حبيت أخذ رأيكم F150 platinum VS Sierra 1500 Denali

المهم امريكي :D .

الله يعطيك خيرها ويكفيك شرها الفورد ممتاز ومعانا سيارتين من فورد وحده اكسكيرجين 10 سلندر موديل 2004 ولازالت قيد الخدمه وF150 موديل 2012 غماره 6سلندر وممتاز وعملي وشوف عروض توكيلات الجزيره اذا فيه صيانه مجانيه طوال فترة الضمان
توكل على الله وفيه عندهم عروض مع الصيانه شوف لها لان قطع الفورد مرتفعه فلازم تنتبه للنقطه هذي

الله يعافيك, هذا حقك علينا وكلنا اخوانك, ومن تاريخ تسجيلك شكلنا اخوانك الصغار بعد :) ههههههههههههه
بس نبي تقرير بسيط عن انطباعك لاهنت, اذا فضيت بعد ماتجربها مدة
والله يعطيك خيرها, ويكفيك شرها, الف الف مبرووووووووووووك:30::20:::39:

الله يعطيكم العافية جميعا على أرائكم

بعد الأستخارة قررت أخذ F150

من وجهة نظري الشخصية
الجمال-الحضور-الراحة-الداخلية-المكينة-العزل العزل العزل
كلها يتفوق فيها الجمس, اجهل المواصفات الاضافية الي ترفع البلاتينيوم عن الدينالي -ان وجدت- ولكن لاتشتري قبل ماتجرب, ونصيحة كلام حقين الصالات كله ربش وخراط ماعندهم سالفة ولايفقهون بالمواتر شي, اذا صرت رايح تشتري افتح باب السيارة وشف تاريخ التصنيع بالضبط...والله يوفقك وين ما اخترت, تذكر السيارة الي ترتاح لها هي الي بتريحك وتعجبك لأن كلا السيارتين اسطورة لوحدها لكن يبقى الخيار الاخير المحكم نفسي

وراك فصلت على الاخير الطيب :3::

.

أرشح الفورد
ولو تنتظر الجيل الجديد من ٌ RAM في 2018 يكون افضل

بالنسبة للمحركات ارشح الايكو بوست
مو عشانه افضل
لكن لأن فورد جالسه تطور الايكوبوست على حساب محركات ال6 وال 8 سلندر التنفس الطبيعي
وحاليا قتلت فورد محركها ال6 سلندر التنفس الطبيعي لأن الاربعة سلندر ايكوبوست اكثر تطور
وعالطريق
قتل ال 5 لتر تنفس طبيعي لان فورد تستثمر وتطور فقط محركات الايكوبوست ويصير كلها 6 سلندر


شف الرابتور الجديد
مافيه 8 سلندر

--------

تدري

خذ الجمس :44:

يعطيك العافية يالغالي



السيارتين فعلا كبيرة لكن يوفرون مواصفات ماتلقاها بأي SUV بسعرهم وهذا الي مميزهم بنظري

طلعاتي للبر سنة تلقاني هااطلع الا مرتين وسنة كل ويك ايند حسب الظروف بالنسبة للرابتر مالي رغبة فيه (نبي الدلع:bigggrin:)

شاكر لك مرورك ويعطيك العافية على المعلومات


.

اهلا فيك اخوي وحياك الله


محدثك يمتلك فورد موديل 2013 محرك 6.2 وماشي الآن حول الـ150 بدون اي اعطال ولله الحمد

كثير من المعارف معاهم سييرا المكينة الصغيرة واغلب اعطال سياراتهم انه الدبل احياناً مايشبك او يفصل اما اعطال ميكانيكية ماسمعت فيها


ان كانك ما امتلكت سيارات من بهذا الحجم وساكن بمدينة مزدحمة,أنصحك بتجربة السيارة لاكثر من يوم,اكثر شي ممكن تعاني منه المديور لنفس الشارع وخصوصاً عند الاشارات يا تطمر الرصيف او ترجع وتقدم وعقلك منششغل بساهر لايصورك.!
وفي المواقف امرها بسيط مع الكام الخلفي

بخصوص الأمان احرص ان تاخذ اربع بيبان حوض قصير وراح يكون اكثر أمان وراحة للركاب في الخلف وأعلا في العزل

البدي الألمونيوم اكثر تكلفة اصلاح وأكثر تعقيداً وهنا موضوع ممكن يساعد
https://www.assayyarat.com/forums/thread294328-2.html

فيما يخص المحركات,محرك ايكو بوست جديد علينا وللآن لا نستطيع ان نتأكد عن عمليته او مدى اعتماديته والوقت لازال مبكر على الحكم عليه.

انت في الخيار,مواصفات جيدة ومحرك قوي وبسيط(دينالي) فخامة طاغية وسعر عالي على سيارة جديدة كلياً بالسوق

علماً ان احد الزملاء يمتلك فئةFX4 (الفئة الوحيدة الي فيها دفلك) ومعاه من اكثر من سنة وماسمعت منه اي شكوى بخصوص السيارة


وفي الأخير
انا ما ادري هل انت راعي تحميل او تطلع للبر كثير لكن اذا صملت على الفورد,انصحك تنتظر الرابتر بيكون سعره حول البلاتينيوم
والرابتر قصة أخرى

فالك التوفيق

سييرا دينالي والله يبارك لك

اذا صار الدينالي برا الحسبه اذا السييرا كله برا الحسبه

قاعد أدور في معارضنا بس اغلب الي تحصله XLT

شاكر لك مرورك

2016 الوكالة يقولون توه واصل 2017 وماسعرناه وغالبا بيصير سعره ب 269 الف

:12::

يعطيك العافية أخوي

.

انا اشوف الفورد اف من ناحية الشكل افظل واكثر تحظر وحداثه وتميز

المعذرة أخي لكن وجهة نظرك غير صحيحة إطلاقا ،، الدينالي يضيع أمام مواصفات F150 بلاتينيوم وكينق رنش وليميتد ، الفورد متفوق وبمراحل عديدة


شاهد هذا التقرير لتعلم ما أعني:


https://www.assayyarat.com/forums/t285580.html



*****************************







حياك أخي ما هو موديل البلاتينيوم هل هو 2016 أم 2017

الدينالي متميز بالمحرك الجبار

لكن كــ صرفيه سيء وكـ قلة مشاكل وطول العمر مايتقارن مع 5.3 لتر

وفي الأيام القادمه مقبلين على زياده وأرتفاع في أسعار الوقود .

وعن نفسي كل من الدينالي أو الفورد متساوين تقريبا لكن الفورد متميز جدا بالفئه ذي

إذا حصلت F150 خليجي بلاتينيوم بيكون أرخص بكثير من الوكيل المحلي

وبفارق يصل إلى 15 ألف لكن نادر ماتتوفر هالفئه لدى المعارض



بالتووووووفيق وعلى البركه مقدما ...~

.
أقصد محرك الدينالي اعتمادي أكثر بحكم أنه تنفس طبيعي

الايكوبوست ماندري عن اعتماديته , مافي أحد يتكلم عنه عندنا

بصراحة تفاجأت انه التاهو/اليوكون مصنفين من أسوأ 10 سيارات في الاعتمادية في 2016 على انتشارها عندنا تقول انها ماتخرب أبد

يعطيك العافية أخوي أبو أسد على المعلومات الحلوة

هنا لازم تسأل الورش بخصوص سمكرة فورد بدي الالمنيوم بحكم ان الفورد أف سيريس داخل من فترة ببدي الالمنيوم

وبخصوص المحرك انا لم افهم قصدك هل تقصد أن الايكوبوست هو الاعتمادي اكثر ام محرك الدينالي

لكن حبيت اعطيك معلومة أن موقع consumerreports.org طلع تقرير كأسوء 10 سيارات بالاعتمادية كان من ضمن القائمة تاهو/يوكون! وأيضا سوبربان/يوكون أكس أل وتخبر هذي السيارات لا تختلف ميكانيكيا وكهربائيا وتقنيا عن السييرا والسلفرادو لذلك لا انصحك بالتفكير فيها على المدى البعيد ولراحة البال

المصدر
http://www.consumerreports.org/car-reliability/10-least-reliable-cars/