تكفون ابي رايكم في ال بيجو 307

اخ AdN

بالنسبه لسعر السيارة 55400 -- 1600 سي سي + فتحة سقف + سي دي _سعر الوكالة اللي بالخبر_

مثل ما قلت لك السيارة ثابته على الخط. وممتازة.

بالنسبه للتحمل والله مادري بالضبط لكن السيارة وصلت عندنا من موديل 2002. يعني قبل 3 سنوات تقريبا.. وسألت الشباب اللي شروها اول ما نزلت الكل يمدح فيها.

من رأيي انك تروح بنفسك الوكاله وتشوف الالوان .
بالنسبه لي ما كنت افكر في سيارة بديله. لاني لقيت المواصفات والسعر مناسبين للسيارة. وقررت واخذتها.


واي استفسارات ثانيه كلنا حاضرين.

تحياتي|3|

اذا تبي رائيي
انا كنت بالبنان قبل اسبوع ولفت نظري كثر بيجو 307 وأغلبها لون اسوود
بصراحه السياره رسميه مع انها صغيره الحجم سياره حلووه

الفل أوبشن ما يختلف عن العادي إلأ في حاجتين السي دي والفتحة (والكاسيت موجود أساسي)

وثباتها على الخط تمام عند 120 والسرعة القصوى للسيارة 170

وأحلى الألوان عليها الأسود ثم الفضي

سيارتي صار لها أكثر من 6 أشهر وما شفت عليها أي مشاكل في الكهرباء

وقيرها التوماتيك حساس شوي

وأحسن شي فيها المواصفات

وإذا أنت من القطيف راح ترتاح من الصيانة لأن ما يحتاج أتروح الوكاله وتقدر
أتسوي الفحص في ورشة مختصة بالبيجو موجودة بالقطيف

وإذا تقدر تآخذ( كورولا فل كامل 1.8 لتر) أخذه وأترك عنك البيجو

تحياتي|3|

السلام عليكم ورحمة الله وبركاته ,,

أخـــي AdN الشبــاب ماشــاءاللــه تبــارك اللــه مابقــوا شــي الا وقالــوه ,,

السيــارة ماشــاءاللــه تبــارك اللــه مايحتــاج ,,

وأنــا أكثر شــي عاجبنــي قــلــة إستهلاكهــا للبنزيــن >> مبسوط من سالفة البنزين :D

أستخيــر ربــك وشوف ,,

واللــه يوفقــك اللي فيــه الخيــر ,, ومبرووك مقدمــاً

السلام عليكم

انا اتمنا إن السيارة تكون من نصيبك
السيارة انا صراحه مرره عاجبتني

وما واجهت اي مشاكل معاها السياره صراحه عزمها شوي ضعيف فقط في التوماتيك اما العادي فالسياره من جد قوتها ممتازه انا السياره تحفر معايا في الأول (( تحفر= تفحط)) وإذا كنت شادد العزم تحفر في الثاني كمان يعني قوتها ممتازه ((طبعا في القير العادي))

وعلى فكره انصحك ما تاخذها بفتحة سقف

أما الباقي فالسيارة زي العسل

ومن جهة الرساوه والله السياره جنان

غرز وعقدات على كيقك


بس

الف الف شكر اخوي
استفساراتي اهي
1- انا ابي سيارة لي وللزمن يعني 4 او 5 سنين تنفعلي البيجو
2- صراحه البيجو شكلها دخل مزاجي بس قوتها مدري عنها يعني قوة تحملها ورساوتها بالخط كيف؟
3- انا ابشتري 2005 هل فيها كاسيت وسي دي او بس سي دي ؟
4- انا معي 54 الف هل تنصحني بالبيجو ولا بسيارة ثانية ؟
5- ابي اعرف احلى الالوان فيها ؟

صح كلامك...
انا سمعت هالشي.
فيها عيب ان الانوار تحترق . خصوصا الخلفيه.
والعزم ضعيف شوي . والجير الاوتوماتك تحس فيه تقطيع لانه تبترونك وهذا طبيعي.

بالنسبة للوكيل. عندنا في الخبر دائما زحمه.

لكن بشكل عام اوكي..

بصفة ان سيارتي توها جديده ما مشيت بها واجد.. ما اقدر احكم على قطع الغيار..
لكن اكثر الشباب يقولون ان الاسعار مناسبة.

مواصفاتها كالاتي.
1. ماكينه سعه 1600 سي سي 110 حصان
2. ماكينه سعه 2000 سي سي 138 حصان

* الجير اوتوماتك-تبترونك- 4 سرعات او عادي 5 سرعات
* النوافذ كلها كهربائية مع ميزة الفتح التلقائي واذا اصطدمت بيد او بشي تفتح على طول.
*رموت فتح وغلق الابواب.. وتقدر تغلق النوافذ وفتحه السقف بالرموت اذا طفيت السيارة ونسيتها مفتوحه.
*مسجل كاست مع 5 سيدي.
* ديكور خشب لل1600سي سي و كروم (فضي) لل 2000سي سي
* جنوط 16 لل 1600سي سي و 17 لل 2000 سي سي

* والاهم نظام السلامه فيها متطور.. جدا جدا..
نظام منع انغلاق الفرامل.. ونظام الكبح المفاجئ و وو . وغير الاكياس الهوائيه.
يعني في السفتي ماعليها كلام.. وثااابته على الخط..

تقريبا هذي المواصفات واذا تذكرت شي راح اخبرك به.


تحياتي

اخوي انا سمعت انها فيها مشاكل كهربائيه وش رايك

وكيف معاملة الوكيل


وممكن موصفاتها للفل اوبشن