندا سي ار في - تويوتا راف فور
كلها جيوب من فئه وحده وهذي الجيوب مخصصه للمدينه وليست للطرق الوعره
حتى اذا كان فيها دفع رباعي ! لأن الدفع الرباعي المجهز لها ليس للطرق الوعره
بل لزيادة الثبات وقدراته بسيطه جداً وما بيفيدك بالبر الا بـ اماكن خفيفه فقط !
بالنسبه لي ما انصحك بالكومباس ! لانو منافسيه يمتلكون خيارات اكثر و وكلاء افضل
من حيث الصيانه وتوفر قطع الغيار وايضاً من حيث الشعبيه عند إعادة البيع
فالجيوب التي ذكرتها منتشره بشوارعنا مو زي الكومباس نادراً ما تشوفه
واخيرآ وليس اخرآ اذا اردت سياره اوف رود لازم تشوف فئه غير عن هذي الفئه والخيارات كثيره ..
تشمل الرانجلر والاكستيرا والاف جي ، هذي السيارات خيار مناسب للبر والطرق الوعره
