التجربه الأولى لنيسان باترول V6 2017 .

صحيح المستهلك تفكيره غير الشركة

لكن سبب ارتفاع اسعار التويوتا و النيسان هو الين اللي بهذل اليابانيين سياسة حكومتهم

ايضا اسعار تويوتا بالكامل مرتفعة لانها مرتبطة بالإدارة اليابانية وهم العائلة


بعكس نيسان لها عددة إدارات يعني سعر الباترول مرتفع لانه ياباني ومرتبط بالين بعكس سيارات نيسان الثانية الشهيرة ( ماكسيما - التيما - باثفايندر - ارمادا ) اللي تجينا مع انقطاع الارمادا هذه مرتبطة بالادارة الامريكية لنا مع ان الادارة ايضا مرتبطة بالادارة الام باليابان الدعوة لحسه بس تجينا بسعر اقل بالدولار



بس سؤال ان تبي 8 سلندر كعزم ولا بس اسم انها 8 سلندر

اذا انت بتاخذه للعائله بدون بر فأنصحك باليوكن افضل خيار من شكل ومواصفات ونفس الوقت 8 سلندر ( التاهو - الاسكاليد ) ما اعجبوني بعكس اليوكن فيه جمال وسعره معقول

اما لكزس GX460 للحين مافيه اخبار عنه وصار عليه تحديث 2014 ونفس الوقت لكزس مهملته يعني الشكل بيطول

اذا تفكر مثل ماقلت لك للعائلة بدون بر خذ اليوكن 2016 اذا ماصار عليه تحديث للجير 8 سرعات بيكون 2016 ارخص لك


تحياتي لك يالغالي

الله يحييك ويبقيـك ..وتسلم يا غالي ..
أنا فاهم قصدك .. وأدري ان كلامك صح بخصوص المقارنات ..
اللي لازم تكون عادلة وعلمية ..:xyxthumbs:

مشكلة الشركات تسوي دراسات واحصائيات وخبراء ومهندسين ...
لكن يتجاهلون عمدا طرف مهم وبسيط ..

اللي هو أنا المستهلك .. شلون ؟؟

أنا كمستهلك بسيط .. لدي تفكير مرتبط بالواقع وقت الشراء...
لما أجي أشتري ..بيكون تفكيري غير عن تفكير الشركة ودراساتها وحساباتها...
بيكون تفكيري فيه مقارنات عادلة وغير عادلة ..وسيارات كثيرة
ثم أشتري اللي أنا مقتنع فيه بالواقع ...وما راح أشتري على دراسات الشركات ..

تحملني ..بخليك الحين تدخل مخي..وأوريك وش أفكر فيه :bigggrin::bigggrin::bigggrin:

أنا الآن أمامك ..لما بشتري باترول...
فورا بتجه لـ 8 سلندر ..وبذلك أسحب على 6 سلندر لو يجي بلاتينيوم.

انزين..الشركة تقول أنا أصنع 6 سلندر لغيرك من الشيبان واللي سواقتهم هادية وزي كذا وبسعر أرخص...

انزين كم بيكون السعر ؟؟؟
خلينا نفترض أنه 160 ألف باترول 6 سلندر نص فل...نقول افتراض :bigggrin:

اذا بدفع 160 ألف ..هذي حول اليوكن الجديد 2016 ..وهذا موتر 8 سلندر وشكل جديد بيطول معي :ch19:

أو أحسن لي .. أنتظر اليوكن 2017 لأنه فيه كلام بيجي بـقير 8 تعشيقات ..وحتى لو يزيد سعره 7 الاف..بيضرب الباترول واللاند بمقتل ...وراح اخذه بشكل جدي.

أو أنتظر برادو لكزس 2017 ..بصراحة ما فيه اخبار عنه وشكل الشركة مهملينه ..لكن ما تدري عنهم ..يمكن يسوون فيس لفت للخارجي او ديزاين داخلي ..عاد انا رايح وطي مع داخليات اللكزس الجديدة .. حتى لو نزل الموتر بنفس المكينة والقير ..وقتها بحطه براسي وبشوف اذا اقدر عليه أم لا...

انزين ..لكن فيه باترول استاندرد XE أبو 8 سلندر بـ 148 ألف ريال ..بس معليش داخلية سوداء ..وهذا بالنسبة لي مرفوض...
وفيه باترول SE1 أبو 8 سلندر بـ 168 ألف ريال .. بس بدون زينون + بدون ديكور المسجل الفخم + السعر عالي ..يعني بسعره أجيب يوكن نص فل ..أو أزيد 10 آلاف وأشتري باترول se2 اللي عليه الكلام...

أدري أبلشتك :bigggrin::bigggrin:

بس الخلاصة ...أنتظر اليوكن الجديد والبرادو اللكزس والباترول الجديد وموديلات2017 لجميع السيارات..وبعد 3 شهور باذن الله نشوف الاسعار نزلت أكثر ..ومنها الواحد يشتري على راحته ..:xyxthumbs:

والسلام مسك الختام.

حياك ربي يابعدي ولي الشرف اكثر


شف يالغالي دايم اقولها لكن للاسف اغلب الاخوان هنا يزعلون
وهي قياس بالعدل اي المقياس المتساوي بين الشى

انت قارنت باترول 6 موديلها 2017 بتويوتا لاندكروز 2016

وهذه غير عادله حتى الآن ،،، لان لازال موجود باترول SE 2016 بمحرك 8 سلندر بالسوق والى الان مانزل اسعار تويوتا لاندكروز 2017


انت تدري لو ندخل بمعادلة رياضية ( س - ص ) اسهل من ادخل انواع ومواصفات لاندكروز GX-R بالخليج !!!!

السعر اللي تكلمت عنه 208 الالاف ريال خاص في GX-R هذا يسمى هدد سابقا كان GX مع شطحات صار GX-R

مواصفاته جنط حديد مثل GX الاستاندر !!!!

تعال لفئة GX-R فل كامل سعره 235 الف ريال !!!

شطحة عبداللطيف جميل GX-R ينقسم الى ثلاث ( 1-2-3 )
هذا غير الوكلاء الخليج البريمي و الفطيم و بازرعة .... الخ
ايضا يتقسم GX-R كل واحد له مواصفات مثلا الفطيم عنده GX-R محركها 5.7 غير الوكلاء الخليجيين !!!!

ايضا شاهد اسعار باترول 2016

الاستاندر 8 سلندر 320 حصان سعره 140 الف ريال
سعر البلاتينيوم 320 سعرها 218 الف ريال
سعر البلاتينيوم سيتي دبل فل 288 الف ريال
هذا غير باقي المواصفات و الفئات

كل هذولي ارخص من اللاندكروز 2016

يعني بلاتينيوم سيتي 400 ارخص من انواع VX الخليجيات مع السعودي تنقسم انواع :
مثل VXS و VXE و VX-R-1 و VX-R-2 و VX-R-3

كان بالسابق 2009 يشترون GX-R و VTC اسعارهم 190 الف و 200 الف وكانوا 6 سلندر


انا مثلا متحفظ على سعر البلاتينيوم وهو بيرخص متأكد منه

لكن انتظر وقيس اسعار لاندكروزر 2017 مع باترول 2017

تحياتي لك

أتابع مشاركاتك اخوي السكوت أرحم
وأسجل اعجابي بها ..

لكن أنا مع رأي ابوالريم ..ليش ؟؟
نظريا ..كلامك صحيح ..
الباترول معبينه مواصفات وسعره 225 ألف بس 6 سلندر..!!!
واقعيا ..صاحي أنا والا مجنون ..أطق لي موتر بـ 225 ألف كاش واخرتها 6 سلندر..!!!
أتكلم لأني أنا بنفسي مخطط على باترول ... وصار لي حول 6 شهور وأتابع أسعاره ..
وأنتظر شوي الميزانية تترتب خلال 3 شهور باذن الله

يعني اذا بدفع 225 ألف .. أطقها على برادو لكزس أبو 8 سلندر ..
وعندي احساس ان تويوتا يمكن تسوي فيه فيس لفت أليم بالموديل الجاي..
أو لاندكروزر جكسار 3 فل كامل 8 سلندر بـ 210 ألف ريال..
أو لاندكروزو جكسار فل كامل 6 سلندر بـ 204 ألف ريال ..مع إني ضد شراء لاندكروزر أو باترول 6 سلندر ..

كلامي لما نجي للواقع ..ما راح أطق لاند أو باترول 6 سلندر..
شركة نيسان ..بالعربي الفصيح ..جالسة تطقطق علينا بـ 6 سلندر .. وترقع هالاخفاق بكلام تسويقي ..

والسلام مسك الختام.

الgxr فل كامل عندنا حوالي 26 ألف رع وكسور، فرق شاسع بين أسعارنا وأسعاركم. الباترول SE فل كان بين 28-29 ألف رع للـ2016 وتقريبا من نزل 2010 وهو سعره كذا ما يتزعزع.

هل GX-R
فيه وضعيات التضاريس
مانع الانحدارات
دفلوك
جلد طبيعي
7 سرعات
الشنطة تفتح وتسكر كهربائي
كاميرات محيطية 360
مكيف كامل مزدوج ومنفصل للامام و الخلف
شاشة خرايط
13 سماعة بوز

عندي تحفظ بالسعر للباترول 6 سلندر بس قارن المواصفات من افضل

225 ألف مناسب لـ 6 سلندر !!

الـ gxr عندنا خليجي فل كامل بــ 204 ألف ريال

ليش أخذ الباترول والاندكروزر أرخص منه بــ 20 ألف تقريبا ونفس الإمكانيات تقريبا والفئه وحده

يبيعوا لغير العمانيين فقط، اتكلم جد في تسعيرتين.

سعر السيارة حاليا جديدة في معارض دبي في العوير حوالي 230 الف درهم مع ضمان ثلاث سنوات او 100 الف كيلومتر ، واذا دفعت 2200 درهم زيادة يعطيك ضمان الوكيل يعني 5 سنوات بدون تحديد الكيلومترات .

كذلك هناك معرض في الامارات يستورد سيارات من البريمي بأسعار مقاربة لمعارض العوير مع تأمين مجاني ومانع للصدأ مجاني وتسجيل مجاني وتلوين زجاج مجاني .

ياخي انتوا في نعيم نحنا ما يهتز سعره أبدا هنا، يا رجال سعر المعارض بس ممكن يقترب من هالسعر بالإمارات ضيف سالفة شحن وخرابيط ثانية :) سعر 228 الف رس أشوفه رائع جدا ومناسب للستة فل.

السعر الرسمي لدى العيسى للسيارات لباترول 320 السابق ومازال مسجل في الموقع لغاية هذا اليوم هو 253 الف ريال سعودي ، لكنه عمل عروض خاصة للاسترجاع النقدي بحدود 27 الف ولذلك كان يبيعها مع العرض بـ 226000 وطبيعي انخفض سعرها في المعارض ووصل تقريبا 216000 وفي بعض الاحيان 210 الف واقل من 210 الف .

الباترول موديل 2017 توه نازل جديد والمعروف ان السعر يكون مرتفع في بداية النزول ثم مع اقتراب نهاية السنة الحالية وبداية العام الجديد ينخفض السعر .

العيسى منزلها حاليا بحدود 228000و لو فاصلته ممكن يعطيك اياها بـ 225000 يعني فرق حوالي 25 الف عن السعر الرسمي السابق لباترول 320

وبالتالي طبيعي تلقاها في المعارض بأقل من هذا السعر بعد استقرار السوق وزيادة الكميات في الشهر القادم .. وبعد كم شهر ممكن يوصل سعرها لـ 200 الف او اقل نسبيا .

شركة نيسان تخطط لرفع نسبة مبيعات الباترول 20% مقارنة بالعاميين الماضيين

وهي تستهدف بهذه السيارة بالاساس فئات معينة من المجتمع ، مثل الي سواقتهم هادية ويرغبون في سيارة يابانية اقتصادية واسعة وذات مواصفات جيدة والسواقين والنساء وهذه الفئة لا يستهان بعددها خاصة مع تقلص الخيارات بعد اخبار توقف الارمادا والسكويا .

هذا الكلام اخذ 2010 صحيح بتعب ادور واحد نظيف ابرك من 2017 و 6 سلندر

الكل توقع ان الباترول v6 بلاتنيوم
راح يكون سعره اقل من 200 الف
وقتها كنت اتابع الردود فقط بتعجب
لان سعر المحركين جديدة من المصنع مابينهم فرق 50 الف
لو بيكون فرق ماراح تتعدى 10 الف
فرق سعر بين تكاليف انتاج المحركين قليل جدا
هذي نقطة
النقطة الثانية قير 7 سرعات مقابل 5 سرعات
فرق تكاليف الانتاج للقيرين اتوقع حول 10 الف فما دون
مثال فقط
بمعنى ان فرق قيمة انتاج المحرك v6
مقابل فرق قيمة انتاج القير 7 سرعات
راح يكون نفس السعر السابق
______

نرجع شوية للماضي الباثفندر 2012
كان ينزل في امريكا v8 و v6
فرق السعر بينهم حول 3000 الف دولار اذا ماني غلطان
يعني ما هناك فرق كبير راح يكون في السعر

انا اتعجب من تذمر الناس من طرح السته سلندر
من وجهة نظري قرار اكثر من ممتاز بعد احالة 320 للتقاعد الذي اكل علية الدهر وشرب وعوضت شركة نيسان محبي الباترول بمكينتين 8سلندر 400 و 428 واتوقع يستبدل الاخير ب اعلى من 500 حصان وطرحت ال v6 للاستخدام العادي بسعر ارخص.
بأختصار شركة نيسان تريد استهداف اكبر قدر ممكن من شرائح المجتمع.
ولاننسى ان ال V6 ممتاز لهواة التعديل والتوربو

مع التحية

تجربة اخرى اشوفها مفيدة اكثر

https://www.youtube.com/watch?v=tfljP7I9W3c

الفيديو ما احس اني استفد من تجربته
على العموم ماراح ينجح 6 سلندر السيارة حجمها كبير جدا

شخصيا أفضل بالنسبة لي أشتري 400 حصان LE فل موديل 2010 مستعمل على شراء 2017 ستة سلندر SE فل.

هذا الشخص نفسه اللي جرب النيسمو و400حصان
وقال ان النيسمو بطل وراحت بمسافة كبيرة

شخص غير حيادي بالمقارنة
دائما المدح يسيطر عليه