بعد التجربة مزايا و عيوب تاهو 2015

كيف ألغيه ؟؟

مع احترامي لك نصها ماهي عيوب...
انذار السرعه..
و الحزام كنت اتمنى انه ما يطفي يستمر لين ما تربط الحزام...واتمنى الشركه تسوي ان ما تشتغل السياره الا عند ربط الحزام

انوار led اغلبهم ما يعرف وش الغرض منها.... هي للتنبيه فقط.. ماهو للتشغيل وقت ما تبي مثل السيارات الكوريه و اليابانيه انت تشغلها وتطفيها.. كذا ما استفدت منها

بعض الاحيان يكون في عجاج او ضباب.. هنا تكمن فائدته
..
ونظام منع التصادم تنبيه ما يفرمل.. الا في التاهو وارد امريكا.
ومع مثبت السرعه ما يفرمل.. فقط يفصل المثبت


موفق خير :xyxwave:

بعد تجربه حوالى شهرين تاهو 2016 ltz

عيوبه
دعسته ثقيله متخلفه
صوت انذار الحزام ياخذ وقت طويل حتى يسكت
انذار سرعة 120 يحجب معلومات الطبلون الالكتروني حتى تلغيه
مراياه الجانبيه صغيره ولكن النقطه العمياء خففت المشكله
نظام منع التصادم الامامي ولا عمره فرمل السياره الا اذا شغلت مثبت السرعه
الليد الامامي الضوء النهاري نظامه غبي وغير مستقل
المقعده الثالثه متعبه حتى للاطفال
عند كل تشغيل للسيارة ما يكون نظام الهواء للمكيف من الخارج مع انني دائما اضعه على السحب الداخلي
نظام الملاحة غبي لا تستطيع تحديد نقطه وتذهب اليها لازم تكتب اي عنوان وهو يعطيك خيارات وانت تختار منها

بالنسبة لتضليل
عند اواكس ب 1500

لي أقارب عندهم سوبربان 2015 بالنهار يشتغل الLED فقط بالنهار و إذا طفى الأنوار بالليل أو إعتمد على الكشافات و السكنات

شفت اكثر من تاهو ال تي بنفس الحال
كنت افكر انه قاصد يشغل الانوار

بخصوص الانوار المفروض ماتشتغل في النهار الا اذا دخلت مكان ظلام
اذا اذا تم تغطيه الحساس الاسود الي على الطبلون في الوسط هنا راح يكون النور شغال على طول

كلام جميل وحقيقي بخصوص الانوار وفتحة الهواء الخارجية

وين سويت التضليل أخوي خالد؟

السلام عليكم
عيب تاهو LT الانوار الامامية تفتح اتوماتيك في النهار وفتحة الهواء الخارجي تفتح اتوماتيك ولازم من اغلاقهم يدويا! و لاتوجد فيها انوار زينون!
احد فيكم ياشباب ركب زينون ودي في دي ؟
في احد قال تضليل انو النانو سيراميك يكلف 3500 ريال لكامل السيارة ، حبيت اقول انا مركبه ب 1470 ريال بعد بحث وتحليل السوق اكتشف هذا افضل سعر على الاطلاق

نعم

الملاحه فاشله جدا بالتاهو 2015

نظام الملاحه يجبرك ان تكتب اسم المكان الي تبغاه ثم يبحث عنه ... ولو كان يستعمل طريقة ملاحة جوالات الاندرويد = انت تحدد المكان على الخريطه باللمس ثم تختار بدء الملاحه للتوجه الى المكان الي انت لمسته باصبعك


ايضا ... الملاحه في التاهو 2015 تحديثها قديم ... يمكن عام 2013 او بداية 2014 .... و لو فيه طريقة سهله لتديثه يكون روعه

هل ممكن الغاء تشغيل النور الكبير بحيث يكون بالنهار يشتغل الليد فقط مثل الباترول و اللكزس و الاندكروزر الجديد

حاليا ... مالنا الا نطفي الانوار كلها .... او ... نشغل النور الصغير يدويا = ليد امامي + ليد خلفي


شكل التاهو غبي جدا بالنهار و النور الكبير شغال مع الليد

الله يسعدك اخوي ماقصرت بالنسبة للجهاز موجود تحت السيارة بشكل واضح جهة السائق ياليت احد يفيدنا

وعليكم السلام ورحمه الله و بركاته

الله يعطيك خيرها و يكفيك شرها ان شاء الله

بخصوص التمرين عادي سوق عادي لكن تفادا الدعس على السياره بشكل مفاجئ والبريك المفاجئ
يعني خل تسارع السياره على الراحه و حاول الضغط مايطلع فوق و طبعا شغل مكيف و رح فيها اي مكان بحدود السرعه المسموحه و الافضل انك تدرج لها في السعه في السفر يعني شوي تمشي 100 و شوي تطلع 120 / 130 و تنزل الى 100 او 90 و كذا هذا في المسافات الطويله طبعا
يفضل تكون على هذا الحال مسافه 1000كلم بعدها خذ راحتك اكثر مو مشكله

طبعا الي ذكر فوق مو ضروري لكن يفضل ولا عادي في ناس من اول مايطلعها من الوكاله صفق طبلونها و لا يواجهون اي مشاكل بفضل الله

2- الصراحه مانتبهت لجهاز تحت السياره اي جها تقصد ؟؟ ماعتقد راح يتاثر من المطر او الرمل او الطين او الغبار او من العوامل الطبيعي لان الشركه مو غبيه لدرجه وضع جهاز او حاجه مكشوفه و تكون حساسه ماحيتاج تشيل همه ؟!!

3- بخصوص التانكي مالي علم به لكن ماعتقد يفرق عن الموديل السابق اعتقد لازم يكون مقاوم للحريق او حاجه زي كذا

ان شاء الله اكون وضحت لك ولو قليل من تساؤلاتك

وعليكم السلام ورحمة الله وبركاته عزيزي

فترة التمرين هذي بدعة قديمة ّ
الان اغلب السيارات لاتحتاج الى تمرين
وعلى ماسمعت بانها تاتي ممرنة من المصنع

السلام عليكم ورحمة الله وبركاته
جهود تشكرون عليها
سؤالي بخصوص فترة التمرين كم تكون السرعة والى كم كيلو متر
ثانيا بخصوص الجهاز الموجود باسفل السيارة حق ايش لان وضعه مكشوف مش مطمن خصوصا ايام الامطار
ثالثا هل تانكي البنزين بلاستك ام لا
واخيرا نصيحة اقدمها للي بيشتري اذا موظف المبيعات طلب لك السيارة لا يصدر اللوحات حتى تشيك عليها لانه لو وجد عيب او مو نفس المواصفات اللي انت طالبها ماراح يبدلوا السيارة
وشكرا جزيلا

ماشاءالله مبروگ والله يعطيك العافية جهودگ مميزة

السلام عليكم ورحمة الله وبركاته

بعد قيادة اول الف كيلوا في التاهو الجديد 2015 LT2 دبل

اليكم الملاحظات التي واجهتني :

اولا نبدأ بالجوانب الإيجابية:


1 – عزل الصوت ممتاز جدا والحقيقة ابدعت جنرال موترز بالناحية هذه خصوصا على السرعات العالية ازعاج الهواء اصبح خفيف بشكل كبير.

2 – متانة الديكورات الداخلية تحسنت بشكل كبير وفعلا نوعية البلاستك تحس انها اقوى من قبل بشكل كبير.

3 –قيادة السيارة في البر ممتعة أكثر وتحس بقوة المكينة بكل دعسة بحيث ما يبرد عزمه ابد .

4 –الأنوار الداخلية شكلها جميل جدا واريح بالنظر بكثير من الأنوار الي لونها أصفر.

5 –التصميم الداخلي اجمل من السابق بكثير ، تحس ان السيارة ملمومة أكثر رغم ان حجمها كبير.

6 –تبديلات القير انعم من أول مع ان القير ماتغير ومأخوذ من الشكل القديم .

7 –صرفية البنزين اشوف انها ممتازة جدا ، التانكي ياخذ 97 لتر تقريبا على معدل سرعة 140 ومشاوير مدينة طبعا مشاني 580 كيلو طبعا البنزين الي استخدمه هو 95 .

8 –نظام الرادار مفيد جدا رغم ان الرادار الموجود في الـLT2 لا يتدخل في تهدئة سرعة السيارة.

9 –نظام مغادرة الطريق افضله عن الرادار خصوصا في الخطوط الطويلة فهو مفيد جدا جدا خصوصا اذا انشغلت عن السواقة لسبب ما يعطيك تنبيه على طول .
هذا من ناحية الإجابيات الي لاحظتها الى الآن.

نأتي للسلبيات:

1 – رجة بسيطة عند سرعة 140

2 – اهتزاز شديد في التكاية الي بين السواق والراكب واحيانا مزعجة مع ان باقي اجزاء السيارة الداخلية مثل الكراسي ثابتة من دون اي اهتزاز ، يحدث ذلك بين سرعة 130 الى 150 تقريبا .

3 – بالنسبة لمشكلة السقف فلقد شعرت بقليل من الإنضغاط على الأذن وذلك في حالة القيادة على الطرق غير المعبدة وتحديدا على طرق الردمية ، اما القيادة في الرمال فلا تشعر بشيء .

4 – يوجد صوت من جهة يسار المكينة ، الصوت غير مخيف لأنه غريب شوي اول مره اسمع مثله بعدين خفيف لكن تحس ان المكينة كذا صوتها مع ان المفروض تكون انعم شوي ، طبعا بحثت في المنتديات الأجنبية وفعلا اكثر من واحد لاحظ الصوت هذا مثل اهل السلفرادو والسييرا (تاهو+سلفرادو+سييرا+يوكون كلهم نفس المكينة من نوع EcoTeck 5.3 ) ولا زلت اتابعهم لأعرف ما توصلوا اليه ، بشكل عام الصوت ما يخلي الواحد يوسوس بس المفروض ما يكون موجود بحسبة ان المكينة تكنولوجيا جديدة والمفروض تكون انعم .

5 – سرعة استجابة الدعسة بطيئة نوعا ما.

6 – اهم شيء نظام الملاحة في الشاشة وتعليق البوصلة على جهة الشمال . طبعا حفرت في برنامج الشاشة الي فيها نفيجيشن تحفير واكتشفت ان السوفت وار فااااااشل الى ابعد الحدود وبالمقارنة مع الشاشات الي في التاهو الأمريكي وجدت فارق كبير جدا من ناحية البرامج والأوبشن الخيارات وشغلات كثير

لكن اعتقد ان الشاشة فيها عيب لا اقول انه تصنيعي بل عيب برمجي ، والمشكلة كالآتي :
في صفحة نظام النفيجيشن لو ركزت على اتجاه البوصلة تجده دائما معلق على الشمال ولا يتغير ، حاولت بشتى الطرق ودخلت على خيارات الشاشة ولكن بدون فائدة ، اضف الى ذلك انه لابد من وجود مؤشر آخر لموقع البوصلة وهو في الشاشة الصغيرة الي موجود في الطبلون عدادات السرعة والبنزين والشغلات هذه ، تابع الصور بالأسفل وتعرف وش أقصد






هذه الي لاحظته الى الآن ، طبعا ابي انتظر صيانة العشرة آلاف عشان اسرد لهم هذه المشاكل كلها .

طيب سؤال يسدح نفسه

هل انت راضي عن السيارة رغم ما سبق من بعض الملاحظات ؟؟؟؟؟؟؟؟؟؟

بدون مجاملة الجواب نعم وبالنسبة للمشاكل السابقة فشيء طبيعي ظهور بعض المشاكل لسبب ان السيارة اعيد تصنيعها بشكل جديد.

سؤال آخر

هل تنصح بشراء هذه السيارة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الجواب وبدون مجاملة نعم انصح ولكن ليس الآن ، انا افضل التريض قليلا او الإنتظار الى عام 2016 ان الله احيانا واحياكم ، الى هذاك الوقت اكيد سوف يكون تحسين كبير وانخفاض بالسعر لأني اشوف السعر نوعا غالي.

اتمنى التفاعل خصوصا مع السلبية رقم 6 لأنها من جد رافعة ضغطي

بالتوفيق.