هلا محمد321321 :)
مشكور على ردك وتفاعلك مع الموضوع ..
انا اذا مسكت خط فيها أمشي بين الـ140 والـ 190 ..
انا كفراتي يوكوهاما .. لو اركب ميشلان سبورت الـ 220 بتصير زي الـ 140 باليوكوهاما ..
لكن هذا غلط .. انك تتعدى الـ 140 .. والـ 160 كحد أقصى حتى لو كان في خط ..
اذكر لك ميزه في اللومينا ..
اممم .. ممكن تقولي ليش المجلات العربيه حقت السيارات اجمعت ان لومينا اس اس هي أفضل قيمه للمال ؟
الرساوه راسيه يا أخي انا العب بالسياره يمين يسار وانا ماشي 140 ما فيه مشاكل ..
بالنسبه للفورد ..
كابريس ولومينا الجديده ارسى بمليون مره من الفكتوريا والماركيز !
اسأل حقين الدوريات والمرور ..
ابوي انا كان معه جراند ماركيز .. وجرب بعده الفكتوريا .. لكن عام 2002 شرا كابريس والحين السياره (الكابريس) كملت مع الوالد سنتين وحوالي 40 ألف كيلو والوالد دائماً في المجالس يمدح السياره واللي يقول بشتري سياره الوالد ينصحه بالكابرس ويحذره من الفورد ..
محمد .. ابوي مره ساق كراون فكتوريا كان ماشي 90 وكان فيه حفره صغيره مره في الشارع ابوي يقول انه وخر عنها شوي بس بعدها ما لقى نفسه الا في الرصيف ..
واذكر مره يوم كانت معه الماركيز قد قال لنا ان دركسونها خفيف مره ومهيب راسيه ابداً ..
لكن مع الكابرس .. كلام ثاني .. وازيدك من الشعر صندقه .. ابوي يوم جرب الـ اس اس حقتي قال ما شاء الله تبارك الله !!
الـ اس اس والكابرس نمشي بها في السفر بين الـ 140 والـ 190 .. ما فيه مشاكل مريحه تماماً !! وفي الخطوط ما احس بسرعة السياره يعني لو اطق الـ 220 ما فيه مشكله .. واعرف شباب معهم اس اسات اسبوعياً مع خط الشرقيه 220 وخط القصيم بعد ..
الوالد سافر بالكابرس الشرقيه مره وقال في الخط امشي 170 ما أحس الا اذا شفت العداد .. ويقول ويين الشفر عن الفورد ويين ..
يمكن يا محمد الـ اس اس اللي انت جربتها كفراتها زفت ؟
بعض الشباب مركبين بيريللي وميشلان يوم جربوا سيارتي قالوا غيرها على طوول مع اني اشوف ان اليوكوهاما رهيبه وثابته تماماً يعني وصلت 250 (في المنطقه المسانده) بدون رجه والسياره كانت ناعمه على السرعه هذي وثابته ..
ما بالك لو اركب كفرات اكثر كفاءه وتحمل ؟
فيه اشياء تأثر على الرساوه والثبات ..
عزيزي انا ما اقول انك كذاب وتنصب علينا .. لا .. ممكن انت صارت لك تجربه وتقولها لنا هنا وترانا مصدقين اللي تقوله .. لكن عزيزي اعرف اكثر من 15 واحد معهم اس اس .. ما قالوا مثل كلامك !!
يمكن حظك تعيس في السياره اللي انت جربتها .. اذرعتها دركسونها كفراتها فيها مشكله ..
واحد من الشباب قالي امس انه باع كابرس 2000 كان معه ماشي 140 ألف او أكثر وجابت له قيمه .. والحين شرا لومينا SS موديل 2004 وبتطلع الاسبوع الجاي ...
سألته عن الـ 2000 اللي كان معه .. يقول من أحسن ما يكون !
لكنه يبي لومينا SS لانها كشخه ورياضيه خالصه وحقت قومات ..
يعني يا محمد لو كلامك صح .. ليش مثل هذا ما جحد الشفروليه كلها وراح شرا سيارات ثانيه ؟
أعيد السؤال مره ثانيه :
يعني يا محمد لو كلامك صح .. ليش مثل هذا ما جحد الشفروليه كلها وراح شرا سيارات ثانيه ؟
مره ثالثه :
يعني يا محمد لو كلامك صح .. ليش مثل هذا ما جحد الشفروليه كلها وراح شرا سيارات ثانيه ؟ ليش ما قال ان كابرس خرابها كثير ولومينا مثلها وانها ما تعيش و .. و .. و .. ؟
لان الرجال مجرب الكابرس 4 سنين واكثر من 140 ألف كيلو !!!
الاخ corvettec5m :
يا سلام عليك ! ردك مجلجل وقوي ! أهدي لك الصوره اللي فوق حقت اس اس 2000 :)
بالنسبه لكمارو وموستنق لووول صرت ارحمهم سياراتهم كوبيه ومسوين زحمه واخرتها تجي لومينا اس اس سيدان وتطرحهم .. تلقى الواحد فيهم يتعب وهو يلغم سيارته عشان يقوم مجرد قومه في البدايه على الـ اس اس ..
على طاري الحوادث .. عندي لكم صورة فيراري .. تقطعت السياره تقطيع والسائق صار لحم مفروم .. طبعا ً هو اجنبي اظن الصوره في دوله اوروبيه ..
ويقولون انه ما كان مسرع مره يعني ما كان مصفي الطبلون !!
في السعوديه حادث كامري من قوة الحادث لقوا رأس السائق في المرتبه اللي ورا .. لا حول ولا قوة الا بالله ..
وانتم جايين تحطون كل البلاوي في اللومينا ؟
وقبل الختام .. لا تسرع في الخطوط حتى لو كان سفر ..
السرعه قاتله :)
لا تتجاوز الـ 140 .. حتى لو كنت راكب ماكلارين لانك ممكن تكون راكب سياره قويه لكن لا تنسى اخطاء السائقين الاخرين .. يمكن يلف عليك واحد وانت ماشي 220 وش بتسوي ؟
حتى الشهاده ما يمديك تنطق نصها ..
