هل جميع الوكالات تبيع سيارات التجربة

بعض سيارات التجربة تتحول لسيارات بديلة في قسم الصيانة وبعضها تصرف كسيارات خاصة لمسؤولي الوكالة والبعض الآخر يتم بيعه في قسم المستعمل.

اذا السيارة ممشاها قليل وسعر التخفيض كبير عن الجديد أو حتى معها مزايا قوية مثل الصيانة والضمان الممتد لا مانع من شرائها مع الحرص على فحصها بالكامل لدى الوكالة.

اللي اعرفه إن الشركات تعرض سيارات التجربة واللي تعرضت لأعطال كبيرة أو صدمات صغيرة في قسم السيارات المستعملة ، طبعاً بعد يسوون صيانة شاملة للسيارة وبعدين يعرضونها للبيع بسعر مخفض وأحياناً يسوون عروض مثل صيانة مجانية أو زيادة فترة الضمان أو إضافة إكسسوارات .. إلخ .

وطبيعي السعر يكون منخفض خاصة سيارات التجارب ، لأنه معروف إن سيارات التجربة مكروفة ومستهلكة بسبب تجارب الزبائن وقسوتهم في الإستخدام عشان ياخذون انطباع كامل عن أداء السيارة قبل الشراء ، وبالتالي السيارة صارت السيارة بوضع مزري بعد فترة قصيرة ، والشركة تبغى تتخلص من السيارة وفي نفس الوقت تقلل من الخسارة ، الحل عرضها بسعر مغري ومخفض .

واحد من أقاربي اشترى لكزس LX570 2014 بقراطيسه على أيامه بسعر مخفض من قسم السيارات المستعملة ، والسبب خدش مع عفطه صغيرة في باب الراكب الخلفي يوم نزلوها من التريلا .

وبرضه قريب لي اشترى مرسيدس E300 2014 من قسم السيارات المستعملة ، وحسب ما فهمت إن السيارة من بين عدة سيارات مرسيدس كانت معروضة قدام قاعة مقام فيها مؤتمر كبير لأحد الوزارات (من باب البرستيج) لعدة أيام ، ويوم انتهى المؤتمر باعتها أو رجعتها الوزارة للشركة لعدم الحاجة لها أو بمعنى أصح أنتهت عازتهم ، وانعرضت السيارات للبيع بسعر مخفض واللي اخذها قريبي فل كامل الفئة الرياضية بدون كت AMG وممشى ما تجاوز 45 كيلو تقريباً طلعت عليه بـ 200 ألف يعني وفّر تقريباً حول 50 ألف عن الجديدة .

العروض موجودة ومتنوعة حسب وضع السيارة :ch19:

كلام منطقي

شكرا لك عزيزي

:bigggrin::bigggrin:

هذه معلومة جديدة بالنسبة لي

شكرا أبو مؤيد

كلام جميل

شكرا لك

بعض الشركات يستخدمونها كقطع غيار :)

بتكون مكروفه من قبل الاشخاص اللي جربوها
يعني لو تشتري سياره ماشيه 80 الف
اتوقع بتكون اقل كرف واستعمال من سيارات التجربه


هذا من وجهه نظري الشخصية