بسم الله الرحمن الرحيم
{قدر الله و ما شاء فعل}
السلام عليكم ورحمه اللع و بركاته
قدر الله يوم الجمعه و يصدم واحد سيارتي وهي واقفه عند البيت و الحمد الله مافي اصابات للسائق الثاني
وطلع رجال فيه الخير و الامانه و طق الباب و ناداني (و ماشرد )
المهم انا انصدمت لكن الحمد الله جات خفيفه مع انو الحادث جاي بطريقه غريبه و يدل انو ماكان منتبه و دخل الفه مسرع على طريقه F1 الدخول من الزاويه القريبه و الخروج من الزاويه الوسيعه عشان مايفقد السرعه مع انو مسك بريك حول 2 متر او اكثر لكنها مسافه قليله
الحمد الله جات على كذا
تضررت سيارتي الصدام الخلفي فقط في الزاويه (مو قويه لكن انشق الصدام شوي و الكلبسات تكسرت من على جنب فقط )
الان المشكله والي حاب استفسر عنه شركه التامين و التعويض و التسعيرات
لاني اول مره انحط في هذا الموقف و موعارف حقوقي بالضبط و اخاف شركه التامين ينصبون علي
مثل ماتعرفون سيارتي 2015 صار لها 4 شهور تقريبا و توها ماشيه 6000كلم يعني تعتبر جديده
و مابي ادخل سيارتي ورشه لصبغ الصدام
نجم قالي القطع من الوكاله اما التصليح تسعيرات ورش ؟؟؟
سؤالي هل يحق لي احضار تسعيره التصليح من الوكاله ولا مجبور على تسعيرات الورش ؟؟
انا اخذت فاتوره من التوكيلات بس عشان اعرف قيمه الصدام
وطلع ب 2220 اسود بدون الصبغ
و القطعه السوداء الي فوق الصدام سعرها 1155 ريال
و مادري اذا في اشياء منكسره داخل مثل قاعده الصدام او شي لاني لسه مارحت ورشه يكشف عليها
كم التكلفه التقريبي لصبغ و تركيب الصدام في الوكاله لاني احتمال 99% بدخل السياره الوكاله ؟
الوكاله كم تسعر الضربه لشركه التامين ؟
ياليت لو احد عنده خبره في هذا المجال يفيدنا عشان اكون على علم و مانخدع ! و كيف اجيب التسعيره هل يختمون ا يكتبون على الورقه الي اعطاني نجم او فاتوره من الورشه و فاتوره من محل قطع الغيار ؟؟؟
اسم شركه التامين: امانه للتامين التعاوني <<< احد تعامل معهم
الحمد الله و الله يحفظكم من شر الحوادث خاصه هذي الايام و زياده الزحمه مع الاجازه و كثره الاشخاص الصغار او قليلي الخبره و المتهورين
