الرد على من يقول اللومينا خرباتها كثيرة

اخوي حنا جايين هنا نتناقش بهدوء وكل واحد يقول رأيه وعلى البقية الاحترام.
كلامك هذا مردود عليك .

corvettec5m .. ما اتفقنا إننا نتكلم بالطريقة هذي ..

هلا شباب LUMINASS-2001 و الله ان كلامك مسكت و مشكور لومينا و بس على الموضوع و احب اقول ليكم يا اصحاب اللومينات خلااااااااااااص اذا احد تكلم عن اللومينا لا احد يدر عليه اهم شي ان حنا مقتنعين فيها و خلاص و اخ اكورد و بس اذا تبي تعرف وش يعني لومينا روح صف جنبها في قومة :D و ديك الساعة بتعرف ان اللومينا حق;)
و شوف وساعة اللومينا من الداخل مو هوندا كانك قاعد في قوطي بيبسي و اتحدى واحد يجيب سيارة بنفس سعر اللومينا و تعادلها في الشكل و القوة و الله مساكين الي ما ساقوا اللومينا خخخخخخخخ ماسكين ليهم ياباني اربعة سلندر لو 6 :D و يفكروا روحهم ابد مهمين

و طبعا مثل ما قلت اصحاب اللومينات لا احد يرد عليهم خلاص خليهم يموتوا قهر و يتكلموا الى انفسهم بدون فايدة
مع تحياتي
راعي الاس اس 2003|3|

http://www.assayyaratnet.com/forums/showthread.php?threadid=21459

انا استغرب من الشباب اللي يذمون سيارة من غير ما يستخدمونها

كثير من ربعي عندهم لومينات اس اس ولا عادي وماشفت احد منهم اشتكى من سيارتة لدرجة واحد من الشباب معه 99 ال اس ماشية 190 الف وماشاءالله عليها كأنها جديده وعلى فكرة والله مايعرف يمشي مثل الاوادم كله دوس وسرعة ولكن يهتم بالسيارة من ناحية تبديل الزيت والسيرفس

اما تبي تقولي لمبة محترقة ولا غايش يبي تبديل ... هذا كلام فاضي

وبعدين السيارة ماصار لها 5 سنوات في السوق وشوف اشلون منتشرة ولو انها سيارة غير عملية كان ماشفتها بالشارع بهالكثرة

معلومه ثانية اللومينا هي نفسها الاوبل اوميغا وهم يتشاركون بنفس الشاصي والتعليق والشكل الخارجي مقارب جدا للاوميغا ... والاوميغا مثل ماهو معروف الماني

وانا شخصيا لو افكر اشتري سيارة من الحجم المتوسط اكيد ماراح افكر الا في اللومينا ياخي يكفيك انها دفع خلفي ومحرك اقتصادي وقوي

ومشكور اخوي على الموضوع

لي عودة إن شاء الله ..

لكن بشرط .. ما يكونون أصحاب اللومينا صار بأنفسم شي ..

ترانا نتكلم عن سيارات مو عن أوادم .. :)

أريد أن أرى مدى رضى أصحاب اللومينات عني لكي أكمل حديثي ..

أقسم بالله أخوي LuminaSS-2001 أن كلامك 100% مسكت ما اقدر اقول اي كلمة وبالنسبة لاخوي أكورد وبس سمعت من كثير ان الماكينة امريكية من شركة شفرولية اما الباقي من استراليا من شركة هولدن ولاحد يستهين بالأسترالي والله العظيم بكرة تنقلب الموازين فوق تحت ويصير الاسترالي احسن من الأمريكي ويمكن احسن من الياباني ما تدري وش كاتب ربك ؟

اليابانيين اول ما صنعوا سياراتهم كانت ماحد يشتريها اذا واحد خذ ياباني العالم تضحك عليه كان الصناعة الامريكية هي المشهووورة اكثر والاكثر شعبية بس الان لا انقلبت الموازين وصار الياباني احسن من الأمريكي بمليون مرة والكلام هذا سامعه من واحد عاش الوقت اللي كان فيه الياباني مايسوى شي وحتى لو ان الماكينة استرالية والله العظيم راضي بها يكفي انها لومينا

(( عذبتينا ياللومينا ))

سلام عليكم ..

سيارتي لومينا اس اس موديل 2001 .. شريتها أول ما نزل موديل 2001 ..

الحين السياره كملت 3 (ثلاث) سنوات معي بدون مشاكل تذكر ..

العداد الحين 82 ألف وزياده :)

بسم الله ما شاء الله من أحسن ما يكون والى الحين نشيطه جداً وتقوم على 2003 ..

بالنسبه للاعطال والخرابات اللي واجهتني مشاكل بسيطه مثل تغيير الكفرات .. البطاريه .. وزن دركسيون .. لمبه اصطب خلفي احترقت وغيرتها .. لمبة كشاف احترقت وغيرتها .. يعني اشياء طبيعي تخرب مع الوقت ..

الاخ اكورد وبس .. سيارتي كملت 3 سنوات وكل ما رحت مكان الناس يقولون ما شاء الله كنها جديده ! مع اني اقاوم وادوس بنزين .. حتى اني مره رفعتها برافعه والمهندس قال من تحت سيارتك جديده ..

شخصياً اتوقع السياره بتستمر 6 سنوات زياده ..

الاخ اللي يقول ليش الكامري ما تخرب .. بالعكس انا اشوف الصناعيه حقت العروبه كلها كامريات وماكسيمات (رح شفت بنفسك)..

بعدين كيف تقولون الاسترالي فاشل والكامري تجي من استراليا؟

حاقدين على لومينا وكابريس ليش ؟ لانها دفع خلفي؟ ولا لان شعبيتها كبيره جداً حتى المرور والدوريات والدفاع المدني كابريس ولومينا !

الاخ اللي يقول لومينا وكابريس استراليه فاشله :

طيب والكامري من وين تجي ؟

يا حليلك :) فاشله ؟ ليش خذوها الجهات الامنيه ؟ الدوريات ؟ المرور ؟ الدفاع المدني ؟ الامانه والبلديه ؟

ليش في اكثر من دوله خليجيه نفس الشي؟

ليش مبيعاتها خياليه حتى موديل 2004 لومينا وكابريس بدا ينتشر بشكل رهيب ؟

ليش اللي معهم موديل 99 اول ما نزلت لا زالت السياره معهم تمام التمام؟

اعرف شباب معهم لومينات الزيت يجلس 9000 ما غيروه .. وش رايك؟ ويطلعون ارصفه ويفحطون وحارقين الماكينه ومع ذلك لا زالت السياره معهم ماشيه من عام 2000 !!!

يعني (بالعقل) شركه عريقه جداً وعالميه مثل شفروليه هل يعقل ان تفتح خط انتاج في جنرال موتورز استراليا (هولدن) وتنتج سيارات اعطالها كثيره ؟

نسيتوا ان شفروليه اجرت اختبارات في الامارات على كابرس ولومينا استمرت سنتين وقطعت السياراتين فيها اكثر من 100 ألف كيلو متر في ظروف قاسيه جداً !!!

واقع الامر ان لومينا فرضت نفسها بقوه في الشرق الاوسط واصبحت لومينا اس اس واحده من ابرز رموز الاداء الرياضي القوي !

انا شخصياً امشي بسيارتي حوالي 80 كيلو يومياً .. مشاويري يعني .. وفي نهاية الاسبوع حوالي 200 كيلو في اليوم !!!

وعند الاشارات اطلق السياره زي الصاروخ .. يعني الموتر مكروف ومع ذلك زي الجديد !! حتى الديكور الداخلي ما زال كانه جديد !!

ما شاء الله لا اله الا الله

كل واحد واستخدامه ومحافظته على الصيانه الدوريه .. واحط مليون خط تحت الصيانه الدوريه عند الوكيل .. فقط

ما يجي واحد يودي سيارته لورشه في الصناعيه يصلحون له شي ويخربون 10 اشياء ثانيه ويجي يقول خراباتها كثيره ؟

او واحد يلعب بالقير في القومات بعدين يجي يقول القير خرب علي ؟

او واحد يخلي السياره ما فيه بنزين ويدوس ويجي يقول خربت طرمبة البنزين ولا فلتر البنزين .. !!



فيه شباب يقولون الجاكوار ما ينبغى ببلاش لانه خراباتها كثيره جداً جداً ..

فيه شباب يقولون لا احد يشتري فورد خراباته كثيره !!

فيه ناس يقولون لا احد يشتري كاديلاك خراباتها تشيب الراس ..


وش الكلام هذا ؟

ما بقى سياره الا وقالوا خراباتها كثيره !!

هذا كلام غير منطقي .. انك تقول عن سياره معينه خراباتها كثيره !!

كل واحد واستخدامه ومحافظته على سيارته .. وانتهى الموضوع :)


الصوره هذي اهداء لعشاق اللومينا .. والظاهر ان النار اللي طالعه (من قوة السياره) بتحرق بعض الناس ! ل ووووو ل .. ويا ليت اعرف كيف اخليها توقيع ؟ ما نفع الرابط يطلع زي ما هو في المربع ...





http://www.hsv.com.au/frontpage/1024/hrtFront.jpg

لا تعليق

تكلمنا في الموضوع كثير

يا شباب ..

أنا ما عندي استعداد أشتري سيارة وأدلعها آخر تدليع ..

شريتها عشان تخدمني بالشكل المعقول ..

ولو تجيب أخيس سيارة في الدنيا وتمشي بها ما لا يزيد عن 90 كلم وإذا جيت عند حفرة تمشي صفر وامبير الضغط ما يتعدى 2 أكيد ما راح تخرب ..

لكن الفرق .. إذا كرفت السيارة كرف حمير .. ما أقصد إنك تكسرها .. أقصد إنك تدعس فيها وتسافر فيها سفريات كثيرة وفي أماكن متنوعة يطلع الفرق ..

الكامري يفحطون فيها وماشية زي العسل .. ليش ؟؟

واللومينا .. شفنا ناس ما كرفوها ومع ذلك خربت معهم .. ومهب واحد ولا اثنين .. كثير .. ومعليش .. لا أحد ينكر لأن هذا شي واقعي ..

حنا نعترف إن اللومينا سيارة قوية من ناحية المكينة .. ومريحة .. ورساوتها معقولة .. لكن ما عندي استعداد أشتري سيارة ما تعيش معي خمس سنوات إلا بعد ما تستنزف أموالي .. خصوصا وإن قطع الغاير غالية ..

أخوي لومينا وبس

ممكن تثبت لنا إن المكينة أمريكية 100%

يعني .. سايق عن ساايق تفرق ترا يا جماعه ... والي يبي الشي يدووم له يحافظ عليه وهذي هي الصوووره للهل موضوع بس :)

مراااحب شباب

أخوي ع البال
لو اني احاول اقنع نفسي فيها كان ترددت وانا رايح اشتريها بس والله العظيم اني ما ترددت ولو تجيب اي سيارة وتفحط بها 24 ساعة تفحيط والله انها تخترب
على العموم مشكور على مرورك بالموضوع وابداء رايك

أخوي محمد321321
انا لازعلت ولا انقهرت بالعكس والله بس او ان اللومينات والكوابرس فاشلين كان ماشروها الناس وللمعلومية الهيكل فقط استرالي اما الماكينة امريكية 100% من يقول انها استرالية لاتقول روح التشاليح وشوف اللومينات هناك كثار ترى والله العظيم ان في سيارات غير اللومينا كثار ومنها الكامري
مشكور وماقصرت اخوي محمد321321 على رايك

أخوي لومينا_Ss_
صحيح كلامك والله العظيم اعرف 2 من ربعي الحمدالله ابوهم عيال نعمة وخير والله العظيم اللومينات دايم يختربون عليهم نعرف ليه بسبب سؤ الأستعمال واعرف شخص ثاني من ربعي متواضع عنده لومينا اس اس والله ماشكى منها أقسم بالله ومن يوم خذها مااخترب عليه الظاهر الا المروحة بدون مايدري كان فاتح الكبوت حق السيارة وكسرها بدون مايدري واللومينا دايم يروح فيها خطوووط ومشاوير ولاعمره اشتكى منها بس اللهم محافظ عليه بس

من يقول ان خربااتها كثيرة ؟
من يقول انها فاشلة ؟
اذا كانت فاشلة ليه ما اختربت على ناس كثار ؟ فكروا بعقل
وترى والله العظيم لاتفكروني ادافع عنها علشان سيارتي نفسها لاوالله لاتفكرون كذا

يا جماعه يا جمااعه.. اهدووو شوي

كل سياره وعلى حسب راعيها ..اذا كان مراعيها ولا مو مهتم فيها.. وهذي السالفه كلها .. مافي على استراالي ولا ياباني ولا امريكي

انت واستعماالك لها
اعرف وااحد عنده اللومينا صار له سنتييين ... ومجنووون في القومات وهل سواالف .. عمري ماشفت سيااره عند مصلح ولا مكان مني ولا مناك بس مرتين للسيرفس وبس.. وهذي السيرفس غصبا عليه يوديها

والغرييب اني الاقي عندكم في المنتدى ان السياره مو قويه ومادري شوو

يا جمااعه على استعماال راعيه
واسف اذا طولت .. :)

هاهااهااهااهاهاههاهاهااهاهههههههههههههههههههههههههههههاههههااهاههاهاهاههاهاههاهههههههههههههههههههههههههههههههههههههههههههههههههههههه
وليش الكامري ما تخرب مع ان الكامري كل اصحابها مجانين ولو ما كان صاحبها شباب بيكون لموزين ليييييييييييييييييييييييييييييش ما تخرب ولا انت تبغى تكذب على نفسك بس الومينا والكابرس سيارات تستراليه فاشله اسال نفسك:
- ليش الكامري والماكسيما واليون ما تخرب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وبتعرف ان سيارتك استراليه فاشله و لا تحاول تثبت العكس .....
وارجو انك ما تزعل مني لان هذي هي الحقيقه..

كأنك بهالمقال تحاول تقنع نفسك باللومينا:)
الواقع والمشاهد يقول ان اللومينا خراباتها كثيرة .
والبعض يقول انها كثيرة خرابات مقارنة بغيرها من السيارات .
لو عطينا واحد من الشباب لومينا واكورد او كامري وخليناه يفحط فيها ليل ونهار ثم جينا وفحصنا السيارات اللي فحط فيها, تعتقد برأيك وش راح يصير بكل هالسيارات الثلاث؟

اترك لكم الرد .