السلام عليكم
لارامي دايم يمدح دوج بكل الردود , انا عندي طلب واحد بس
ليه يا لارامي ما تتكلم عن سوء خدمات الوكيل ليه ؟!
خلك حقاني لو مرة
انا ماني من المتعصبين والي ضد الدوج والي عندهم تويوتا احسن شيء
ادخلوا على مواضيعي وردودي وشوفوا كل كلامي
طيب بما انك عندك اكثر من سيارة من دوج معقولة ماصارتلك
ولا مشكلة مع الوكيل ؟! ولا عندك واسطة بالشركة ولا وشلون
ترى موضوعي مب هجومي عليك , ولا اي شيء من هالقبيل
انا دوج عندي افضل شركة سعر مقابل مواصفات , ومن ارهب
السيارات الي ركبتها
ماني جالس اشوه سمعة دوج , بس انا انسان ودي اشتري دوج
لكن الوكيل يمنعني !!
انا ابغى اشتري سيارة تخدمني مو سيارة انا اخدمها واتبهذل مع وكيلها
اوكي لو بشتري سيارة بـ 300 ووكيلها سيء اكيد اني اقدر ادبر سيارة
ثانية لاني بالغالب كاش ومعي فلوس
لكن انا الان رحت شريت تشارجر مثلا بـ100 , بالواضح والمنطق وغالبا
اني ما اقدر احط عندي سيارة ثانية بالبيت , طيب وش اسوي بالوكيل
وعلى فكرة , ما عمري قد سمعت كلام الي يسبون بالدوج وهم ما استخدموه
كله كلام بكلام
واعرف واحد معه تشارجر 2007 تبهذل مع الوكيل بهذلة قوية مع انه يحب السيارة
يوم جاء 2011 راح شرى تشارجر ثانية :bigggrin: موديل 11
يقول عجزت اتركهم , سيارات صح
رغم انه متبهذل مع الوكيل , لكنه معترف ان الوكيل سيء والسيارة جبارة
هل تقدر انت تسوي نفس الشيء وتعترف ان الوكيل سيء رغم ان السيارة جبارة؟
اتمنى تقرأ كلامي اكثر من مرة قبل الرد
