مطلوب شوركم بعد هداية الله ISUZU MU-X

:xyxthumbs::xyxthumbs::xyxthumbs::xyxthumbs:

فيه فرق حوالي عشرين حصان مقارنة بالفورتشينر
مشكور ياغالي على ردك

جزاك الله خير ... رد وافي وكافي
الله يبارك لك في موترك
تقبل تحيتي

ياهلا والله أخوي
الباجيرو بلا شك سيارة رائعة بس وكيلها مايخدمها للأسف

https://www.toyota.com.sa/vehicles/models/suv/2016/fortuner

https://haraj.com.sa/1115201912/_%D8%AA%D9%88%D9%8A%D9%88%D8%AA%D8%A7_%D9%81%D9%88%D8%B1%D8%AA%D9%88%D9%86%D8%B1_GX1_2016%D8%AC%D8%AF%D9%8A%D8%AF_%D9%84%D9%84%D8%A8%D9%8A%D8%B9_%D8%AF%D9%8A%D8%B2%D9%84/

اذا المحرك ٣٠٠٠ والاحصنه ١٦٣ هو خيار جيد مع اني افضل الفورشنر عليه

ووجهك ابيض يأخوي بخصوص سؤالك عن اسعار الفلاتر فهي بحسب موديل السياره ففلاتر موديل 2004 الى 02007 دفعه اولى تختلف عن 2007دفعه ثانيه الى 20013 وكذلك تختلف 20014 الى الآن, السياره التي عندي الطرمبه تعتبر كهربائيه فهي تعتتبر غاليه وسعرها 10000 ريال تقريبا, ولكن إذا حافظت على الطرمبه وذلك بتغيير الفلاتر دوريآ حسب ماهو موضح في جدول الصيانه بإذن الله الطرمبة ستكون بحالة جيده, وسعر الفلتر الملاصق للطرمبه من 45 الى 55 ريال والفلتر الذي اسفل التانكي وعمله تصفية الديزل من الماء فسعره مابين 80 الى 95 ريال, اما فلتر الهواء مابين 45 الى 60 ريال,

لماذا لايكون الباجيرو سبورت الخيار الاول؟

جزاك الله خير أخوي
صراحة أدور جيب ، في أحد الردود ذكر الفورتشينر ديزل بس ما حصلت عنها خبر

بيض الله وجهك يالطيب
كفيت ووفيت
إذا تعطيني تقدير لقيمة الفلاتر والطرمبة أكن لك من الشاكرين

الله المستعان وش ذي الأسعار
غريبة والله الخواجات طايحين في ذا الموتر ، وهم البخل بعينه ، بس شكلهم مايكرفونه مثلنا والله أعلم
الله يعطيك ألف عافية

صحيح كلامك ياخوي قاقا
بس الصف الثالث في الإيسوزو وسيع أكثر

يعطيك العافية

جزاك الله خير ياخوي على النصح
وفعلا قيمة طرمبة الديزل سبب لإعادة التفكير

مشكور وماقصرت

اذا مصر على الديزل خذ ديماكس العادية محرك 3.0 او هايلكس ديزل بمحرك الديزل الجديد من تويوتا 2016

السلام عليكم ورحمة الله وبركاته بخصوص موضوعك عن ايسوزو mux فانا امتلك ايسوزو demax ومن تجربة اوضح لك كالتالي: السياره لدي محرك سعة 3 لتر بقوة 130 حصان ناقل حركه اوتماتيكي طبعا موديل 2006 , السياره من التحمل فحقيقة سياره لايعلى عليها اذا حافظت عليها في صيانة فلاتر الديزل والهواء حيث ان هناك 3 فلاتر, فلتر في طرمبة الديزل يتم تغييره كل 15000 كيلومتر, وفلتر بجوار التانكي لتصفية الماء يتم تغييره كل 30000 كيلومتر, وفلتر الهواء يتم تغييره كل 40000 كيلومتر مع تنظيفه بشكل دوري مع كل تغييرة الزيت, من ناحية الصوت فهناك صوت لكن ليس بذلك الازعاج وذلك بسبب حصولها على التوربو, علما ان الجيل الجديد افضل بكثيرمن ناحية الهدوء, اما الدخان لايوجد اذا حافظت على تغيير الفلاتر, الاداء لاباس به وميزته ان العزم عالي وايضا بعد سرعة 100 تتزايد تسارعها بفضل التوربو, الراحه تعتبر اريح من الهايلوكس والداستون, والثبات في الطريق جيد, وتكييفها ممتاز,عيبها في صيانتها ان ورشها محدوده ولكن اذا كنت من سكان المدن الكببيره مثل جده او الرياض او الشرقيه او حتى مكه المكرمه وابها وبريده فليس لديك مشكله بسبب تواجد الوكلاء وتوفر قطع الغيار هناك, قطع غيارها نوعا ما اسعارها مرتفعه ولكنها في متناول الجميع, بخصوص mux فهو خيار جيد واريح من demax ,سعة محرك mux 2.5 لتر بقوة 136 حصان لموديل 2015 و2016 دفعه اولى, ولكن نزل في الدفعه الثانيه نزل محرك اكبر واقوى سعة 3 لتر وبقوة 163 حصان وناقل حركة 7 سرعات فالخيار الثاني افضل لك, وبالتوفيق لك, واي سؤال فانا حاضر.

انا ماجربت السيارة هذي لاكن لي تجربة مع الونيت ايسوزو كان عندي سيارتين للعمل وكانت غير جيدة
وبسرعة بوشت مكاينها يعني احسنها مامشت 250 الف ثم وضبتها وكلام ابو اسد صحيح انا عانيت
وقت التوضيب ماحصلت ورشة متخصصة وعليها الكلام توضب ، غير قطع غيار المكينة كانت
اسعارها نيران ، اذكر كنت اشتري لها قطع توضيب بحدود 11000 ريال ويالله تلقى القطع
والدعوى كلها بساتم واذرعة بساتم وسبايك وقمصان ماتكلف من غيرهم ولا 6000 ريال
وبالمختصر لن اتعامل مع الايسوزو مرة ثانية ، ايظا قطع غيار البودي اغلا من قطع البنتلي ، مثلاً صدام وانيت
ايسوزو اشهب بـ 1800 ريال رديتر 4000 ريال مروحة 1400 ريال مهزلة هالشركة هذي

يالغالي الاكس تريل يجي ٣ صفوف ركاب وهذي تجربه له

وفرق الصرفيه بين الاكستريل البنزين والايسوزو الديزل لترين وتص تقريبا لكل ١٠٠ كيلو لصالح الايسوزو فما اتوقع الفرق كبير

صاحب الموضوع واضح من ردودك مازلت مصر عليه

حنا نبي لك الخير فنصيحة لا تقربه البدائل افضل

شغلتين لازم تعرفها

ترى طرمبة الديزل قيمتها غالية جدا جدا جدا بالديماكس توصل قيمتها فوق 10 ألاف ريال!!!! روح اسئل عنها بالوكالة وتأكد بنفسك

وسبب ممكن اذا نسيت تغيير فلتر الديزل وهو لازم يغير بين فترة وفترة ولازم تسأل عنه وممكن يكون سبب اخر غير ذلك الي يسبب خرابها

باحد موديلات الديماكس فيه فلترين ديزل كانت لازم تغيره كل 20 ألف والثاني حول 25 أو 50 ألف

سمعت ان الجيل السابق تغيره كل 75 ألف لفلتر ديزل واحد فقط منب متاكد لكن تأكد من الكتلوج افضل

ومع ذلك لا انصحك به

جرب اي سيارة بفئته ثم جرب MU-X راح تلاحظ فرق شاسع بازعاج محرك الديزل وقرقعته مقارنة بالبنزين