مبيعات سيارات النقل والدفع الرباعي في السعودية لأول 4 اشهر 2016

ما ودي أخوف الناس :tongue: وإلا الوضع يخوف

ركود عام في مبيعات السوق السعودي لأول 4 أشهر من 2016 - إحصائية ‏( 1 2 )

يبدو أنك الذي تراه ذا سعرٍ فاحش يراه غيرك أفضل السيارات الفاخرة من فئته حتى أني أفكر أني لو صرت مليونير فما فيه سيارة أفضل من الجيب اللكزس لأقتناها قياسًا على تقديري لحاجتي الحالية
فتقديري الآن حسب وضعي المالي أن GXR هو المناسب لي وأتوقع بعد 4-6 سنوات سأصل في قدرتي المالية إلى VXR لكن بعد كذا مالي إلا اللكزس :xyxthumbs:

لا تفطر ولا شيء اشتر اللي تبي وخل الناس يشترون اللي يبون :smilie16:

كالعادة لا شيء جديد نفس ترتيب مبيعات السنة الماضية

الله يسلمك من الشر

السلام عليكم
ارتفاع واضح في مبيعات النيسان بيك اب مقابل هبوط في الايسوزو

شكراً لك ويعطيك العافية ( الارقام لاتكذب )

انا استغرب و في نفس الوقت متوقع ردت الفعل اغلب الناس على اللاند و الجيب اللكزس صدقي لو تجرب الاند و لا اللكزس راح تتغير قناعتك ولا تسوقة و انت كارهة ولا تسوقة ابو دقيقة و تنطلة لان عين الرضا عن كل عيب كلية و عين السخط تبدي المساوء لاكن انا كنت من اشد الناس كرها للاند و للاسف كنت اقول الي يحط مبلغ في لاند كروزر هذا شخص ما يعرف يشتري و شخص امعة احد يترك التاهو ولا اليوكن و ياخذ هذي السيارة المنتفة الصغيرة و محرك ضعيف الين جا اليوم الي جربت فية اللاند و بعدها عرفت ليش الشعب يشتري هاالسيارة و من بعد تجربتي لها و لله الحمد و المنة امتلكت وحدة و ماشاء الله مرتاح و لا فارقة معي المواصفات قد ما فرقت معي هدوء المقصورة و الراحة الاعتمادية لاني راعي كشتات و شعبان رايح جاي توصل 70 كيلو ردمية و كل هذا """مافيها قرقعة ابدا""" ماشاء الله

المعذرة وانا اخوك لعلك بالغت بشدة في كلامك!

شعبنا وياشعبنا ع اساس السيارات الباقية رخيصة !

كفاية جلد للذات وكأن اي شخص يشتري

هالسيارة غبي وكريه ومضيع فلوسه ! هو حر وعاجبته

والله رازقه !!

الغباء كله هو التدخل في شؤون الاخرين لااقصدك انت وانا

اخوك لكن بشكل عام !

السيارات غالبيتها تعدت ماتستحق للعلم !

والق نظرة بنفسك من اردى سيارة لافخم سيارة خصوصا

اسواقنا !

نعم تويوتا مرتفعه اسعارها بزيادة..نعم اتفق معك مواصفاتها

قليلة ع اسعارها الغالية..وايضا مبالغ في اسعار

للمستعمل..وكلمة شيك في الجيب تنرفزني اذا سمعتها !

انتقد زي ماتبغى وانا معك ومثلك

لكن كل هذا في جهة ..وحريتي وحرية الناس في الشراء في

جهة

راعي البر والغنم يعرف وش يشتري

وفلوسه في جيبه وحر في ماله

لو يشتري قارب يدخله للبر هو حر اهم شي مقتنع فيه !

وتراه انسان ويبي سيّارة تتحمل واوقاته في البر غالبا

من الصعب جدا تقنع احد له عشرة عمر

مع سيّارة ومرتاح معها يشتري غيرها

جالست ناس مقربين عانوا من تدخلات الي مالهم ريال

واحد في القرار وشوي بيضربونهم ان اشتروا هالسيارة!

كل هذا عشان لا يصير غبي ومعتوه اذا اشتراها

بهالمبلغ!

واكون صريح معك كانت لاندكروزر !

تحيتي لك

جميل شكرا كومبو

مستغرب ياراعي الستاندر ؟ ,,, اصلا عادي شعبنا ممكن يحط 200 الف وعليها فسيارة ماتسوى التالي من الغنم وانت بكرامة ,, وينسى مواتر بنص سعره وتؤدي غرضه ان اخذنا بعين الاعتبار
ان الي يشترونه ياخذونه للبر

لعلك تحاول التخفيف من وقع الأمر بقولك "ركود"


وبحسب الرابط الهايلوكس انخفضت مبيعاتها بنسبة 39%، وتغير مركزها من الأولى على جميع الفئات إلى الرابعة!






يعني كانت مبيعاتها لنفس الفترة من العام الماضي حوالي 32000 سيارة

أجل الكزس LX على سعره الفاحش أكثر مبيعا من اليوكن XL و السوبربان والباجيروا .. !!

شيء يفطر الصراحه

ملاحظ

السييرا اكثر مبيعا من السلفرادو

والتاهو اكثر مبيعا من اليوكون


واللاند رغم اسعاره المرتفعه ووجود بدائل
الا انه الاكثر مبيعا في الدفع الرباعي



يعطيك العافية اخوي كومبو

سأطرح مبيعات السوق الخليجي في موضوع مستقل حال استكمال طرح كافة المبيعات