الصني.. والغرابة فيها..(حوار)

السلام عليكم

انا معي صني 98 خليجيه
اوتوماتيك

العيب فيها العزم لأنها 4سلندر وعزمها ما يطلع الا على الخطوط الطويله واذا طلع ( خذ موتر )
مريحه وراسيه
لدرجة مره بغيت اجيب العيد في خط البلده( الله لا يوفقه ) لأنه مره وقف في نص الخط وكانت فراملي موش ولا بد وتوكلت على الله ولفيت يمين ويسار وماشاء الله ( اذكرو الله ) السيارة راااااسيه بس انا ارتعت وبغيت اوقف في نص الخط واجلد خط البلده ( مسوي قوي ما درا انه بيتصفق )

وبالنسب لقطع الغيار والله غااااليه

توني مغير راس العكس بـ حدود (900) ريال

وفلتر زيت القيل بـ (60) ريال واخوي مغير فلتر زيت القير حق اللكسز بنفس القيمه

بس السيارة اللي بيحافظ عليها تعيش معه 20سنه اذا ماني مبالغ فيها

هذا رأيي فيه العروسه الصني
ولا زلت متمسك فيها حتى لو اشتري سيارة ثانيه ماراح اتنازل عنها
ودمتم سالمين

السلام عليكم..اسف لانشغالي.. امس^^


S.TOURING:
شكرا لك..


خــالـــد:
صحيح اخي خالد... مشكله التيوتا الاكسسوارات مغيره عندنا...ولا ما اقول شي حلوه...بس غالبيه الشباب معلقين على الكورلا اكثر من الصني...


* راعي الصني * :
خلفية الموديلات السابقه رهيبه.. و2004 صراحه من جد حلوه لكن المسأله مسألة تعود فقط لا غير... انا من ناحيتي عندي في النهار الموديلات القديمه افضل خلفيه اما .. في الليل اوبالاحرى والانوار مضائه ف2004 تصبح افضل لان الصطب كرستالي.. اي رسمة الصطب باينه من داخل..
وبالنسبه للهنود صحيح مايفحطون لكن اللي يفحطون ارحم منهم والله ومن سواقتهم يعدمونها لك عدام..
ومشكور لمرورك.. وعلى فكره كم موديل سيارتك^^ وهل هي فل نص سياحي..

power dodge:
الصني افخم؟؟؟ للاسف ماني متاكد.. يمكن انت اخبر.. لكن مكيف الكورلا احسن.. لا اتوقع.. وعندك اعضاء مجربين.. والكورلا اريح.. ايضا ما اتوقع.. لان نيسان معروفه بالراحه... وشكرا لك...

الفتى العربي:
الصني صرفيتها اكثر من الكورلا انا مجرب الصني رهييييبه.. لكن الكورلا للاسف ما ادري..^^


فتى الحجاز:
شكرا لمرورك وكلامك صحيح^^

ملك القلوب:
وهذا نفس كلامي بالظبط عن الصني.. مكيف مافيه مثله..... اشكرك لتأييدك..




لكن ياشباب الى الان ماطلعنا بشي.. يعني في المنتدى الاغلبيه يايدون الصني.. لكن اللي اشوفها برى والله غير.. العالم كلهم كورلا.. واذا شفت صني شباب والله تشوف الهبال هو يستانس وانا استانس وكل واحد يظرب للثاني بوري ووو.. كل هذا عشان مانشوف امثالنا معهم صنيات... وشكرا لكم

تحياتي لكم..Y 2 J

والله الصني سيارة مرة حلوة وخدومة
وراسية ماشاء الله
لكن صدقوني مكيف الصني مكيفها احسن من الكوريلا والكامري والماكس ومن سيارات كثيرة
هذا رائي في الصني مع اني مجرب عده سيارات
وشكرا

انا عندي صني اي واحد يركبها وانا مشغل المكيف يقلي خفض المكيف وهو على واحد ماشاء الله تبارك الله مكيف الصني ماعلية كلا م

شكراً لك أخي العزيز كاتب الموضوع

أنا شخصياً أفضل الصني عن الكورولا ( خصوصاً بعد موديل 2004 ) الذي اعجني كثيراً .

عموماً السيارتين في مستوى واحد وتبقى المسئلة ( ذوقية بحته )

تحياتي لك يالغالي

السلام عليكم....
معليش على التاخير... انا حاط الموضوع في المنتدى العام.. والاخ الكريم فواز.. نقله (الله يهديك) وانا ضيعت الموضوع^^ هههههه..
الأسطورة:
شكرا لردك..انا معك من ناحية الخط والله الصني حلوه صحيح اني ماجربت الكورلا.. لكن مجرب الصني... والسعر.. الفل حول بعض.. السياحي والله ما ادري.. انتوا اخبر^^

الاسم للبيع:
كلامك والله صحيح في كل كلمه قلتها شكرا لك رفعت معنوياتي والله^^

فواز:
ياهلا.. الله يهديك ضيعتني^^

لكزس:
ياخي انت بطل^^ الله يسلمك على المدح..

batelco:
صراحه كلامك غريب شوي... انا مامجرب مكيف الكورلا 2000.. وحلو ماعليه.. اما بالنسبه للصني.. والله في الظهر في الرياض وانت عارف جوها نحطه على واحد وماشالله تبارك الله نبرد..حلو مره معروفه مكيفات نيسان..

*الـقـنـاص*:
وهذا هو يالقناص.. ليش الصني مظلومه انا اايد رايك في انها مظلومه لكن ليـــش انا منقهر ياخي..وشكرا لردك..

lools123:
رد يرفع معنوياتي^^ مشكور...

اسف ساكمل الرد في وقت لاحق ...(مشغووول)
وشكرا لكم انتظروني

الصني تصرف بنزين اكثر من الكورالا

السني افخم من الكرولا لاكن الكرولا اريح ومكيفها 100%

هلا والله اخوي صني موضوع جيد ..

وانا بقولك وش عندي عن الصني لاني استخدمها لي اكثر من سنة

بالنسبة للشكل الاغلبية يفضل خلفية 2003 و 2002 و 2001 واما بالنسبة للوجهية الجميع يفضل 2004 والسبب واضح .. الروعة في التصميم

وبالنسبة للقوة اشوفها جيدة
اما بالنسبة للكرف ابداً ما تصلح لانها راح تتفكك بسرعة ..

وانت تسأل لية اغلب الشركات تستعملها .. انا اقولك لية لان الهنود والاجانب ما تصنف راسهم ياخذون عقدة ولا نطلة .. الخ يعني بيستخدمة في روحة ورجعة

بينما نحن يا الشباب وابصمك بالعشرة ان 99.99 سبق وانا فحطنا ونقول كلها عقدة ما راح تاثر بالسيارة وعلى هذا الموال انتهت سياراتنا بسرعة .. وطبعاً نادر الي ما يفحطون بسياراتهم .. وهذول بيض لي على وجيهم ..

وانا عندي ولد عم عندة كامري 2002 لو تشوفها تقول هذي تخزين وكالة ما فيها ولا شمخة .. واذا صنفت براسة يفحط يروح لاقرب محل تأجير

آسف على الاطالة اخواني

اخوكم راعي الصني

أكيد الصني الجديده خاصة واعتبر القديمه أفضل بمراحل من الكورولا

التويوتا اعتقد حرام يدفع فيها أكثر من نص قيمتها بأكثر انواعها لانها تغير في الخليج تشليح للتكييف .. و المسجل .. اكسسوارات عموما تحصلها بالخليجي لكن عندنا بالسعودية نشل لذلك لا تستحق التويوتا اسعارها الحالية إلا الشهرة فقط والتحمل (الكرف)

لكن شبابية .. انسيابية.. خط .. جمال .. اعتقد لم تتوفر في الكورولا ولا الكامري هذه الميزات

خـــالـــد

شكلها حلو

الصني صارت افضل

صحيح هو شي غريب بس مثل ما قالوا الشباب من السعر

اتخير بين السيارتي !! ويش راح تختار؟

السعر والمواصفات والشكل والقوة للكوريلا

والأمان للصني لأن تصميمها آمن أكثر حتى من المكسيما

ومع ذلك أعتبر الصني من السيارات المظلومة


تحياتي

لكن ياخوي لاحظت ان مكيف الكورولا احسن من مكيف السني

وتعرف اانت جونا في الخليج اشلون ....واكييد بياخذون الكورولا لأن مكيفها افض من السني بكثير

صراحه صني 2004 روعه جدا
شكلها احلى من الكورولا

ينقل لمنتدى السيارات اليابانية للإختصاص

بحفظ الله :)

والله شكل الصني ياخوي ما عليه كلام ...

وبصراحه قد اسأجرت وحده سافرت عليها .. راسيه بمعنى الكلمه تمر جمب تريله وناس داعسه ولا تحرك لا يمين ولا يسار ...

ومن ناحية فخامتها تقريباً متساويه مع الكورلا... لكن اقل نوع من الصني مشكلته بالمرات الخلفيه ... اللي بيقعد ورا بنكسر رقبته من الوجع .. ما هي مريحه ابد ... عكس الكورلا XLi..

لكن اشوف ان مشكلتها بسعرها غالي... وعندك الحمراني يرفع سعر السيارت مرتين..

الفل 1.8 قير اوتو بـ 56 الف !!! واشوف انه المفروض ما يتعدى ال 51 الف كسيارة متوسطه ...