لخبراء إنفينيتي q70 2016 or qx70s 2015

السلام عليكم

بدايةً زين ما اخترت

سيارة مميزة وترضيك بالمواصفات والاسم وسعر منافس وخصوصا Q70
السيدان

بس ياليت نشوف تجارب الأخوة المالكين السابقين للانفينيتي

وين أماكن صيانة السيارة غير الوكيل وأماكن بيع القطع

أنا ما أبي أشتري سيارة وأتوهق بصيانتها أو أنجبر على الوكيل أبي يكون عندي خيارات

انصحك لوجه الله اشتري الوكيل قبل السيارة والغسان سي سي جدا جدا

صحيح كلامك والسيارة اذا طولت نهاية 2017 وبيتغير شكلها أتوقع

بالنسبة للوكيل الانفينيتي اخذها الغسان من عام 2014 ، صحيح جديد في الانفينيتي بس مو جديد في عالم السيارات هو وكيل البينتلي زي مايعرف الأغلبية
صحيح فيه ضعف بالنسبة لتوزيع فروع المبيعات والصيانة لان المملكة كاملة مافيها الا ثلاث فروع جدة والرياض والخبر ، كبداية اشوف انها بداية قوية من ناحية العروض اللي مقدمينها واتوقع مع الوقت بيتطور اكثر وفروعه بتكثر ، أنا اشوف بدايته أقوى من بداية وكلاء كثير الحين صارو يعتبرون من أقوى الوكلاء في السعودية

السيدان اريح وشكل جديد ومواصفات وجودة جدا ممتازة ومحرك طيارة على v6 اذا v8 بسوي مصايب وبلاوي اما الجيب احسه قديم الشوي وعفى عليه الزمن خذ Q70 وانبسط بها وبتقنياتها وفخامتها والمحرك الطيارة

حتى لو السيارة ما بتتغير عام 2016 ونقول رح تتغير بعام 2018 أو 2017
الفترة الي رح تستمر السيارة بشكلها الحالي سنتين وشوي تعتبر قليلة
أتكلم عن qx70
فنصيحتي q70 ممتازة وخاصة لو فل

صدقت بس شيء ملفت

تشوف سياره فخمه او شبه فخمه تزحلق في الاسفلت شوي :bigggrin:


زي هذا مثلا

https://www.youtube.com/watch?v=Ls2Dcjvp0w0

:bigggrin:

الدفع الخلفي بيكون ممتع على سيارة سبورت أو مصل كار ، بس سيارة فخمة مب حلوة ...

الـQX70 الاكيد أن موديل 2016 ما راح يتغير لأن تصريح رسمي نزل أن الشكل بيظل مثل ما هو.

مصدر المعلومة:
http://infinitinews.com/en-US/infiniti/usa/releases/infiniti-what-s-new-for2016

^^^

بالعكس عندي انا الدفع الخلفي اكثر متعه خصوصا في الاسفلت الناعم :bigggrin:



انا من رايي Q70 لان QX70 ممكن يتغير شكله قريب

السلام عليكم ،

أنا كنت في نفس موقفك قبل 3 سنوات ، كنت محتار بين الـFX50s والـM56s السيارتين موديل 2012.
السيارتين فيهم أشياء كثيرة مشتركة أو من نفس الفئة ، لكن الأختيار كان بناءً على الأحتياج الشخصي.

نقاط القوة في الـFX50s أو QX70s:
- الدفع الرباعي ، وخصوصاً عندنا في الرياض مع الأسفلت الناعم والأنزلاقي ، التماسك راح يكون أكثر كفاءة مقارنة بالدفع الخلفي.
- أرتفاع السيارة عن سطح الأرض (18.7 سم مقارنة بـ14.9 سم) ، هذا الشيء مفيد مع المطبات الصناعية وفي الدخول والخروج من مواقف السيارات والكراجات.
- نظام تغيير قساوة المساعدات (CDC) أعتبره شيء مهم وخصوصا حجم الجنوط كبير والشوارع عندنا مكسرة ، نظام تغيير القساوة راح يخفف من نقل الأهتزازات لداخل السيارة.
- سعر إعادة البيع ، الأنفينيتي بشكل عام سعرها وقت البيع مب قوي مقارنة بماركات منافسة ، لكن QX70 مرغوب أكثر وقت البيع مقارنة بـQ70.
- الشكل الخارجي للـQX70 مميز وملفت للنظر أكثر من الـQ70 (وجهة نظر شخصية).

نقاط القوة في الـM56s أو الـQ70s:
- داخلية أجمل ورياضية أكثر من الـFX.
- أداء أفضل بحكم الوزن والأنسيابية وأنخفاض مركز الثقل وقوة المحرك.
- شنطة السيارة (الدبة) عملية أكثر ، لأن الـFX ما فيها عمق.
-النظام الصوتي أقوى مع وجود 16 سماعة مقارنة بـ11 سماعة في الـFX.
- وجود أنظمة سلامة أضافية مثل النقطة العمياء ، نظام التحذير من الأصطدام الأمامي وغيرها من الأنظمة.

في النهاية أنا أخترت الـFX50s لأني شفتها تناسبني أكثر من الـM56 مع أني لو أخترت الـM ما أعتقد أني راح أندم لان السيارتين مميزتين وفيها توازن بين كونها فخمة وعملية ومع أحساس رياضي.

نصيحتي جرب السيارتين وأختار اللي يناسبك.

لو كنت مكانك مع أني أفضل الجيوب
لإخترت السيدان شكل محدث ورح يعيش أكثر
وأيضاً تقتدر تقول كلهم يشيلون 5 أنفار
وبالنسبة لي السيدان شكلها الداخلي أحدث وأجمل