هل ممكن تحديث نظام اليوكون 2015

هذا الموقع تشتري منه القطع الاصلية عشان تحدث النظام الى موديلات 2016 مع GPS

http://www.oemautopartsco.com/products/2015-gmc-yukon-intellilink-io6-gps-navigation-radio-upgrade

هذا الفيديو التركيب
https://www.youtube.com/watch?v=GaoGwq8z-xs

اشوفكم مصعبين الموضوع

الوكيل يقدر يبرمج USP الموجود ليتعرف على الشاشة بعد التحديث
المقاطع الاجنبية كلها ترهيم هواة وتسويق لقطع بعض الشركات

بعض موظفين الصيانة السريعة بالجميح يقولون اذا نزل تحديث من الشركة يركب بدون مشاكل

اذا مافيه امكانيه انك تضيف هذة الميز الهواتف الذكية تسد بالحاجة واذا عن المكالمات فهذة الميزة موجودة من اول ربط الهاتف بالشاشة عبر البلوتوث

وبالنسبه لنظام ابل كار بلاي واندرويد اوتو هي عباره عن بث لمحتوى بعض التطبيقات على شاشة السيارة مثل الخرائط والاشعارات واجراء المكالمات

لو انه نظام كامل مثبت على الشاشة ممكن يكون مهم بالنسبه لي

انا شفت مقطع ع اليوتيوب لشركه خاصه امريكيه تضيف خاصيه car play

و اللاسف فيها شغلات هاردوير وهي 3 اجزاء (بالنسبه للسييرا و اعتقد نفس الشي للتاهو و اليوكن )

جهاز خلف صندوق القفازات
و جهاز خلف الشاشه
و الجهاز الثالث عباره عن وصله الUSB المزدوجه الموجوده في الدرج او تحت مفاتيح المكيف بالنسبه لل التاهو LTZ و اليوكن الدينالي و SLT ذات الكنسول الوسطي

طبعا يكلف التركيب غير الشحن اذا وافق الموقع بالشحن يعني ماراح تقل التكلفه عن ال4000 !! و هذا شبه مستحيل الوكاله راح تسويه للعملاء اصحاب السيارات 2015 للاسف

لكن في بديل ان شاء الله
في شخص يركب جهاز مشايه و في خاصيه الميرور للجوال و فوق كذا مدخل HDMI و كنت راح اركبه على سيارتي لكني فكرت في السياره توها جديده و لسه فلوسها مابردت (على قولنا ) فقلت انتظر يمكن يجي رجاء من الوكاله و منها ترخص
التكلفه حول 3000 و كذالك الشخص هذا في موقع حراج

اتوقع هارد وير وصعب ومكلف

سويت صيانة في الجميح وقالي الموظف بخصوص الشاشة تروح بس فرع خريص قسم الراديو هم اللي يفيدونك

اللي قريب من الفرع يشيك عليهم

دخلت سيارتي اليوم لصيانه ال20كلم

وللاسف مافي تحديث للشاشه و طلبت منه يرفع طلب او حاجه من هذا القبير ورد انه راح يشيك من مدير الصيانه

لكم في تحديث للقير و الغريبه هذا ثاني مره يكون في تحديثات لكنهم مايعلنون عنها
الي يجي يسوي صيانه يقوله في تحديث و خلاص

هل من جديد في الموضوع

احد راح الوكالة وسئل

هي ليست مستحيله لكن الوكاله مستحيل تسوي لك تحديث باضافه قطه هاردوير مجاني

هي سوفت وير و ياله تجي منهم

اما القطع الي في امريكا و الي في موقع حراج هي اضافه للشاشه الاصليه و الخوف فقط من خروج السياره من الضمان لا انا شايفها موجوده في السوق من فتره طويله

انا اتمنى يكون الي رد علي يكون رده غير صحيح و المسئله كلها برنامج ولا تحتاج اضافه جهاز او قطعه خاصه لكي تعمل

اختلف معك

يقدرون اذا كان الجهاز الي تقول عليه في موقع حراج برمجو الشاشة وشغلوا الجوال على الشاشة وبعض المقاطع الاجنبية اضاف GPS لنفس الشاشة بايضافة قطعه صغيرة تلقط الاشارة فوق الطبلون وبنفس خصائص الشاشة الرئيسية كيف الوكالة ما يقدرون ايضافة برنامج بسيط !!!
خاصة ان مخرج USP وكرت الذاكرة موجود في مديلات 2015 وتعمل بدون مشاكل

السلام عليكم

راسلت خدمه العملاء شفر US على توتر و جاني الرد بعدم مقدره تطوير او ترقيه شاشه 2015 الى نفس الموجود في 2016 للاسف

و عدم القدره على تركيب ميزه car play بسبب عدم وجود الجهاز المناسب لتشغيله

يعني الشغله هارد وير مو بس سوفت وير

خبر سيء الصراحه لمالكي السيارات هذي و طرحها جدا سيء من الشركه بحيث تنزل ميزات زياده على السياره بعد طرحها بسنه


الحل الوحيد لمالكي تاهو و اليوكن بتركيب الجهاز الي يعطيك تحكم الكامل بالشاشه من تشغيلها اثناء القياده و مدخل HDMI و عرض الجوال عليها بشكل كامل
لكن السعر شوي غالي و ان شاء الله ينتشر و يرخص لاني شايف هذا الاعلان في حراج

ممتاز شفت المقطع و ان شاء الله تكون الميزه هذي تضاف و يتم تحديث جميع الاموديلات الي تستخدم Mylink

الميزات الثانيه الي ذكرها في المقطع اعتقدها موجوده في سيارتي خاصه فتح النوافذ و يتم تفعيلها من الشاشه

انا راح ادخل سيارتي صيانه في الوكاله و عندي ملاحظات كذالك يعني ماراح تكون صيانه سريعه

ياليت يكون في حل حق كيبل التسخين للنافذه الخلفيه بس حركته بالغلط مو تحريك يمكن لمسته و انفصل و يحتاج تلحيم

هذي المشكله من موديلات 2000 ولا شافو لها حل مناسب او على الاقل تكون مخفيه

النظام موجود في مديلات 2016 شف الرابط

https://www.youtube.com/watch?v=S_Jt-VRGRyE

بالنسبة لحقين الصيانة السريعة سالتهم قبل ما عندهم اي معلومه فقط تغير زيت

ان شاء الله خلال كم يوم او على الاسبوع القادم راح ادخل سيارتي تشييك ال20

و ان شاء الله اذا مانسيت راح استفسر عنه

لكن هل هذا النظام نزل فعليا في التاهو و اليوكن عند الجميح و التوكيلات ؟؟

اذا مانزل عندنا فبيكون احتمال كبير ماراح يكون الرد الي ننتظره

و اذا كان في تحديث راح يعمله مباشره بدون ما قوله عنه مثل تحديث سابق لما ادخل السياره الوكاله الموظف قالي في تحدسيث للسفتي و كذا و عمله

يعني على السستم الموجود قدامه لانه الموظف بمجرد يدخل معلومات السياره يظهر له كل حاجه من تحديثات و هنا اعتقد يبين مدى التواصل بين الوكيل و الوكاله GM

و من رد سابق من خدمه العملاء GM/US ان التوكيلات مايردون على استفساراتهم لما ارسلت لهم بخصوص مشكله في سيارتي
الى يومك هذا لا يوجد رد

الله يعينا على هذيلا الوكلاء

احد قدر يحدث النظام او اتصل على الوكالة يستفسر ؟

على فكرة هم بيضيفون كار بلاي واندرويد اوتو

واتوقع انه مجرد سوفت وير