130 الف ريال ما الخيارات المتاحة لسيارة عائلية

ارشح المازدا فقط هيا الافضل فى فئتها

القصد من الموضوع انه مافي مقارنه بين السيارتين وماقي شي يشفع للفورتشنر غير انه ينفع للبر بعكس المازدا وما يشفع ايضا للمازدا سعرها الرخيص مقارنه بالماصفات الي فيا عندنا تيجي برادار للفل ابشن لكن تعال شوف سعرها 160 الف درهم

السلام عليكم

الاخوان ماقصرو وابدا كلامي ( فر من السانغ يونغ فرارك من الاسد )
السيارة متخلفة تقنياً وعانت كثير من الوكلاء بالمنطقة ومشرفنا السابق عمر املك وحدة وندم على شرائها ودفع فلوس للوكالة علشان يرجعونها ويلغون عقد التأجير

المازدا جيدة في جيلها السابق وحسب تقرير كنسيومر ريبورت للاعتمادية الاخير هناك بعض الملاحظات على المحرك الجديد بالتيربو

اعتقد ان البايلوت خيار جيد وكذلك الجيل الحديد من الباثفايندر المفترض ان مشالك القير تم حلها فيه

https://www.youtube.com/watch?v=npzF1ewsNas

كما انصح تجرب السيارات قبل الشراء سواء عن طريق الوكيل او تأجيرها لمدة يوم او يومين لتاخذ فكرة واضحة عنها خلال الاستخدام اليومي
ولاتنسى الاستخارة
بالتوفق

.اي نعم اترك المازدا عشان مافيها رادار
لأن الوكيل استهتر بالعميل
اول موديل ينزله برادار والموديل الي بعده ينزله بدون رادار ويضيف اشياء تافهة ويشيل اشياء مهمة
برأيك بعد طول انتظار للموتر اخر شي ينزل الموتر بنقص مواصفات ما تبي الواحد ينقهر !

بحثي للسيارة بسعر مناسب بمواصفات كاملة
وكانت المازدا من ضمن افضل الخيارات الموجودة

هلا ومرحبا الف فيك اخوي راعي الميلان


بالنسبه للمازدا CX9 سيار ه كروس اوفر بمحرك 2.5L تيربو بقوة 230 حصان واعرف ان الرادار الغي يمكن حسب طلب الوكيل علشان ما يرفع السعر


يالنسبه للسياره الثانيه ميتسوبيشي مونتيرو سبورت اللي هي باجيرو سبورت
محركها V6 سعته 3.0L بقوة 230 حصان وناقل حركه 8سرعات ورادار موجود والنقاط العمياء وجميع انظمة السلامه وبسعر 117 للفل




السياره الثالثه كيا موهافي سياره قويه وعلى شاصيه وبمحرك سعته 3.8L بقوة 275 حصان والسعر ممتاز 100 الف تقريبا ويمكن اقل وماراح تتغير الا في 2020 على اقرب تقدير



السياره الرابعه تويوتا فورتشنر بمحرك سعته 4.0Lبقوة 228 حصان وهي الاقل راحه واتساع بين المنافسين



السياره الخامسه سانق يونق ركستون الجيل السابق كان جيد ومحركاته وجيراته من مرسيدس الموديل الجديد محركه سعته 2.2L تيربو ديزل بقوة 181 حصان
وناقل من 7سرعات من مرسيدس






السياره السادسه سانق يونق روديوس سياره واسعه اكبر من الروكستون ومحركاتها من مرسيدس بنزين سعته 3.2L بقوة 220 حصان اومحرك ديزل سعته 2.2L بقوة 181 حصان ومنها دفع خلفي او رباعي ولكن هل البازعي نزلها هذي افضل السيارات العائليه

يعني تركت المازدا عشان مافيها رادار ورايح لخيار الفورتشنر الي ما فيه شي مول لا راحه ولا مواصفات ولا سلامه ولا قياده ما يشفع له أنه يمشي في البر غير كذا ما له أي فائده انا امتلك الفورتشنر لسبب واحد عشان استخدمها في البر غير كذا حرام تشتريها .

والله انا زيك محتار

الا وش رايك في تويوتا فورتشنر 2018 vx2 تحت الفل بدرجة

سعره 130 الف