الكامري 2018 مقلب كبير

الكامري الجديدة اثبتت قدرتها على المنافسة في ظل اتجاه لأغلب مصنعي السيارات الى الكروس اوفر وحتى الاسواق الامريكية اتجهت لسيارات الكروس اوفر بسبب قدرتها المتواضعة التجاوز للطرق الوعرة وخاصة دولة كندا


مبيعات الكامري الجديدة شهريا لا تقل عن 30 الف مركبة في الولايات المتحدة وهذا بسبب تصميمها الجميل والمواد المصنعة منها رغم تفوق الاكورد بجودة المبيعات لكن الشكل الخارجي والداخلي للكامري اجمل


شى طبيعي النسخ الأولى من الانتاج يكون فيها عيوب مصنعية وهذه تتحملها تويوتا بشكل كبير بسبب الطمع الزايد بسرعة انتاج وبيع الكامري قبل لا هوندا ونيسان يكشفون عن الاكورد والالتيما

نفس المشكلة اللي حدثت للالتيما في عام 2013 بناقل الحركة ولا زالت المشكلة عالقة في تعليقات بعض الردود

لكن الكامري الجديدة حدث لها ثلاث مشاكل متفرقة اثنتين منهم كانت بالمحرك !!! هل ستكون مشكلة المركين عالقة باذهان الناس مثل مشلة CVT في الالتيما


مقطع الكامري ذكر الديكورات وهذا شى طبيعي لان عبداللطيف جميل لا يتوب عن حركاته الرخيصة بتركيب اكسسوارات رخيصة وغير مطابقة لديكورات السيارة طبعا هو يركبها عن طريق مستوده في جدة او مصنع الخاص فيه في تايلاند عنه مصنع هناك تحت اشراف تويوتا الام للاسف


على العموم الكامري الجديدة اعجبتني من ناحية الشكل الخارجي والداخلي لكن اللي يمنعني منها هو التسويق المبالغ فيها والكذب اللي حدث فيها بالاعلام ان الوكيل مارفع سعر الكامري مع انها 8 سرعات والمحرك الجديد لكن المواصفات فقيرة مقارة بالاكورد ومقارنة بالالتيما الجيل الحالي مواصفاتها متفوقة على الكامري وكل هذا خوف من تدهور مبيعات لكزس ES مع ن المنافسين امثال فورد و شيفروليه ونيسان وهيونداي يصدرون سيارات مواصفات عالية وقريبة من مواصفات علامتهم التجارية الفاخرة مثل لينكولن وكاديلاك انفينيتي و جينيسيس

نيسان نافارا لا ارتباط لها مع نيسان فرونتير ( النسخة الامريكية لها اصدار خاص مثل تايوتا تاكوما !!! حتى قاعدة العجلات والمحركات والقطع الداخلية مختلفة النافارا عن الفورونتير ) !!!!!

النسخة الامريكية قامة على قاعدة وبنية نيسان باثفايندر 2004 الى الان بعد تحويل الباثفايندر من دفع خلفي الى امامي لازالت النسخة الامريكية قديمة ؟؟؟ ولا تحسب مع احصائيات مبيعات النافارا العالمية وفرونتير نسخة امريكة الجنوبية !!!!

نيسان عندها خمس مصانع تنتج النافارا

1- اسبانيا
2- المكسيك
3-الارجنتين ( مصنع رينو )
4- تايلاند
5- الصين

مصانع تويوتا هايلوكس

1- تايلاند
2-الارجنتين
3- جنوب افريقيا
4- باكستان


وماعلاقة قدرة المصنع بعدد مبيعات السيارات عدد مصانع نيسان لانتاج النافارا اكبر من عدد مصانع تويوتا لانتاج الهايلوكس ولو حسبنا فقط مصنع الصين فأن قدرته عالية بسبب الطلب المتزايد في الاسواق الصينية !!!!!!!!!!!


تويوتا تحسب مبيعات الكامري مجمعة ( اوريون- كامري ) حتى الاوريون تويوتا تحسبها مبيعاتها ضمن اسم كامري لان النسخة الاسيوية من شكل الاوريون تباع باسم كامري علشان كذا الفرق بينهم 300 الف سيارة ونيسان حسبت مبيعات الالتيما بنسخة قارة امريكا الشمالية مع الشرق الأوسط و كوريا الجنوبية ولو حسبنها مبيعات التيانا اللي تباع بشرق اسيا سيكون الارقام مقاربة لكن خلاف الاسماء لاتحسبها نيسان !!!


قدرة انتاج تويوتا للسيارات لا تجاوز 7 مليون سيارة على مدار السنة !!! بحسب متابعتي لقدرات المصانع

تويوتا تعتمد على 3 مليون سيارة مع شركائها او الشركات اللي استحوذت عليها وعلى سبيل المثال

شركة هينو للشاحنات هي تنتج لتويوتا سيارات التجارية والباصات و سيارات البيك اب و سيارات SUV مثل البرادو و اف جي كروزر وهايلوكس وتاكوما و فوررنر تشحن من اليابان لامريكا وهي اللي تصمم وتختبر السيارات وتويوتا فقط هي اللي تصنع المحركات







شركة مازدا تنتج لتويوتا اليارس النسخة الامريكية

شركة سوبارو تنتج لهم سيارة الرياضية GT86 ولا اعتبرها حسبه لان السيارات الرياضية مبيعاتها قليلة

شركة دايهاتسو استحواذ تويوتا عليعا 100% وهي تنتج ثلث سيارات تويوتا من ناحية التصميم والداخلي والخارجي وتصدر بشعارات تويوتا و دايهاتسو ومحسوبه ضمن مبيعات 10 مليون مركبة


نرجع لموضوع النافارا و الهايلوكس الفرق بان تويوتا تعتمد اعتماد كولي على مهندسين هينو وتنتج هذه السيارات من شركائها

بينما نيسان تنتج النافارا من مصانعها بستثناء مصنع الارجنتين الخاص برينو ومصنع الصين المشترك 50/50 وهي تنتج نافارا وتنتج رينو اسكالا و تنتج مرسيدس X كلاس
يعني قدرت مصنع نيسان للانتاج اكبر من تويوتا من نفس السيارة لكن الفرق بعلامات تجارية مختلفة


لولا العلامة التجارية باسم تويوتا في 3 مليون سيارة ماكان حققت هذا الرقم لو نزلت بالعلامات التجارية الاصلية

ضع أول جملة بصيغة الإثبات
كثرة المبيعات دليل على ان المنتج ..........
ويجب تطبيع هذه الجملة على جميع الشركات عشان ما يكون فيه انتقائية
بعيدًأ عن الإفتراضات أثبت أنه هو الوحيد يقصد للمتعثرين ثم لإن كان صحيحًا أحصهم لي ولو تقريبيًا
باع 170 ألف سيارة 2017 كم سيارة كانت لمتعثر في سمه؟
باعت تويوتا 495 ألف هايلوكس عالميًا 2017
باعت نيسان 285 ألف سيارة فونتير ونافارا ووو (بجميع مسمياتها) عالميًا 2017
من أحد الأسباب أن قدرة مصنع تويوتا أكبر من قدرة مصنع نيسان ونيسان موقنين أن لو كان فيه طلب على النافارا بيقولون لن نفتح خط انتاج جديد؟ وعلى ذلك فقس
كامري 640 ألف و 395 ألف ألتيما 2017

ملاحظة سريعة لم أذكر في ردي كلمة أفضل أو ممتاز فما أدري ليش افترضت أن أقصد أن المبيعات تعني الأفضل؟




تعبناك معنا لكن جميل أن يكون فيه تغيير أو يتقبل الشخص نفس الكلمة له أو عليه فتستخدم كلمة (مستحقرين) عند الحديث عن علاقة تويوتا بمشتريها فأطمح أن ينتبه إلى هذه الكلمة أو تكون كلمة عادية ممكن تقال عن مستخدمي نيسان وكيا وهنداي وغيرها من الشركات

أعجبني مما ذكرت أن تويوتا مببعاتها لشعبيته وكلامك عن اعتماديتها
أنا في الغالب أني عكسك إن سألت أحد معه تويوتا عن ABS , EBD , VSC يتضح لي أنه فاهم معانيها.

آخر جملة في كلامي لا يمكن لأحد أن يثبها أو ينفيها ومثله كلامك في نفس الموضوع لايمكن لأحد أن يثبته أو ينفيه وممكن نرد على بعض ل 100 رد ولن يجدي ذلك نفعًا في اثبات شيء أو نفيه فبتقول أنا شفت وسأرد أنا أيضًا شفت وأنا سمعت وسأرد أنا سمعت وهكذا.



أنا أيضًا أرى ذلك أيضًا علمًا أني لا أربط الوعي بقلة شراء تويوتا أو أي ماركة أخرى لكن أربطه بمرحلة تطور معين
كيف كان السوبربان 2005 والآن أين هو بالأرقام
اليوكن كان والآن
الددسن كان والآن
اللاند كان والآن
كامري التيما جيلي رينو التوروس ووووو
هذه أمثلة فقط
المبيعات وربطها بالتاريخ والتغير الإقتصادي والديموغرافي يجعل ترى صورة أوضح في النهاية
لا أقول أن رؤيتي هي الأصح لكن تعلمت أحكم بالشيء الذي أستطيع أن أثبته قدر الإمكان
بكلامك "الغالبية يأخذها لظروف منها منحد عالوكيل" أحتاج احصائية / أرقام / استبيان أي شيء لأني ممكن أقول نفس الشيء عن أي شيء فيكون الموضوع سوالف



.لا تتعجب هذه المواضيع مرت علي كثيرًا ثم في النهاية أشوف المبيعات وأقول ماهكذا تورد الإبل من وجهة نظري
عندما كتبت موضوع تقريري وتجربتي تويوتا سيكويا أكثر من 50 شخص تواصل مع بعد شراء السيارة يشكرني فاقتنعت أن قد يكون موضوع التجارب يجعل ناس تشتري أو تحجم لست ممن يكتب التقارير السريعة لمواصفات السيارة وهي واقفة في الوكالة أو آخذه أيجار أو كم يوم من الوكالة وأكتب تقرير عنها مع أن كلهم على خير فيه منفعة للناس وأنا أستفيد أكثر ممن يكتب تقرير بعد 10 آلاف كلم أكثر من تقرير وهي واقفة بالوكالة
إذا تعرف أحد يدفع ممكن أقلب مدير مبيعات فولفو
تجربة فاشلة مع خياط ب200 ريال أو كمبيوتر ب 5000 آلاف أو سيارة ب 100 ألف كل واحد حر بفلوسه
فكر في منطق واحد اشترى سيارة جديدة على السوق ب 180 ألف ريال هو محدثك عندما اشتريت السيكويا 2010
ولم أشتري التاهو الأرخص والأكثر عراقة وشعبية

أتعجب كثير من ارتياحك!
الأخ مدير مبيعات تويوتا؟
فيما يخص إنتقاء العبارات في الموضوع
أعتقد مصطلح "مع الخيل يا شقرا" نفس مصطلح سياسة "****"
لكن المسألة مثل ما قال أخونا أبو أسد في أحد المشاركات في موضوع آخر والمسألة هي الولاء للمنتج الأول وعدم تجربة منتجات أخرى خوفاً من أن تكون تجارب فاشلة.



.

انا ملاحظ السنوات الاخيرة زادت نسبة الوعي ولو انها تختلف من مكان لاخر حسب مدن المملكة لكن المدن الكبرى على سبيل المثال هناك تنوع لم يكن موجود من قبل واقصد جدة الرياض الدمام الناس طلعت من مقولة تويوتا وبس انتشرت الماركات الاخرى بشكل ملفت السنوات الاخيرة وطبعا لا نزال نشاهد تويوتا بشكل كبير ولكن الغالبية ياخذها 1- اما لظروف معينة منحد على الوكيل لانه الوحيد اللي قبل يقسطه السيارة (شروط ابو جميل سهله ) او 2-التخوف من خدمة مابعد البيع وانتشار الفروع يعني لو ماركة غير تويوتا بنفس الانتشار للفروع ومحلات القطع والصيانة اكيد بياخذها دون ان يفكر بتويوتا

اما غير كذا لايوجد سبب يميز تويوتا
تقول اعتمادية فيه شركات يابانية اخرى تقدم جودة واعتمادية افظل مثل سوبارو ومتسوبيشي وغيرها مثلا
تطور وراحة ووسائل سلامة وترفيه اعتقد ان تويوتا متاخرة نوعا ما من هاذي الجوانب في بعض طرازاتها

تسويق الشهرة طريقة علمية في التسويق ولا يوحد بها اي اساءة

الحساس مع نفسه

Buyers – and human beings in general – have a herd mentality, opting to move together in large groups. They will naturally be swayed by what a great number of their peers have done. This is why social proof has become such a powerful selling weapon today. Demonstrate to your potential buyer how others have bought and benefited, and they might start to see things from that other herd’s positive perspective as well.

http://www.insightsquared.com/2014/07/why-buyers-buy-the-psychology-of-purchase-decisions/

السلام عليكم

المعذرة ياشباب تم تحرير كثير من الردود وحذف بعضها (ليس لمشكلة حقيقية لكن لتنقية الموضوع فقط)

كان هناك استخدام لاحد الكلمات التي قلبت الموضوع إلى مشاحنات فقمت بأزالتها من أول رد إلى أخر رد ووضعت بدلها الشهرة وأتباع الشهرة

للمعلومية هذا السلوك الذي تم التحدث عنه مسبقاً لا يعجبني لكن فعلا الكلمة قد لا تكون جيدة لأستخدامها لان كثيرين شاري السيارة عن قناعة أنها الافضل له

نعم سلوك أتباع الشهرة شيء معروف جدا بين الناس وكثيرين من يقوم به غير مطلع على الوضع أو الصورة بشكل أكبر انه ليس الخيار الافضل فالبعض يعرف والكثير لا لكن هناك أناس تبحث عن ميزات ثانوية أكثر أهمية من ميزات أساسية بالمنتج

نعم أعرف ان معظم من أشترى تويوتا لو تسأله سيارتك فيها أيرباقات جانبية قاله غالية لو طلعت! ولو تسأله عن فيها نظام ABS أو VSC قالك وشو هذا النظام! نعم معظمهم لايفقه الكثير في السيارات لكن أشترى لاجل الشهرة والسمعة وقوة الماركة

نعم تويوتا لديها ميزة قوية وهي الأعتمادية وكشخص مطلع على مجال السيارات أقول نعم تويوتا تعتبر الأعلى أعتمادية بين بقية الماركات الأخرى

لكن كشخص مطلع أكثر عن الوضع أذا كنت سأشتري سيارة من تويوتا فأول خيار سأفكر فيه أني ابحثها في الخليجي أو من البازعي, عندي قاعدة وأعتقد الكثير قد يشاركني فيها لن اشتري سيارة من عبداللطيف جميل أين كان السبب! وبحكم أني ساكن بالرياض فعندي مقومات أكثر اني ما اشتري منه, فيه البازعي عندي وفيه معارض تجيب خليجي فمنب محتاج له إطلاقاً لاني شايف فيه اشياء كثيرة مو عاجبتني أبدا

وطبعا ذكرت سابقاً ان البدائل موجودة مو شرط أحكر نفسي على تويوتا فيه بدائل جيدة مثل مازدا ونيسان وهوندا وهونداي وغيرها ومو كل الماركات سياراتها جميعها تستحق الشراء نفس الشيء لتويوتا

بتقولي واذا تبي كامري ترى الجيدة عند عبداللطيف جميل بقول عفواً لست مهتم بشراء الكامري إطلاقاً البدائل أفضل بكثير ومازدا 6 أفضل بديل بالنسبة لي اذا تبي سعر ومواصفات وأعتمادية ووكيل خدماته معقولة جدا وشبه منتشر بأغلب مناطق الممكلة

مثال المبيعات ليست دليل أبدا على أن المنتج هو الأفضل ومثال على ذلك

تويوتا أعلى مبيعاً في أمريكا من بقية ماركات السيارات لكن مو بكل الأفئات (نتكلم عن سوق فيه عدة وكلاء ومواصفات محترمة وحديثة ومتطورة جدا واسعار متقاربة جدا من بعضها البعض)

لكن لما نتكلم عن مبيعات تويوتا عندنا أنها الأعلى لكن أختلاف شاسع جدا في المواصفات والسعر بين المنافسين فهذا يعني مشكلة أو خلل بالسوق!!! فهي تعود أما على الوكلاء من طريقة جذب العملاء سواء بالسمعة أو قوة الوكيل أو المواصفات أو السعر (ولا اقصد وكيل واحد بل أقصد كل الوكلاء لكل الماركات) وبين سياسة وتفكير الناس في شراء السيارات وطبعا ثقافة اتباع الشهرة واضحة جدا انها مطبقة حتى ان الاسباب بالاغلب لاتكون أساسية بل ثانوية فمثلا لو تسأل احدهم ليش شريت هذه السيارة قالك شيك بالجيب! وضح السبب الحقيقي للشراء من البداية

سلوك أتباع الشهرة شيء مايثبت أبدا أن هذا المنتج هو الأفضل بل يثبت أنه المنتج الأكثر شعبية فقط
اتباع الشهرة بالعادة ليس دائما صحيحاً ويجد الكثير عليه ملاحظات أو عيوب تعجله يعرف ان معظم من ينقاد إلى الشهرة بالعادة ليس لدي ألمام كامل بمايجري (اقول المام كامل مو يعرف بعض النقاط)

عموما مهما قلت تضل وجهة نظر شخصية ليست شرطاً أن تنطبق على الجميع
الي يبي يشتري تويوتا وشايف ملاحظاتها هو حر
كذلك الي مايبي يشتري من تويوتا هو حر أيضا

كما ارجو عدم استخدام الكلمة السابقة التي حررتها بمعظم الردود سابقا إلى كلمة أتباع الشهرة والتفهم من بقية الاعضاء ان حتى وان كان لك الاحقية باستخدام كلمه معينة فمن الأفضل أستخدام كلمة أفضل لطفاً وملائمة وأن كانت حقيقية لكن الأسلوب المناسب دائماً أفضل, أخر شيء نبيه هو موضوع يسبب المشاحنات

كثرة المبيعات ليس دليل على ان المنتج ممتاز والافضل في فئته فيه عوامل اخرى تساعد على المبيعات مثل عروض التمويل ابو جميل يقسط للمتعثرين
في سمة او عليهم اقساط اكثر من ثلث الراتب في سمه وقدرة المصنع على الانتاج مثلا الالتيما والمازدا فل كامل في نص السنه تخلص وبعضهم ماعنده صبر ويطلع كامري لانها متوفرة
ايضا سلوك اتباع الشهرة له دخل للمبيعات واتباع الشهرة حقيقة علمية في التجارة
https://en.m.wikipedia.org/wiki/Herd_behavior
اقرى تحت in marketing
مثل شماغ البسام والايفون هل هي الافضل فيه فئتها ؟؟

المريح في الموضوع هذا بالنسبة لي وحسب تواجدي في منتديات السيارات عمومًا أن أسلوب سياسة منتقدين الشهرة المتبع في نقد الكامري لم يجد النفع المرتقب لذا هذه المواضيع لا تقدم ولا تؤخر كثيرًا.
باع عبداللطيف جميل 34 ألف مقلب قصدي كامري السنة الماضية 2017

يبدو ان سيارات السيدان تخسر حصتها السوقية تدريجيباً لصالح سيارات الـ suv

الصورة المرفقة مشكلة فردية مانعرف تفاصيلها ، ماتأخذ كمشكلة عامة وعبد اللطيف جميل خدمته ممتازة من تجربة لي وتجارب بالآلاف عبر عقود من الزمن .صحيح مواصفات قليلة ومسجل أخضر لكن فيه مميزات أخرىمثل الإعتمادية وخدمة الوكيل الممتازة وغيرها .المستهلك في الأخير يقارن بين الشركات والشركة اللي تقدم احتياجاته بيتجه لها .

اذا سيارة ب ٢ ارباج ومسجل اخضر ب٨٥ الف ريال وجودة مشي حالك ماهو المقلب؟؟ على فكرة فيها مشكله في القير والوكيل غير متجاوب

.

صباح الخير على الجميع .

وجهة نظري رغم أني لست من عشاق الكامري :

* الدفعات الأولى دائما محتمل فيها عيوب تصنيعية .

* الكامري من فئة السيارات الشعبية المتوسطة بالتالي صوت ديكور بسيط أو غيره من التفاصيل البسيطة لايعني فشل السيارة .

* تاريخ السيارة في الإعتمادية عامل مقنع لشرائها أكثر من ظهور مشاكل بسيطة في التجميع .

* وكيل السيارة من أفضل الولاء في خدمة مابعد البيع وبالتالي الضمان يعالج جميع العيوب .

رايك واحترمه

رايي انها سيارة عادت بتغييرات جميلة..

مع اني اشاهدها بدات تقع في ايادي متهورة للاسف

عموماً...

بعيدا عن الصوت واسبابه، لااعتقد هناك فاهم

يظن انه مهمها تحسنت جودة السيارة سيظن انها

بجودة عالية جدا الا ان كانت الشركة لاتمتلك

فئات عليا او فرع فاخر

لو وصلت بها الجودة الداخلية لاعلى درجة

ماذا بقي للافالون ؟

لكن في الاكورد مثلا سبق وانتقدت الجودة

كون سعرها مرتفع وهي اكبر فئة سيدات من هوندا

وكانها اصبحت في جيلها الجديد اقرب للافالون من

الكامري!

عموما الآراء شيء لا يُفرض

لو كان صياغ الموضوع بطريقة لائقة لكان افضل

بالتوفيق

.
السلام عليكم

اعجبتني عبارة ابثرونا .....:27:


للاسف الشديد صارت عندنا مشكله متفاقمة من زمان وهي نطير في العجة ....انزل فديو او مقطع ان المنتج الفلاني فاشل او في خلل تقوم الدنيا وتقعد والكل يدلو بدلوه والمضحك ان البعض ماقد جرب الكامري او اي سيارة اسيوية ويلمح بشكل غير مباشر لمنتجات ماعرفناها قبل يومين وما سوالها قيمة غير لمسات من يد خبير اروبي او ياباني وطبعا تنكرو لهالشي والهو عقول بعض الناس بالHP العالي غير الي شرا شركة اسيوية مفلسة واعطاها شعارة في اعتقادة انه رفع من قيمتها ومع العلم ان كبار الشركات الامريكية مثل مجموعه جنرال موترز وفورد مهما حاولت تجاري الاسيوي القواطي وذا التصاميم الانثويةمثل ماقال احد الاخوان في موضوع سابق فتلقا نفسها عاجزة عن اكتساب ثقة العميل وسوق السيارات الامريكي تتزعمة السيارات اليابانية وليس الاسيوية وهي معلومة للتصحيح .... مثل البيك اب نجد التندرة والفوررنر والراف 4 مضرب مثل الكامري الكورولا البريوس مضرب مثل الاكورد والسي ار في و السيفيك سيارات السوبارو بعكس اغلب الماركات الامريكة الصنع الي نالت انتقاد وهى صناعه وطنية المفروض تكون افضل

الكامري كانت ضحية وكيل وقد يختلف معي بعض الاخوان ويقول غير صحيح لان الوكيل عندة اشتراطات عند طلب منتج وفي نفس الوقت قوانين البلد فليش اشغل خط انتاج السوق الامريكي بطلبات لسيارة بتكون غالية في الاخير في طلب اغلب العملاء الي ماشاء الله تبارك الرحمن صار يقدر يحدد اذا السيارة تستاهل هالقيم او لا ......الاربعه سلند المفروض ماتتعدي السبيعين الف في اسوا الحالات ...........مجرد مثال لمقوله وفي اسواء من كذا......!

التخشيبة+المسجل+الجنوط+ النوافذ الكربائية هي اول الاشياء الي تلاعب فيها الوكيل المحلي او باقي الاشياء فكما ذكرنا سابقا من اختيار الوكيل توفيرا له وربحا مضاعفا
الكامري طبلونها يطلع صوت هذي لها عدة معاني
فريق الاستلام والتجهيز خلع القطعه لغرض ما اجهل تضررة القطعه وسلمت للعميل تالفه حصلت معي شخصيا
المصنع انتج مية الف كامري منها مية فيها ملاحظات ومافي مصنع في الديا ينتج شي ويطلع خط الانتاج مضبوط 100% مستحيل والف مستحيل لا تويوتا ولا ابل ولا ناسا للفضاء ولا اي كان غير ان في شغله اعبرها من اكرة الاشياء اذا جاء شخص وقيم منتج وماركة وهو ماقد كان له دور ولى حتى 1% في تطوير هالمنتجات او صنعا

شباب اتمني بعض نكون منصفين وعقلانيين وانا اوكم لاني كنت في فترة طاير في العجة ويا غلطت واستنقصت من قيمة منتجات وبعد تجربتي لثلاث ماركات مختلفة من السيارات امريكية ويابانية وكورية عرفت ان كل واحد له نقاط تفوق ونقاط ضعف وكل منهم طلعت منتجات تميزت والبعض لا وكثير من منتجات طلع فية عيوب تم تلاشية في دفعات اخري او الاجيال التالية ويضل في نقص ولا توجد ماركة كاملة بتاتا

لاكن عبارة مثل الكامري الجديدة مقلب او الجمس زباله او لحد يشتري الالتيمة الجديدة او غيرة من المواضيع المفروض ماتحركنا بهالشكل مالم تكون بكميات كبيرة حقيقية وذا جاك واخد ماعمرة سوى صيانة او تشيكات للسيارة واستخدامة سيى جدا ثم يقول المنتج تعبان.....

التقنية يا اخوان كان المفروض تثقنا مب تسويلنا توتر في كل شي :a1120(82):



استغفر الله العظيم

عزيزي WZ1420

القرى الصغيرة جدا نعم معك حق لكن بعض القرى فيها أكثر من بنك بالاخص لو صرت بمدن رئيسية تروح لبنك يزعجك باسطوانة السستم عطلان!

ومعك حق أسعار تويوتا عندنا بالسعودية ارخص من معظم الخليج لكن تضل مهي منطقية بالنسبة لي مقارنة بمواصفاتها

وطاري الباثفاندر الله يعينك عليه بصراحة هذا الموتر فشل الصناعة اليابانية بالكامل! السيارة الوحيدة الي دخلت بقائمة أسوء سيارات أعتمادية في قائمة Consumer Reports بعد الي بالعادة فيها 80% امريكي والباقي أوروبي, كون الباثفاندر فيه بلاوي مو معناه اني خلاص لازم اروح اشتري من تويوتا فهذا عندك مازدا CX-9 أعرف ان فيه اشياء بالثفاندر مهي موجودة بالمازدا لكن تضل افضل بالاعتمادية الباث وافضل وكيل ولو انه مايصل لمستوى تويوتا لكن كثيرين معهم مازدا ومرتاحين, كثيرين شارين مازدا 6 سياحية تحت 70 ألف ومبسوطين! ما اذكر احد من زملائي أو اقاربي الي شاري مازدا 6 اشتكى منها من ناحية الكره الي يخليه يبيعها نعم بعضهم ذكر ملاحظات كالعزل وماشابه لكن تضل سيارة ممتازة واقتصادية وعملية وسعرها معقول جدا فهي خيار مثالي للي عنده وكيل مازدا بنفس المدينة الي فيها

الحين مازدا 6 قيمتها في 73 ألف بينما الكامري في 85 ألف كل السيارتين بالقيمة المضافة وبالاخير الكامري مافيها إيرباقات جانبية عكس المازدا6! ماتلاحظ أنها من اهم الميزات السلامة الي مفروض تكون أساسية بسيارة شوارع! حتى بسيارات البر ضروري أيرباقات اجانبية.
تدري كم قيمة كامري بوسائد هوائية جانبية عند أبوجميل؟ 97,440 ريال! فرق 20 ألف عن مازدا 6 وكلتا السيارتين صناعة يابانية

لكن تضل تجربة الباثفاندر لك مو مقياس الموتر لم يثبت اعتماديته ان الكل لازم ترجع لتويوتا فأنا معي باترول 2010 والحمدالله والشكر ما اشتكيت إلا من كفرات اول ماشريته ومطالبات مع وزارة التجارة لين خلصت اموري وصيانة إلى 10 ألاف بالوكالة ومع السلامة! البقية خارج الوكالة عند ورش متخصصة لنيسان او عند ون ستوب وغيره

طاري الباثفاندر انك شريته اعتقد انك اتجهت له لان ماحصلت مبتغاك في تويوتا ولا؟ هايلاندر مو موجود ومافي غيره إلا سيارات SUV تقليدية أمثال الفورتشنر والبرادو وهذي مهي منطقية للي يبي يشتريها لواحد يبي بس كروس أوفر! وكافي عليه فهنا توضيح مافي اهتمام لا من تويوتا أولا وربما يكون كذلك من الوكيل بتوفير جميع الفئات المطلوبة في السوق في ضل تواجد المنافسين من نفس الفئة

وصحيح منب قايل ان وكيل نيسان جيد لكن فيه ناس مرتاحين مع نيسان أعرف لك كم واحد من قروبي حقين الباترول معهم لاندكروزر سابقاً ومرتاحين مع الباترول! ويفضلون أستخدام الباترول عليه بكثير في أغلب الاشياء رغم أنهم يعرفون أنه مو مثل أعتمادية اللاندكروزر, وفيه ورش كثيرة مختصة بنيسان وللباترول تحديداً خارج الوكيل فدام الموتر معروف بأعتماديته ليش ما اشتريه؟ باثفاندر وألتيما وغيره معك حق انا شخصياً كمستخدم نيسان حالي غير واثق بشراء سيارة CVT منهم ومقتنع بقيور CVT من تويوتا وهوندا وسوبارو فقط

صحيح مو كل الوكالات قوية فيه منهم الي خدمات ممتازة وفيه الي خدماتهم ردئية لكن لا يعني إني أتجه إلى وكيل واحد وماركة واحدة فقط فمازالو مستويات مثل مازدا يضل وكيل مقنع جدا انك تشتري منه وان كان عليه بعض الملاحظات, قد لا تصلح لك لكن تصلح للبقية ونفس الشيء بخصوص تويوتا قد تصلح لك وللكثيرين لكن لا تصلح للبقية

مشاكل الديكور والعزل بسيطة لكن مشكلة المكينة مشكلة
طبيعي كل موديل جديد فيه عيوب تصنيعية لكن الي مو طبيعي هو عدم وجود الاستدعاء
الكامري سوو لها استدعاء في امريكا بسبب تركيب بساتم اكبرمن المطلوب وبوادر هذه المشكلة موجودة عندنا شوف التعليقات على المقطع الاخيرصوت في المحرك وتاخير في التشغيل
الضمان لايكفي ممكن تخبط المكينة على 120 الف مين يعوضني ؟؟ ومستحيل مكينة ببساتم اكبر من المخصص لها تعمر 400 الف او 300 الف خصوصا انها ضغط عالي حقن مباشر13:1 !!

اخوي ابو اسد بالنسبة للراجحي قد لايكون الافضل لاكن الاوسع انتشار للفروع ولا فيه مقارنه بينهم
بالقصيم مثلا اللي بالشمال بديره اسمه قبه اذا بغى بنك غير الراجحي لازم يسافر اذا بغيت تحديث بيانات او اصدار بطاقة صراف
اذا انت بمدينه كبيرة اشتر اللي تبي لاكن القرى والهجر يحكمهم توزع الفروع وتوفر القطع
اما بالنسبة لابو جميل انا اشوف انه فيه تحسن كبير عن السابق
صحيح يركب قطع معتمدة من الشركة الام لاكن يبقى انه الارخص بالخليج
تخيل اللاند استاندر عند ابو جميل ظ،ظ§ظ§ الف وعند الفطيم ظ¢ظ،ظ¦ مع العلم تحصل وارد ابو جميل ب ظ،ظ¦ظ¥ الف بالمعارض الفرق فيه سيارة صغيره للمشاوير

فرق ظ¤ظ* الف علما الاسعار شاملة الضريبة
الكامري عندنا ب ظ¨ظ¥ الف وعند الفطيم ب ظ©ظ، مع ان المحرك اللي عندنا الجديد
طبعا اسعار وكلاء
مبيعات تويوتا بالخليج تعادل مبيعات الشركات الثانية
الوكلاء الثانين تعبانين
ليش هونداي الان منتشر بسبب وكيل خدوم وسيارات عمليه

الباثفندر سيارة مريحه جدا تفوق على الباترول واللاند واقتصادي
لاكن قتله الوكيل ظ£ سنوات بعيب مصنعي وتهرب من التصليح ظ¢ظ*ظ،ظ£ الفل كان ب ظ،ظ¨ظ¥ الف الان تحب يدك مقلوبه اذا جاب ظ£ظ* الف لاتقول قطيع وكيل زباله وانا اجزم انه افضل منافسينه بكل شيء
بالقروب الاغلب يقول عطن حمار بدون مواصفات ارحم من سيارة وكيله تعبان بعد ماجربوا

بالنهاية سياره بدون فروع للوكيل منتشره بكل محل وقطع متوفرة عند الموزعين ما احتاج للوكيل بكل شيء
ماراح تنجح ولا يشرونه الشهرة وانتشاره راح يكون محدود

حقيقة شيء يضيق الصدر

سيارة جديدة وتصنيع وتقفيل ياباني ودافع مبلغ وقدره على سيارة ماتسوى من ناحية المواصفات! وبالاخير أحصلها بهذي الطريقة؟!!!!

مشكلة فيه سيارات وشركات ممتازة لكن اذا سقطت لدى تاجر جشع أو قد نقول عنه حقير! فماذا تعتقد ان يحدث؟

لما نعرف كمطلعين أن هامش ربح السيارة لدى الوكالات من 10% إلى 15% علشان يكتسب ويغطي تكاليف الفروع ورواتب موظفين وكهرب وماء ومستودعات سيارات وقطع وماشابه ألخ نقول عادي لكن لما يخيلي أن هامش الربح في أحد السيارة يصل إلى 30% على الاقل لماتقارن اسعرنا بأسعار المصانع الام باسعار الي عندك عن الخارج مع فارق المواصفات هل اذهب وأشتري السيارة؟!

والي يحط اسعار عالية لقطع الغيار او للسيارات بشكل غير منطقي شيء مو غريب يغطي دوري الأمبيات العالمية بالخارج! مو تغطية دوري محلي لكرة سلة أو طائرة أو سباحة او ركوب الخيل مدري ايش

البعض مشكلة يفتخر ان مثلا ماركة سيارته فروعها منتشرة لكن المشكلة انه لا يعلم ابدا أن جزء كبير من قيمة شرائه للسيارة يذهب إلى تكاليف الفروع الاضافية وتكاليف الخدمات الاضافية الي هي من حقك من البداية! وتكاليف التسويق المكثف لرفع المبيعات وانت تكون ضحيتها

مشكلة البعض يتفاخر ان بكثرة مراكز الصيانة للماركة وقريبة منه ولو تسأله أنت تسوي صيانة دورية عندهم قالك ناقص خساير؟!

بعض تجار السيارة قام ببناء سمعة محترمة للماركة على مدى السنين ثم يأتي ليشوه سمعتها بالتلفيق أو بطريقة أخرى وفقط الغير مدرك للامر لن يهتم لذلك

فيه شركات كبرى لا تهتم أبدا لما يصل الزبائن حول العالم لان كل اهتمامها وسؤالها للتاجر كم حققت أرقام مبيعات وليس ماذا قدمت لعملائي! (شركات تهتم بالولاء عملائها للماركة وبدول بحريقة!)

كثيرين يتركون شركة مشهورة ليذهبوا لماركات اخرى منافسه في حال وجود البدائل بالاخص اذا كانت البدائل اعتمادية وبسعر منطقي ومواصفات ممتازة!

المشكلة بعض التجار ماسك ماركة يحسب انه المسيطر بالسوق ومايدري ان جت ماركة مالها تاريخ قديم جدا جدا جدا مثلها وبدت تغطي عليها في مبيعات الأفراد!!! حتى بدت تدخل ببيعات الشركات بشكل أقوى منها ببعض المجالات وليس بكل شيء

على طاري سياسة الشهرة على فكرة اعتقد معظم الناس عندنا فاتحين حسابات في بنك الراجحي وسؤال ممكن أعرف هل هو فعلاً أفضل بنك خدمات؟ أفضل بنك نسبة قروض؟ أكثر بنك متطور؟ عن نفسي فتحت فيه حساب وياليتني ما اتبعت سياسة الشهرة! لم اقتنع بخدمات البنك ابدا سألت واحد يشتغل باحد ادارات البنوك (لا اقصد الراجحي بس أعتقد تعرفون اي بنك) ليش نسبة البنك بالقروض مرتفعة جدا مقارنة بالبنوك الثانية مو المفروض تخفضونها علشان المنافسة رد علي قالي تصدق على نسبتها العالية مو ملحقين نخلص الامور الداخلية من كثرة الي يطلبون!!!

نعم فيه عينة كبيرة جدا من المستهلكين اذا بدا بالشيء مستحيل يغير
أذا بدا باحد شركات الاتصالات بفترة قديمة جدا مستحيل يغير
أذا بدا بأحد المنتجات الغذائية المشهورة سواء ألبان أو ماشابه مستحيل يغير
أذا بدا بأحد ماركات السيارات المشهورة وارتاح فيها بحسب وجهة نظره الي قد تكون قاصره أو يخشى من المجهول مستحيل يغير!

أنا متأكد كثيرين ممكن تركوا ماركات مشهورة ليس كره بالماركة لكن كره بمن أدار الماركة أو من حول الماركة لماهي عليه الان

انا اشوف البعض الي يشتري من ماركات سيارات يظن انه المفروض ما احد يتكلم عنه بالتعصب عن الماركة عموما عندي قناعة الي يبي يشتري من اي ماركة من حقه بالاخص في حال عدم وجود البدائل لكن أذا زاد الشيء عن حده في الماركة صعب جدا تقنع كل الناس بالحاصل أو مايتكلمون عنها او تجبرهم ان يجب عليك ان تشتري منه حتى على عيوبه وملاحظاته

حقيقة الوضع بالسوق قليل جدا من التجار الي عنده أمانة وصدق وعنده قناعة أن الدخل لازم يكون منطقي حتى يكون السعر مقارب للي بالخارج لكن لما يجي تاجر يستغل شهرة الماركة ثم يقوم برفع السعر مع احضار شيء أقل مستوى من بقية المنافسين أو اقل من الي يتم توفيره بالخارج فهذا التاجر قاعد يضحي بشهرة الماركة بنفسه بسبب غبائه وسوء إدارته