زيت القير ما يتغيير!!! ( شفرولية امبالا )

الموضوع يا أخوان إن زيوت الجير الجديدة زيوت تخليقية عمرها طويل و تقوم بتجديد نفسها حسب قول الشركات ومع ذلك يتركو لك الخيار في تغييرها

والأفضل بصراحة تغييرها لكن بشرط أن يكون الزيت الموصى به من المصنع فقط أو المذكور في الكتالوج ولا تسأل الوكالة ترا البعض فيهم غير فاهم أو يبيع زيت آخر محلي زي وكالة هيونداي ولا يعلمك بالزيت الموصى به من المصنع وهو من تصنيع شركة ميتسوبيشي لأن هيونداي لا تقوم بتصنيع زيت الجير الخاص بها

غيرت الزيت لسيارتي في التوكيلات العالميه على صيانة 70 الف
وماطلبوني ورقه ولا توقيع

.

هذا تقرير بعد ما غيرت زيت القير

https://montada.haraj.com.sa/80468/%D8%AA%D8%BA%D9%8A%D8%B1-%D8%B2%D9%8A%D8%AA-%D8%A7%D9%84%D9%82%D9%8A%D8%B1-%D8%A7%D9%85%D8%A8%D8%A7%D9%84%D8%A7/

انا معاي كاديلاك ATS 2014 وزي ماهو معروف الكاديلاك صيانة مجانية 100 الف كم او اربع سنوات كتيب المستخدم يقول يغير زيت القير في اول صيانة بعد 160 الف كم و الوكيل الجميح غير لي زيت القير يوم مشت السيارة 58 الف كم طبعا ضمن الصيانة المجانية.

نفس الكلام في اليوكن والتاهو احنا عندنا سوبربان 2015 دخلته الوكاله عند تشيك 60 الف ونفس الكلام قالو لي زيت القير مايتغير وهذا كلام المصنع اذا تبفى تغيير غير بسعر 900 ريال وكلمت مشرف الصيانه قالي ان الزيت مايتغيير يتغيير عند الاستخدام الشاق من سيارات الشركات وغيرها وجدول الصيانه حق التاهو واليوكن والامبالا والماليبو مو مكتوب تغيير زيت الغير في جدول الصيانه بس في ناس غيرو الزيت انا السوبربان التوكيلات في ناس ماخذين من الجميح وغيرو لهم يعني ماندري من الصحيح .

وعندنا كيا كرنفال موديل 2013 نفس الكلام الوكاله قالو زيت القير مايتغيير والى الان ماغييرنا الزيت والامور طيبه

.

اخي الله يسلمك ...
عدم تغيير الزيت ...
اوتغيير الزيت موجوده في دليل المستخدم ..

ما يحتاج اضافه اخرى من كلام الناس او تجاربهم !!
يا رجل غيرت زيت على 360 الف و اول مره اغير زيت القير فيها مع ان الناس حذروني ...وحتى الوكاله حذرتني ..لكن مع ذلك غيرته بعد مهاوشات مع المسؤول بحجه ان الزيت ما يتغير !! غيرته و طلعت وانا اناظر بأشكالهم و اضحك !


و صره الزيت غالبها هي احد مسامير الكارتير او اللي حولها لكن ماني متأكد..


.

انا اكتفي بتوقيعك هههههههههههههههههه الله يسعدك

بس تدري عاد !!
انا مقتنع بجميع الردود والأراء من ناحية تغيير زيت القير او عدم تغييره ، بس المقصد عشان نتأكد اكثر مافيه مانع من تغييره او التشييك عليه نشوف وش وضعه هل يحتاج التغيير او ما يحتاج !
بعض الردود يقولون تم التغيير في الوكالة !!! طيب اذا كان بعض الردود الأخرى يقولون زيت القير لا يتغير .. اذا وش يضمن للشخص الي غيره بالوكالة انهم فعلا غيروه ؟
دخلت السيارة داخل الوكالة وقالو له رح خذ لك بيالة شاهي على الماشي .. بعد ساعة او ساعتين او يوم قالو لك غيرنا لك زيت القير !
علما ان البعض يقول لا يتغير
هنا الموضوع فيه شكوك

اذا كانت السيارة لا يوجد لها صرة اصلا لزيت القير وانا نزلت تحت السيارة ادور الصرة ما لقيتها لين داخ راسي هههههه
هذا يعني ان الزيت ينشفط شفط
طيب اذا شفطنا الزيت من ماصورة العيار مثل شفط زيت مكينة المرسيدس سابقا او بعض السيارات الألمانية زيتها ينشفط ولا تنفك الصرة .. فهذا يعني ان القير لا يوجد فيه فلتر عشان نغيره !
وبما ان القير مافيه فلتر فهذا يعني انه كهرب ويحتاج تغيير الزيت كل 100 الى 150 الف كيلو للمستخدم العادي

تساؤلات واحتمالات .. الله اعلم وين الصحيح فيها
لكن بالنهاية نحتاج التجربة مع توثيقها بالصور

أي سائل في السيارة يحتاج تغيير حتى موية الراديتر و اللي يقول غير هذا الكلام بيني و بينه دليل المستخدم لسيارته هو

.وعليكم السلام ورحمه الله

اعرف كم واحد غير الزيت و ماشي ممتاز ماشاء الله ..

اما موقع الصره الله اعلم ..

السلام عليكم ورحمة الله وبركاته

اخواني بجميع الردود لم اجد سوى رد واحد يقول انه غير زيت الامبالا !!
انا قرأت عن موضوع زيت قير الامبالا وكان فيه شخص يقول ان القير للامبالا كهرب فلا يحتاج تغيير الزيت !
الي غير الزيت ياليت لو فيه صور توضيحية عن مكان الصرة لأني ما لقيتها بصراحة ويشرح لنا كيف تم تغييره للفائدة
وشكرا

ترى بعض السيارات الجديدة ما يتغير زيت القير، منهم سيارتي المازدا 6

فهالشيء عادي

اما اذا موسوس وتحس كلام المصنع غلط براحتك تقدر تغيره

انا رحت للوكالة قبل فترة وقالوا نفس الكلام

رحت غيرته عند اسي ديلكو

انصح بتغييره كل 50 او 60

كم لتر تحتاج من زيت الجير (عند التغيير بدون تغيير الفلتر)؟

شكرا لك على المشاركه .

بالنسبه لي ان حصلت الفلتر والزيت عند الوكاله او ACDELCO بغيره على مسؤوليتي:24:

و حتى لو ما غيرته ما يضر بشكل كبير..لاني مشيت على الجمس فوق 290 الف بدون تغيير الزيت
و غيرته بعدها وما واجهت اي مشكله ماشاء الله ....
شكرا لك