السبت 18 أبريل 2026
عاجل

بصراحه وش رايكم في السياحه الدخليه

استراحة المنتدى مغلق
5 رد 887 مشاهدة 4 مشارك الأقدم أولاً
أ
أبو هزاع @user_146 · 10-06-2002
مرحبا فيكم ياأحلى جمهور بما أنا في عطله الصيف الواحد يفكر يسافر ويتمتع مع زملائه أو مع اهله وش رايكم أنتم بصراحه في السياحه الدخليه عندنا .. انا من ناحيتى معليش أنى أضيع عطلتى في أبها البهيه ولا مناطق الجنوب ولا الطائف وجده والدمام وغيرها من جد السياحه عندنا تجيب الهم .. معليش أعذروني على هلكمه يمكن واحد يعارضني ولكن كل واحد ورايه...

وبي شوركم بكل صراحه خلنا نكون واقعيـيــن شوي لا نجامل بعض ؛؛؛؛؛؛
L
LHS @user_39 · 15-06-2002
هلا باهل شمر
هلا باهل الكرم والجود

اوافقك ان الهدف الاول هو
الماده
وبعدين راحة الزبون
بصراحه انا ماقد رحت سياحه في الجنوب لكن ان شاء الله هالسنه ممكن
خصوصا ان فيه اكثر من واحد من اهل البلد ناداني ويقول مالك الا تبسط ياعم

وكمان ابو ليلى بعد ناداني
بصراحه محتار وين اقضي اجازتي :ينطنط:
L
LHS @user_39 · 15-06-2002
الرايق
حبيبي
ترانا نروح مكه في العطلات العاديه ورمضان
ومااحلاها من بلد
ولها طعم ونكهه خاصه

المدينه للاسف رحتها مره وحده بس وانا صغنطوط مررررررررررره

على العموم
كل واحد وراحته
ب
باتستوتا الشمري @user_684 · 13-06-2002
لسياحه الداخليه سياحه هدفها الماده(الفلوس)ومايهمها كيف تسوي حاجه جديده منتزهات مرره بايخه وحدائق ياديني ملينا من الحدائق الغبيه وكمان اغلبيه الشعب السعودي شعب متعنطز ومتفنطز وماهو شايف احد شي كل ذالك يسد نفسك عن السياحه الداخليه بالله عليكم احد سمع انه واحد جاي من بره عشان يصيف بالسعوديه ياشيييخ روووح اي صيف بالسعوديه.....

بالنسبه لي انا روحت مره لدبي صراحه بلد قمه في السياحه

مهرجانات وبلد مره مره متحضر وناطحات سحاب كثر النجوم ماهو عندنا

بالرياض ناطحه سحاب وحده وبهذلونا عليها شوي ويحطونا بالمناهج

الدراسيه
ا
الرايق @user_356 · 10-06-2002
ما انا أذا مافي سفر بر بلد
مافي أحسن من المدينه المنورة
ومكة المكرمة مافي أحسن منهم
مدن ظاهره ومشرفه
وطبعا في هل العطله الكل بيروح ليهم
ونشالله الله يودينا إليهم مرات ومرات


الرايق:cool:
L
LHS @user_39 · 10-06-2002
والله ياطعس

لكل سياحه ميزانيتها

وبصراحه خلنا نشوف اسعار الفنادق والشقق
وكذلك اسعار قوارير موية الصحه

وبعدين نحكم

سياحه داخليه لمدة خمسة ايام
او سياحه خارجيه لمدة عشرة ايام
وبنفس التكلفه

على العموم
ننتظر ردود الشباب