نيسان مكسيما 2018 !!

saggainter @user_327786 · 07-06-2018

السلام عليكم يا شباب ارحب بكم جميعا اخواني

طبعا ما لقيت افضل من منتداكم وخبرات الشباب الله يباركلم

شباب انا الحمدلله وبفضل لله اشتريت مكسيما 2018 وبستلمها قريبا الله يسهل لنا ولكم يارب ويرزقكم من حيث لا تعلمون

سمعت عن مشاكل القير وكلام عن cvt بس اغلب الناس يقولو على حسب استخدامك وانو قطع الغيارر نار

بس الواضح انه العكس انا لي شهرين ادور سيارة وبعد عناء احترت بين الافالون والاكورد والمكسيما !! مافي احد ما مدحلي المكسيما كلهم يقولو انها الافضل

وما شاء تبارك الله يقولو عليها كل خير ما عدا القير وقطع الغيار واكتشفت انها المكسيما الافضل بلا منازع بس الاهمال !! هو سبب المشكلة والدعس والحرق بكثره

لو احد عنده خبره وتجربة عن السيارة يفيدنا وعن اسعار قطع الغيار

وللمعلومة اول سيارة يابانية امتلكها

وشكرا مقدما لكم

انت بطنك يعورني @user_255362 · 23-06-2018

ياريتك اشتريت كابريس ٨٦ الحديد عشان الحريم بكره حيسوقو وتحتاج سيارة حديد تستحمل غشامتهم

LOAIII @user_309206 · 23-06-2018

المعادلة المنطقية من وجهة نظري تنويع أساليب القيادة إذا تحمست دوس واستمتع وإذا كنت رايق خير وبركه لا إفراط ولا تفريط .

سيارتي سوناتا 2011 كملت معي 8 سنوات وممشى 361 ألف بمحرك وجيربوكس بلدها ، صحيح بدت تطلب الفترة الأخيرة بس إستخدامي خلال السنوات الماضية مرات قاسي ومرات خفيف ولا زالت في الخدمة بعد الإستخدام الطويل والسر تغيير القطع الإستهلاكية أول بأول .

عسى الله يبارك لك في مشتراك ويعطيك خيرها ويكفيك شرها .

salehhd @user_17805 · 11-06-2018

مبروك السيارة وان شاء الله خيار موفق

الاخوان ماقصرو

أبو ميعاد @user_314152 · 11-06-2018

ممتازة ولا تشيل هم انا كان معاي 2010:56:

KOERU @user_291946 · 09-06-2018

بصراحه ماقدر اعطيك الأكيد فيه ناس تمدح وناس تذم بالقير من ناحية الجوده
مع اني جربته شخصيا تجربه سريعه كان له سلبيات وايجابيات لكن بشكل عام ماعجبني مثل القير التقليدي

لا اخفيك كنا محتارين مثلك بين ماكسيما واكورد واخترنا اكورد بسبب خوفنا من هذا القير + ان الأكورد اجدد وقيرها 10 سرعات
اذا انت مقتنع فيها كسياره خذها وحافظ عليها امورك تمام بإذن الله

بالتوفيق

ddreamer @user_313592 · 08-06-2018

عندي التيما وماشي عليها فوق ٢٠٠ الف خطوط ومدينة ولا فيها الا العافية .. حتى القير مثل اول يوم شريت السيارة ولا عمري لاحظت عليه شي
اهم شي تغيير الزيت عند ١٠٠ الف في مركز معتمد لان زيتها خاص ومختلف عن باقي القيور

لايف ستايل @user_146718 · 08-06-2018

قطع الغيار معقولة لا غالية ولا رخيصة مثل باقي السيارات اليابانية لكن توفر قطع الغيار هو المشكلة ...
القير ممتاز اذا انت انسان تحتاج تروح من النقطة A الى النقطة B وماتفكر بمتعة القيادة ..اقتصادي للبنزين وله مميزات وعلية سلبيات وكل أنسان حسب قناعته في الشي يجوز تجربة تشوفه ممتاز وممكن غيرك يجربة ما يعجبة وبالتوفيق الله يعطيك خيرها

(fawaz) @user_107618 · 08-06-2018

وعليكم السلام ورحمة الله
من زمان عن المنتدى
حيا الله الشباب
وكل عام وانتو بالف خيير
بخصوص المكسيما وقيرها
انا استخدمت التيما 2010 v6 قير cvt
ومشيت عليها اكثر 150 الف بدون مشاكل
واستخدمت مكسيما 2010 وللحين مع احوي الله يبارك له
ماشية 200+ الف ويارب لك الحمد امورها تمام
نغير الزيت بانتظام وبالنسية لي كنت اقاوم في السيارة
الله هدانا وتركنا الشي ذا ويالله لك الحمد ماواجهت مشاكل
طبعا من فترة عن استخدام cvt
لكن لازالت عندنا في البيت وعند اخوي مكسيما 2016
لسى جديدة مامشت 30 الف
والحمدلله كل امورها تمام
ماعليك من كلام الي ماجرب او مايعرف لنيسان
الموضوع ومافيه اهتم بتغير الزيت
ونوعية الزيت للقير ns-3 وفالك البيرق

flatne @user_305312 · 08-06-2018

عليكم السلام
حياك الله

الماكسيما جميله وانيقه والقير الجديد صار افضل من موديلات 2010 وانت طالع

واي سياره في العالم حسب استخدام الشخص
اذا استخدامك خفيف وسواقه راكده راح تعيش معك السياره

قطع الغيار مر أي محل يبيع قطع غيار نيسان وخذ فكره عن الأسعار
القطع الخارجية والاكسسوارت تكون غاليه في كل السيارات

ويفيدونك الاخوان اكثر ان شاء الله