السبت 18 أبريل 2026
عاجل

محتاره ما ادري وش اخذ سياره

نادي سيارات ال SUV و العائلية والنقل
25 رد 5,372 مشاهدة 21 مشارك الأقدم أولاً
أ
أم_خالد @user_309106 · 14-07-2015

السلام عليكم ورحمة الله وبركاته

اخواني تكفون ساعدوني بإختيار سياره و تصلح للسواق اهم شي:blue:

كان عندي جيب مرسيدس GL 500 2013

بس عدمها السواق لي مايعرف للقير :a1120(82)::a1120(82):

و الحين يبغالها تصليح بملبغ مو اقل من 20 الف
قلت ببيعها و اشتري غيرها لان هذا الخراب الخامس من يوم ما اشتريتها

ومحتاره بين السيارات هذي بس ما ادري اذا تصلح للسواق او لا :smilie20:

1- فورد اكسبيديشن 2015

2- جميس يوكن 2015

3- شفر تاهو 2015

4 - لكزس جيب gx 460 2015

5 - فورد فلس 2015


و ياليت تفيدوني اذا اقدر اشتريها واستلمها قبل العيد من المعرض ؟؟
ا
الوحش100 @user_277056 · 17-07-2015
خذي للسواق هايلكس موديل 2000
X
XxNMGxX @user_291285 · 16-07-2015
غلطان في الاسم تراك كاتب ام خالد ... عدلة يبو خالد xD الاسلوب انثوي واضح
م
ميتسوبيشي اوبس @user_150539 · 16-07-2015
يعطيك الله خير السيارة التي ستشترينها ويفكك من شرها وشر السواقين

بما ان السيارة للسواق يعني راح يعدمها ولذالك لاتشتري شي غالي لانه خسارة في سواق وهناك البديل القوي الراجح

1 - قرانديس فل سيارة مستوبيشي عائلية واسعة ومريحة والمكيف ثلوج والسعر 80000 ريال بلاش

2 - باجيرو سبورت فل سيارة مستوبيشي جيب واسعة ومريحة والمكيف ثلووج 105000 ريال بلاش

3 - باجيرو فل سيارة مستوبيشي جيب واسعة ومريحة والمكيف ثلوج 150000 ريال يابلاش


الي ماتعرفيه او غير منتبه له ان جميع السيارات ميستوبيشي مقارنة مع نفس فئة السيارة من وكالات اخرى تعتبر مستوبيشي
الارخص والاكثر جودة والاطول عمر يعني مثلا لو قارنتي القرانديس من ميستوبيشي بالؤديسي من هوندا راح تشوفي فارق السعر والجودة للمسوستبيشي وهكذا مع باقي الفئات ولذالك انصح بتوفير المال وشراء الجودة
&
スバル @user_272975 · 16-07-2015
انا انصحك بالهوندا اوديسي,اول شي واسعه من الداخل (اوسع من الاكسبدشن) ثانياً جودتها معروفه وعمرها الافتراضي طويل,ثالثأ سعرها جيد 150 الف للفل,واخيرا مواصفاتها بالنسبه للركاب الخلفيين ممتازه (وهذا المهم بالنسبه لك ),بعدها تجي الكيا كرنفال.
واذا ميزانيتك اعلى من المذكوره اعلاه وتبغين شي فخم عندك فان المرسيدس ممتاز بس ما ادري عن السعر
المهم انك تكوني في فئة الفانات الصغيره بشكل عام لانها مخصصه لطلبك,تتحمل السواق ومريحه واعطالها قليله.
أ
أم_خالد @user_309106 صاحب الموضوع · 16-07-2015
الله يعطيكم الف عافيه ماقصرتو |596||596|

والله يرزقكم بالي تتمنوه دنيا و اخره ويفتح على قلوبكم


الحمدلله تم التحديد إكسبيديشن ليمتد 2015


m
m__power @user_307722 · 14-07-2015
واضح ان الميزانية ممتازة ما شاء الله

اغلب الشباب استثنوا الجمس
مع اني اشوفه اختيار مثالي , وقيره مافيه مشكلة واتوقع سبب خراب قير المرسيدس انه كان يحركه بالكامل والمفروض لمسة بس

شخصيا ما انصح بالكزسgx لانك فعليا ما تحتاجي مميزاته

القي نظرة على انفينتي qx60



ي
يا رب رحمتك @user_303478 · 14-07-2015
خذي ماركيز 98 وركبي مكينه بورش :)

امزح امزح:)

انا بالنسبه لي ومن تجاربي التاهو او اليوكون 10 سنوات ماتفكرين بسياره ثانيه
ما اقصد شكل اقصد خدمه ومشاوير في اليوم ممشاي ما يقل 300 كم
ما شاء الله موتر ينشد فيه الظهر مثل ما يقولون لكن بشرط اهتمي بزيوته وغيريها في وقتها
P
Polat Alemdar @user_146889 · 14-07-2015
فلكس حلوة و طيبة و اعتمادية

انصحك فيها و بشدة
r
realtime @user_308384 · 14-07-2015
انا بقول تشوف اي استخداماتك وتحدد بناء عليها طلبك
L
LANCHER_Z71 @user_295682 · 14-07-2015
دامها للسواق و للعدام

خذي لك لفة على السيكويا
صحيح قبيحة ولكن هي اللي بتتحمل السواقين

إذا ما عجبك روحي لإكسبديشن 2014

ما أنصحك بسيارة فارهة و سعرها أكثر من 140 ألف ريال للسواق
بصراحة حرام تحطين هالمبلغ بيد سواق يعدمه عدام
م
مقفي @user_59328 · 14-07-2015
السلام عليكم ورحمة الله
انا مع الاخوان اللي رشحوا لك السيارات اليابانيه
لانها عمليه وخدومه وتتحمل دفاشة السواقين
اما الأمريكية سيارات حليوه لكنها حساسه وتتفكك بسرعه
ولاتتحمل دفاشه
وان كان لابد ابعدي عن الفورد نهائيا وخلك على التاهو او اليوكن من واقع تجربه فهي اسهل صيانه واكثر تحمل
واذا انتي حابه فورد يوجد عندهم جيب من لونكلن اسمه نافجيتور حلو شكله بس لاتنسين الملاحظات اللي ذكرتها واللي ماقصروا الاخوان بعد فيها
والله يوفق وييسر
ا
ابن العين @user_292793 · 14-07-2015
من الواضح تبعا لكلامك ان المشكلة في مكان جير السيارة والمعروف ان المرسيدس gl و التاهو واليوكون مثل بعض الجير عند المقود مب ارضي

انتي محتاجة سيارة تتحمل المشاويراليوميه الطويلة وانا من رأي بعض الاخوة ان الياباني هو الاحسن

إذا كانت عائلة كبيرة فوق ال 5 أفراد وتحبون تسيرون البر فضروري السيارة تكون فورويل وهناك ثلاثة خيارات فقط

1- نيسان باترول سيتي اوبشن LE بقوة 400 حصان سيارة رائعه بمعنى الكلمه
2- لكزس LX570 ولكنه أغلى من النيسان
3- متسوبيشي باجيرو أرخص الثلاثه وسيارة كراف بمعنى الكلمة .

إذا كنتي لا تبحثين عن الدفع الرباعي الحقيقي فهناك سيارات مناسبة للخطط اليوميه ومريحه جدا

1- نيسان باتفندر الجديد الكل يمدح فيه وخصوصا الكراسي ( مريحه جدا ) لانها بنظام الجاذبيه العكسيه وهو نظام بالتعاون بين نيسان وووكالة الفضاء الامريكيه الناسا .
2- انفنيتي jx35 رائعه وفخمه جدا ومحركات الانفينيتي معروفها بقوتها والسيارة معروفه بقلة الاعطال فيها .
ف
فارس العمران @user_32777 · 14-07-2015
السلام عليكم ورحمة الله وبركاته

وعليكم السلام ورحمة الله وبركاته

اخواني تكفون ساعدوني بإختيار سياره و تصلح للسواق اهم شي محتاره ادري سياره blue.gif

كان عندي جيب مرسيدس GL 500 2013

بس عدمها السواق لي مايعرف للقير محتاره ادري سياره a120(82).gifمحتاره ادري سياره a120(82).gif

و الحين يبغالها تصليح بملبغ مو اقل من 20 الف

قلت ببيعها و اشتري غيرها لان هذا الخراب الخامس من يوم ما اشتريتها

يارب يعوض عليك

ومحتاره بين السيارات هذي بس ما ادري اذا تصلح للسواق او لا محتاره ادري سياره smilie20.gif

1- فورد اكسبيديشن 2015

أقترح اكسبدشن 2014 تلاقينه بالوكالة بحدود 114 ألف ..تكسبين :
سعر منخفض + اغلب الورش تعرف التصليح والصيانة.
أما الجديد 2015 فهو ماكينة جديدة + يعني لو يصير خراب بتبلشين بالاصلاح + سعره غالي وشاطح + شكله مثل 2014 ما عدا تغييرات طفيفة + لاحظي انه غير منتشر بالشوارع.


2- جميس يوكن 2015

شكل جديد + سعره يبدأ من 170 ألف + أشوف الاكسبدشن 2014 افضل من ناحية توفير المال.

3- شفر تاهو 2015

أخو اليوكن + اذا احترتي بينه وبين اليوكن أميل للتاهو بسبب نفس الاستخدام مع توفير مبلغ مالي.

4 - لكزس جيب gx 460 2015
شكل جديد + سعره فوق 220 ألف + مدري اذا وصل 2015 للوكيل أم لا..
بينما 2014 شكل قديم + قد تجدين عليه خصم بحدود 10 آلاف ريال.


5 - فورد فلس 2015
ما يمدحونها + صيانتها مكلفة + ستتوقف عن الانتاج

و ياليت تفيدوني اذا اقدر اشتريها واستلمها قبل العيد من المعرض ؟؟
باذن الله
لأن المعارض عندها اصدار اللوحات ..وبنفس اليوم يسلموك السيارة.


ملاحظــة
[COLOR="Red"]رأيي ..قدمته بناء على استخدامك للسيارة + مع اقصى استفادتك منها+ما تبلشي في الصيانة+فيه سيارات افضل من اللي اقترحتها عليك لكن تتميز بتقنيتها العالية او وكيلها السيئ لذلك استبعدتها تماما + ارجع واقول رشحت لك السيارات لسعرها و كرفها

في هذه الحالـة
ارشح لك اكسبدشن 2014 بـ 114 ألف ريال.
أو
شوفي فورتشنر 4 سلندر توماتيك بـ 90 ألف ريال ويمكن عليه خصم ..السيارة هذي مكدة مكدة مكدة..وهذي سيارتي ..سافرت عليها لدبي 3 مرات وكشتة وأداوم عليها..وماشاء الله عليها..بالمناسبة مع اني اقدر اطلع سيارة اغلى لكن بسبب احتياجي لسيارة عائلية + خطوط + قلة الصيانة..اشتريت الفورتشنر قبل 3 سنوات ولله الحمد.

بس حطي في بالك ..

هل تقبلين بمستوى الراحة فيها..بعض الناس يقبل فيها وبعضهم ما تجوز له..بالنسبة لي انا مرتاح فيها + نزل شكل جديد كليا وبيوصل بعد العيد. [/COLOR]
f
fhad2007 @user_69277 · 14-07-2015
دام مشوارك يومي فلا تطلعين من تويوتا او الياباني بشكل عام .. ولو تاخذين قير عادي للسواق يكون افضل ..

ارشح لك بريفيا من تويوتا و اوديسي من هوندا ..

وش لك الله يصلحك في الجيوب المرتفعه !!! لو يضرب فيها كفر ان يجيب فيكم العيد هالسواق

وان كان لا بد جيب فارشح لك بايلوت من هوندا يعني يعتبر كروس اوفر وكذلك مازداء CX9

واخر شي فورد فليكس الدفع الرباعي وليس الامامي لان الرباعي اكثر ثبات

والله الموفق
ا
انا وسيارتي @user_181125 · 14-07-2015
وعليكم السلام ورحمة الله وبركاته

الاكسبديشن مناسب ...

سعره بمعارض الرياض 135 دبل خليجي ستاندر وبإمكانك تستلمينه اليوم !

أما الوكالات فخلاص مافيه شي قبل العيد .!

x
xda ll @user_15895 · 14-07-2015
فورد فلكس مناسب للعائله وانيق وصيانته بكل مكان
A
ARMADA xKINGx @user_307527 · 14-07-2015
من الآخر لو تبغاها للسواق المثل يقول
فورد موتر السواقين
لكن لو تبغاها لك
اللكزس لو بتاخذه بريمي عشان يكون كامل المواصفات رادار وكمرات ومفتاح كرت وخروج عن المسار
لكن بشكل عام لو بتاخذ سيارة وحدة لك وللسواق
إكسبديشن تصلح لك وللسواق
C
Cefiro @user_19734 · 14-07-2015
ثابته ومريحة وحقت سواقين فورد اكسبدشن
أ
أم_خالد @user_309106 صاحب الموضوع · 14-07-2015
آنا ابغاها مريحه وثابته بالخط

لان دوامي كل يوم انزل على جده وتقريبا بشكل يومي السياره بتمشي مسافه مو اقل من 200 كيلو
سجّل دخول للرد...