رانجلر روبيكون بابين او سييرا غمارة 2015 ؟

مشكور
انا الي اقصده هو العازل الحراري منو اقدر احصله انا قريت ان بعض يكون مصنوع من فلين
و شنو احسن مكان اقدر احصل العازل

بخصوص العازل ارجع للمشاركات و الردود في الموضوع راح تشوف ان المقصود هو عازل الحراره للسقف. اما عزل الصوت في الرانجلر لا يوحد له حل لان تصميم القزازه الاماميه واقفه بزاويه تقريبا 95 يعني زاويه شبه قائمه و هذا السبب في صوت الازعاج لان مافي اي انسيابيه.

السلام عليكم شباب
انا قاعد افكر ب رانجلر بابيين ٢٠١٥ بس خايف بخصوص صوت الهواء اكثر من واحد قالي انها موب زينه في الطرقات علما باني باستخدمها مشاوير قريبه و يمكن مره بالشهر اطلع فيها سفره
و من وين اقدر اشتري العازل الهواء و شنو افضل شركه بالمنطقه الشرقيه
و ايضا بخصوص الوكيل البعض يشتكي و البعض الاخر يمدح انتو شنو ارائكم بالوكيل

و بالنهايه تنصحوني ب رانجلر ك سياره استعمال كل يوم مشوار ما تعدي مجموعها ال ٤٠ كليو تقريبا و يمكن مره بالشهر طلعت بر او مشاور بعيد
وشكرا

استخدام داخل الديره ماعندك غير مسكله وحده و هي عزل السقف من الحراره خصوصا بالصيف المكيف بارد جدا لاكن السقف حار جدا. اذا ركبت عازل سواء اصلي او من شركات ثانيه راح تحس بفرق كبير جدا.
اما من ناحيه الراحه انا اشوفه مريح ك 4 ابواب لاكن البابين اتوقع راح يكون اقسى شوي لان الشاصي قصير.
عزل الهواء كويس و مايهرب هواء ابدا لاكن صوت الهواء مزعج بعد سرعه 120 خصوصا اذا كان الجو فيه هواء راح يصير مزعج جدا. اذا سرعتك 100 يعتبر جيد جدا من ناحيه الهدوء. اكثر من 120 راح تبداء تحس بالازعاج مع زيادة السرعه.
الفكره انك تعرف عيوب اي سياره راح تشتريها قبل ما تعرف مميزاتها لان الميزه تبقى ميزه مهما صار و العيب لو كان عيب واحد ممكن يكرهك بالسياره و تبيعها بسبب عيب واحد.
اما موضوع الاعتماديه و قلة الاعطال اغلب الناس ماخذين فكره عن الموديلات القديمه من الرانجلر خصوصا من 1991 الى 2006 مشاكل الدفرنش و الصليب.
اما من 2007 و طالع انتهت مشكلة الدفرنش و الصليب للابد.
المشكله اللي واجهتني هي تغيير حساس واحد فقط و هو حساس ضغط الزيت صار ما يقراء و ما سبب اي مشكله بالسياره ولعت لمبة المكينة و ضغط الزيت صار 99 مع العلم ان هذي المشكله في عليها تقرير عند الوكلاء في امريكا و مذكور بالتقرير رقم القطعه الحديده المعدله و التغيير على الضمان و جلست السياره بالوكاله 5 ساعات و استلمتها اليوم الثاني لاني ماكنت فاضي.
المشكله الثانيه راحع موضوعي عن الحراره بالاساس هي تعتبر طبيعيه و ليست مشكله لاكن انا حبيت ابرمج المروحه و اريح راسي و خليت الحراره ثابته مابين 96 الى 103 و الوضع الطبيعي من المصنع الحراره تكون ثابته مابين 98 الى 115 درجه. و حسب الوكاله يقولون طبيعي حتى لو وصلت 123 درجه و مافي خوف الا اذا ولعت لمبة حمرا وسط عداد الحراره هنا يكون عندك مشكله و ما قد شفت اللمبه الحمرا ابدا.
غير هذي المشكلتين مافي شي واجهني مع الجيب.

K

Khalid-F

أبو أسد .. ممكن تقارن لي اداء السسيرا بالطرق الرملية بالرانجلر ؟!
وهل السييرا كافي ووافي بالطرق الرملية وهل يحتوي على ديفلوك الكتروني ؟!
ولو كان الرانجلر صحارى الذي لا يحتوي على ديفلوك .. لمن تكون الافضلية بالطرق الرملية بينه وبين السييرا ؟!

شوف كأداء السييرا قد يكون متفوق بسبب أن محرك V8 بعكس الرانجلر V6

لكن اذا تقصد كل السيارتين بلد بيتفوق مسألة الأبعاد كمسألة طول قاعدة العجلات أذا تتكلم عن سييرا غمارة ورانجلر بابين فقط وليس 4 ابواب أيضا زاوية الدخول والخروج كبلد بيتفوق فيها الرانجلر

كل السيارتين لهم تعديلات بالهبل سواء اداء او تعديلات للطرق الوعرة

السييرا يجي فيه دفلوك إلكتروني لكن ساعات يكون أختياري يعني مو شرط يكون موجود بشكل أساسي!!! حتى ولو كان Z71 على انه ممكن يكون اساسي لكن يمكن الوكيل يحطه استكر؟!
وعلشان تتأكد من هذا الشيء لازم تشوف ورق كود المواصفات لنفس السيارة وتبحث عن الرمز G80 أذا حصلت هذا الرمز بالسييرا خذه وأذا ماحصلته أنحش منه :smilie16:

وبخصوص سؤالك الاخير :c0214:

من الافضل بالطرق الرملية بحال مثلا السيارتين مافيها دفلوك!

خلني بحسبها لك كمعادلة بسيطة
وهي باخذ وزن السيارتين وبيتم قسمته على القوة وعزم السيارة

وزن صحارى قير عادي وزنه 3,951 رطل وقوته 285 حصان وعزم 260 رطل/قدم

3951 تقسيم 285 حصان = 13.86
3951 تقسيم 260 رطل/قدم = 15.20

هذا القير العادي
القير التماتيك وزنه 3976 رطل

3976 تقسيم 285 حصان = 13.95
3976 تقسيم 260 رطل/قدم = 15.29

نجي للسييرا
طبعا راح نتكلم على أنه غمارة بحكم أنك ماحددتي وشو بالضبط
وزنه 4872 رطل وقوته 355 حصان وعزم 383 رطل/قدم وطبعا هو مايجي إلا قير تماتيك فقط إلا لحالات استثنائية من طلب الوكيل

4872 تقسيم 355 حصان = 13.72
4872 تقسيم 383 رطل/قدم = 12.72

طبعا ممكن تستغرب من الحسبة هذي لكن هذي الحسبة يسويها بعض اصحاب المقاومات بالخارج بحيث يحسب زيادة القوة على الوزن سواء زاد القوة أو قلل الوزن

وطبعا الناتج الي تشوفه كل ما قل الرقم كان أفضل!

أذا بتقارن الأثنين رانجلر قير تماتيك وسييرا قير تماتيك
الافضلية بقوة دفع السيارة للأحصنة للسييرا
لكن فرق مو بسيط لصالحة عزم دفع السيارة للوزن لصالح السييرا بحكم أن العزم الرانجلر أضعف من أحصنته :a120(8): وعزم السييرا عالي جدا

طبعا هذا مو تحديد نهائي مين الافضل
فيه مسألة أخرى نسب تروس القير والدفرنس
لكن أنا اتكلم بشكل عام بين الوزن والقوة والعزم

وحقيقة هي أغلبها لصالح السييرا الغمارة تحديدا! الموازين راح تختلف أن كنت تتكلم عن غمارة ونصف أو غمارتين وقد اقولك من الان انها ممكن تكون لصالح الرانجلر ان كان السييرا غمارتين مو متأكد لكن نحسبها لك أن كنت فعلا تبي غمارتين ولو انه بيكون بثر الغمارتين بالبر باماكن التطعيس وطلوع القصوص وماشابه بسبب ان قاعدة العجلات بتكون طويلة جدا وزاوية الدخول والخروج كبلد ممكن ماتسعف حجمه

شوف السييرا الغمارة بيشيل 3 اشخاص بشكل اقصى كمرتاحين
بينما الرانجلر يشيل 4 مرتاحين

شغلة ثانية ممكن الاغلب ماينتبه لها :c0214:
أن اضطريت مرة توقف وتحاول تنوم بالسيارة تقييلة سريعة او ماشابه بسبب النعاس
عيب البيك أب الغمارة مايمديك ترجع المرتبة بالخلف (لدرجة انك تسدح المرتبة) بحيث ممكن تمتد بجسمك بخلاف الجيوب أو تنوم بالعرض لكن قد مايمديك تمد جسمك زين ان كنت من متوسط الطول واطول

لكل سيارة ولها ميزاتها
الرانجلر يمديك تفك الجزء الخلفي من السقف وتستمتع بسيارة مكشوفة متى ماتبي
يعني سيارة ولها مزاجها وعشاقها

بينما السييرا بيك أب عندك مساحة تحميل كبيرة وعالية التحمل من ناحية الاوزان تصلح للمكاشيت والي يسافر ويشيل اغراض واجد معه

فحدد أنت وش تبغى قبل بكل السيارتين وشوف الميزات الي قلتها لك بالاعلى

قد الناس يقولون لكن ان الرانجر ليس اعتمادي وقد اتفق معهم بعض الشيء بهذي النقطة لكن ترى مو معنا ان السييرا هو الي مقطع الاعتمادية :smilie16:

عموما الافضل انك تجرب السيارتين بشكل عام وتشوف وش الي انت راح ترتاح له

والله اشوف الباترول فتك فيه دفلوك القزاز كهرب

مكينه جباره وعزم وفير عادي المكيف بارد والعملية ما يحتاج لها كلام وقطعه برضو موجوده


فعشان كذا نصحت فيه والله يوفقك

اعذرني لكن بخش عرض :bigggrin:

السييرا فيه دفلوك اكتروني يشتغل وقت النشبات :wink:
السيرا عيبه الوحيد الوزن و القير مافيه عادي تماتيك فقط لكن يأدي الغرض و زياده

الرمل يبغاله كفرات عريضه و قوه عزم و سواق :xyxthumbs:

الافضل كوزن وخفه الرانجلر اذا كان بابين
و كقوه و مواصفات السييرا

وانا افضل السييرا فقط فك اللحيه وروح طعس ولا روح لفلف في الحره :xyxthumbs:

هل فيه مشكلة باستخدام الرانجلر لمسافات قصيرة يومياً ؟!
لاني افكر استخدمه للدوام مرات .. ؟!

وبالنسبة لموضوع العزل والراحة .. 90% من الوقت ما راح اكون متعدي 120كم بالساعة .. وما اتوقع العزل بيكون سيء بسرعات من 120 واقل !!

أبو أسد .. ممكن تقارن لي اداء السسيرا بالطرق الرملية بالرانجلر ؟!
وهل السييرا كافي ووافي بالطرق الرملية وهل يحتوي على ديفلوك الكتروني ؟!
ولو كان الرانجلر صحارى الذي لا يحتوي على ديفلوك .. لمن تكون الافضلية بالطرق الرملية بينه وبين السييرا ؟!

بصراحة مستغرب من التطرق لموضوع الاعطال .. شركة صنعت العديد من السيارات الناجحة مثل التشارجر والرام والجراند شيروكي الخ .. بتصنع سيارة سيئة الجودة مثل الرانجلر اللي يعتبر علامة فارقة أمريكية بعالم الدفع الرباعي !!

حتى التطرق لموضوع الوكيل مبالغ فيه .. خصوصاً اني اشوف جميع الوكلاء بنفس المستوى اللهم عبداللطيف جميل من ناحية الخدمة وعيبه طبعاً بتشليح سياراته وتركيب جميع الاكسسوارات وحتى اساسيات السيارة صينية ..

طبعاً كلامي بحكم ان الوالد معاه 300c واخوي معاه جراند شيروكي .. ولا قد شفتهم يشتكون من معاملة الوكيل حتى الآن ..

- بخصوص الباترول الربع للأسف خيار مستبعد جداً .. سعر مبالغ فيه 145 الف على سيارة فقيرة تقنياً وسعرها بأيام عزها ما كان يتجاوز الـ 110 الاف وبمواصفات أفضل ان لم اكن مخطئ !!

اذكر بأيام 2008 كان السوبر سفاري 4 ابواب بـ 145 عند الفلاح !! الحين الباترول الربع بدون اي مواصفات تذكر بنفس السعر !!

ابو اسد انت الوحيد اللي فاهمني.
مجرد تلميح بسيط لاي شخص يفكر في شراء رانجلر.
سعر الروبيكان 4 ابواب 40 الف دولار في امريكا.
سعر اف جي TRD كامل المواصفات 33500 دولار
سعر اكستيرا PRO4-X كامل المواصفات 32 الف دولار
هذي الاسعار سنة 2014
فضلت اخذ الرانجلر مع علمي بالمشاكل و ادري ان المشاكل كلها لها حلول.
شريت السياره و انا مقتنع فيها و راضي بعيوبها.
البدائل موجوده و قد تكون افضل اعتماديه لاي شخص مايعرف كيف يتعامل مع السيارات ولا يدل طريقه العنايه.
بالنسبه لي الحين السيارع ماشيه 11200 ميل بدون مشاكل تذكر و لله الحمد.
سبق و رديت على العضو صاحب الموضوع في سؤاله لي في موضوع اخر عن الرانجلر.

اما بالنسبه اللي يقولون الرانجلر اسواء سياره بالجودة! ! للاسف يحتاجون يرجعون و يقرأون من جديد.
الموضوع كان يتحدث عن تصنيف الرانجلر على انها اسواء سياره من ناحيه الاستخدام اليومي من حيث الراحه و الهدوء لاي شخص يفكر يستخدمها في مشاوير للسفر مسافات قصيره بشكل يومي. مع العلم ان التصنيف لم يتطرق لموضوع الجوده نهائي.

عموما الرانجلر هي سياره لمن يبحث عن شكل مميز و سياره قابلة للكشف بالاضافه الى قدرات استثنائيه خارج الطرق افضل من جميع المنافسين.

دام بيكون سيارتك الثانية لا بأس بأخذ الرانجلر اذا انت مهتم فيه

قد يكون اكثر مشاكل من السييرا لكن وكيل الجمس مو بعيد جدا عن المتحدة

عموما كل سيارة ولها مزاجها

اذا انت تفكر تروح بسيارة البر اماكن بعيدة جدا وسفريات ومقاوم وتحميل اغراض كبيرة واوزان ثقيلة ممكن يكون السييرا افضل خيار لك

لكن ان كنت تبي الرانجلر فهو خيار حلو وكويس للي يبي يفك السقف الخلفي منه اذا تبيه يتحول لكشف طبعا ماراح تنفع إلا لاجواء معينة ولا بالحر مهب ذاك الزود

عموما بخصوص اعتمادية الرانجلر اكثر واحد بيفيدك عنه هو الاخ sr20de
http://www.assayyarat.com/forums/member8906.html

رساله أذا مارد بهذا الموضوع فاشوف عنده خبرة كبيرة بالرانجلر

اغلب ملاك الاف جي والاكستيرا في سلطنة عمان كانت معهم رانجلر وباعوه بسبب المشاكل ومصادقة الكراجات

الشيروكي موديلات 96-99 اعتمادية اكثر من الرايتنج بس 2011 حسنو فيه امور كثيرة بس مازالت هناك شكاوي وملاحظات الى 2012

ياليل ماطولك

الناس تشتري عشان تستخدم وتستهلك وهذا يقول تمسك سعره:a1120(86):

اتحفنا بالتصنيف العالمي

الرانقلر افضل SUV يمسك سعره بامريكا وهو سوقها الرئيسي

ياشين التفلسف

اجل مصنفه عالميا

الاف جي الفطيمي شفت له فيديو في اليوتيوب موجود بالمعارض GX-R شاشة وماوس ودفلوك .. الخ ومناسب للبر والمدينة طمر وكرف وتويوتا قطع وصيانة في اي مكان واعتمادة كسيارة رئيسية للدوريات الامنية اكبر دليل لنجاحه لدينا .. والرانجلر مصنف عالميا كاسوأ سيارة يمكن شرائها مستعملة لكثرة العيوب الخفية .. اذا راعي تحميل الجمس افضل خياراتك والله اعلم

حقيقة الرانجلر ل استخدام المدينة هو جيد
بس للخطوط مامشجع بسبب السقف القابل للازالة

اعرف شخص معه 2012ومشاكل كثيرة
بيننا شخص 2013 واستخدام شاق ومرتاح

ف شخصيا اميل للسييرا خصوصا لها شعبية معاكم لو مستقبلا حبيت تبيع