اسعد الله جميع اوقاتكم بكل خير
اقدم لكم اعزائي الاعضاء احلى كامري 2004 في جدة
وهي تبع اخونا العزيز: القحطاني.
وهو يعتبر احد ابرز الاشخاص المقطبين في حي: زهرة الوزيريه
وانا اتأسف للاخوان اللي طلبوا الصور وكانوا مستعجلين علينا شوي
ولان والله الكامري اخذت عقلي واحترت وش انزل وش اخلي من الصور
فأتخذت القرار الحكيم اني انزل كل الصور وعاد انتوا متعوا انظاركم فيها
ولا تنسوا ذكر الله والصلاة على النبي ....
قبل ان اعرض الصور لكم
اريد ان اتحدث عن حياة المعذب: القحطاني ...
ومافعله في ايام صباه ... ايام كان مراهق يعني ..
ام حديجان قد عرضت في موضوع قديم ويمكن البعض يتذكره
وهو بأسم: 36 كامري معدله بجدة ..
كانت اخر صورتين من هذه المجموعه هي سيارة القحطاني
حبيت اني اعرضها لكم هنا لتعرفوا وش بداية هذا الرجل الاسطوره:
لتكبير الصوره ولتوضيحها
الرجاء اضغط على الصوره ..
1 هذي الصورة الاولى وواضح فيها التغبيره:
2 وهذي الصوره الثانيه وواضح فيها السفتي والاستكرات الارهابيه:
دارت الايام
ودارت السنين
وتغيرت الدنيا
وتطورت الافكار والحركات...
حيث ان القحطاني ترك حركات التغبيره والسفتي
وجنوط الدوج واشياء الزحف والجنان اللي كان يسويها...
ودخل في عالم التكيت والرومنسيه .. اصبح تقطيبه هادي جدا
ومع ذلك .. راح ضحيت هذا التقطيب الكثير والكثير من الشباب اللي عندهم مرض القطب المزمن...
المهم
سوف اتحدث الان عن مواصفات هذي السياره المعدله
واشرح لكم القطع اللي مركبها واسعارها بالريال السعودي:
اولا: نوع السياره كامري 2004 GLI.
ثانيا: اللون بحري.
ثالثا: مركب جنوط نيكل مقاس 18 كلفته تقريبا مع الكفرات حدود الـ 5 آلاف.
رابعا ً: في الواجهه الاماميه:
مركب اربع اطقم زينون هيلا ..>> في العالي والواطي ومكان الاشاره
وفي كشاف الضباب .. كلفه تقريبا مع شغل اليد: 5500 ريال + مركب عدسة بي ام
كلفته حدود: 1300 ريال + ناعس تبع البي ام وكلفه: 1500 ريال + طقم شرايح الاوبيروس
اللي هيه الاشاره يمين يسار كلفته الثنتين بـ: 800 ريال.
خامسا ً: في الواجهه الخلفيه:
مركب طقمين انوار رانج روفر الليزر وقيمته بـ: 1600 ريال للطقمين..
والبعض يقول اانها انوار او شرائح الاندكروزر ... وهي ليست كذلك بل هي تبع الرنجر روفر 2004. +
شريحتين لانوار الفياقرا وهي انوار الفرامل او البريك على قول اهل الشرقيه
وكلفيته بـ: 800 ريال وكاله .+ الاشارات الصفرا يمين يسار تبع الرانج روفر الجديد
وقيمته: 800 ريال .
سادسا ً: مقاعد جلد شغل اليد فقط بـ 2000 ريال
ومركب في المقاعد مساند رأس تبع الفياقرا
اشتراها طلبيه من الاردن وقيمتها الخمس مساند: 1300 ريال
طبعا ثنتين قدام وثلاثه ورى .. الدركسون خشب .. مسويه في الصناعيه
شمال جدة عند ورشة النمر ... كلفته تقريبا 800 ريال ..
ان شاء الله مانسيت شي
ونبدأ الان في الصور وقبلها
صلوا على النبي .....
يتـــــبع
7
7
