معاناتي مع التوكيلات العالمية

اخوي ادخل موقع سبق او الوطن وحط اللي تبي

ياليت احد يفيدنا بارقام الصحف المحلية ليتم فضح التوكيلات

على الأقل عبداللطيف جميل افضل السيئين ..

ما خبرتنا أي فرع واسم الموظف زي ما قال ابو اسد

والله يعينك

ان شاءالله يتم فضحهم بالصحف المحلية بالاثباتات والادلة

اخوي بالنسبة لموضوع الجي بي اس واتجاه البوصلة الى الشمال دوما فهذه مالها حل لا تتعب

انا تعبت انا والتوكيلات على هذا الموضوع وبالأخير قالو ان البرنامج تم برمجته على ان يكون بإتجاه الشمال دوما والطريقة الوحيدة لمعرفة اتجاه السيارة هو التحويل الى نظام نورث فيو بحيث تصير السيارة ثابته والخريطة هي الي تتحرك وبكذا تقدر تحدد اتجاه السيارة ، طبعا نظام نقدر نقول عليه انه سخيف ومهزلة واقسم بالله انه يغبنك بعد ، طيب عجزو يبرمجون بوصلة تبين الإتجاهات تكون ثابته في الشاشة ولا انك تحتاج تروح وتغير بالشاشة عشان تعرف اتجاهك ، ترى السالفة كلها اكواد في برنامج الجي بي اس وخلاص حتى ما راح تكلفهم شيء

لكن الشكوى لله .

^^
المشكلة من هو البديل ؟ ما فيه ، يا التوكيلات يا الجميح و كل وكالة أردى من الثانية
مدري إذا تعرفون وكالة في الخايج محترمة يروح يشتري الواحد منها و يرجع ؟ و بالنسبة للضمان فالضمان على مستوى الشرق الأوسط

يارجل التوكيلات العالمية ماتفحص شايف ورقة التي بي اي كلام على ورق الحقيقة مافي
غلطة عمر ولن تتكرر مع التوكيلات قدر الله وماشاء فعل

اول حاجه الف مبروك السياره و الله يعطيك خيرها ويكفيك شرها

بخصوص المشكله رقم 1 سلك مقطوع هذي غريبه كيف عدت على فحصهم لانه يفحصونها قبل لا يسلمونها للعميل و ناهي لو انها من المصنع جات كذا كيف مرت من كذا فحص !! لكن الحمد الله انهم ضبطو لك المشكله هذي

هذي غريبه انا سيارتي برضو من التوكيلات و شفت السياره يمكن 3 مرات (حتى الموظف يقولي لو انك بتخطب ماجيت شفتها بهذا العدد ) المهم السياره الاولى كان فيها عيب في قص القطعه السوداء في الصدام الامامي عشاتن الهوك السحب و كويس اني رحت شفتها في النهار المره الثانيه /الاولى كانت في الليل / و الحمد الله سيارتي الحاليه كانت واقفه برضو جنبها كانو جيابينها لعميل ثاني لكنه ماخلص اوراقها ولا شافها ولا شي بس جابوها للمستودع على ما يخلص اوراقها // بعدين شفت السياره تحت اسم غير الي كان حاجز //

المهم وطلب تبديلها قالو يمكن تضبط و كذا قلت لا مابيها عافها الخاطر ابي الي جنبها انا شيكتها على السريع و بكرا بجي اخذ البطاقه الجمركيه //لاني انا الي طلعت لها لوحات // و ابي اشيك عليها مره 3 وهي مغسله وجاهزه طبعا الموظف قال حياك الله هذا من حقك و ماقصر معي الموظف اشغلته و ازعجته الى اخر لحظه من استلام السياره

بخصوص الGBS هذا طبيعي و في موضوع في المنتدى تحدثنا عنه بشكل تفصيلي

هو صحيح قهر لكن دامها ضبطت انسى و توكل على الله انا طلعت سيارتي و دخلتها محل تظليل و حمايه و>>>>> غلفت الارضيه <<<<< هذي انتبه منها و جلست يمكن 3 الى 4 اسابيع من طلعت السياره وانا يافي المحل لاستكمال اناقص او تعديل او وكاله لانه انفصلت عندي البصمه في الابواب و حساس فتح الشنطه بسبب سلك مفصول على كلام موظف الوكاله (وضبطوها الوكاله على حساب المحل )

و الحمد الله على كل حال جات على كذا

خلينا نسوي حمله ضد الوكالات!
او بالاخص التوكيلات و الجميح و عبداللطيف و المتحده