قبل شهر تقريبا كنت نايم ( يوم خميس ) وما صحيت الا قبل اذان المغرب بخمس دقايق
وكنت ميت من الجوع ( ما تغديت ولا تعشيت الليلة اللي قبلها )
المهم وادق سلف الموتر
وطيرااااااااااااااااااان على فرن تميس عندنا في الحارة
وكنت ابي الحق قبل الاذان
لأني لو تأخرت ما راح اقدر اتغدى ( غدا عشا ) الا بعد الصلاة
وما اقدر اصلي الا وانا شبعان
والفرن بيقفل للصلاة
المهم يا حبايب اخوكم وصلت للتميس مع حزة الاذان
والقى الافغاني الملعون ( عزت )
اشرت له من السيارة وقلت له حبة تميس وريالين فول
قال عزت: خلاص مافيه يا اخويا.... بعدو صلاة بعدو صلاة...
وكان ينفخ ويتكلم من خشمه....وكان عليه جسم وعضلات ماهي صاحية وهنا طول وعرض
وما احد يمزح معه !!!
المهم احاول فيه
تكفى يا عزت
يا حبيبي ياعزت
يا بعد طوايف هل الموسوس
( والله انه يخسى بس اني كنت على وشك الهلاك لعدم توفر الطعام )
قال ابد..لا تحاول
وسبحان الله ... وفي لمح البصر جاتني فكرة
وانزل له واسحبه مع يده على جنب واقول له:
انا ازبرق لك سيارتك واخليها احلى سيارة في الحارة بس بثلاثة ريال ( تميسة وفول )
قال بس؟؟
قلت بس...هاه اش رايك؟؟؟
قال توكل على الله
والله ويفتح التنور ( بس يالغة عربية ) ويطلع لي ذيك المقمرة بالسمن
والفول حااااااااااااار
ولو قال لي التميسة بـ 100 ريال والله اشتريها
المهم قلت له وعدنا بعد الصلاة
وانبرش للبيــــــــــــــــــــت هوااااااااا
وادخل الغرفة واقفل الباب ( عشان اخوي جاش ما يهجم علي ويغتصب تميستي العزيزة )
لانه حتى هو مثلي منتهي
وفينك يا تميسة؟
وفينك يا فول؟
ما تشوف الا حويس ودويس في الفول والتميس
الحمد لله الذي اطعمني هذا من غير حول مني ولا قوة
وصلينا المغرب
وجيت افكر في سيارة الملعون عزت
وعزت ما ينمزح معاه
انا قلت كلمة واتحمل النتايج...
فكر فكر فكر يابو الوساوس....
من وين ابدا..؟؟؟
وقررت الاستسلام للامر الواقع
واروح للمكروه عزت
واخذت مفتاح سيارته
وادخلها السكراب حقي
وبدينا الشغل
صورة سيارته ( الملعون ) قبل التعديل:
الاضافات/
*** لون تفاحي ( اذكر ان عزت كان يخق مع كامري تفاحي عندنا في الحارة...فقررت ارشها بخاخ تفاحي ).
*** جنوط 15 وتخب عليه. ( قدره طيس ).
*** صحون بلاستيك مقصوصة وخشب وغراء موكيت ( كأنها فيابر ) ويحمد ربه ويبوس يدي وجه وقفا.
*** تهبيطة تمشي الحال ( ركبت بها مطب قوي وتهبطت لحالها ).
*** مسحنا الاصطب الجانبي الامامي. ( مثل الـبورا شغل مزبوط )
*** سوينا له شمعات صفرا ( نص ) على باله رموش الافغاني.
مالت عليك ياعزت الله لا يوفقك ياحرامي يانصاب هذا كله بثلاثة ريال؟؟؟؟
لكن صحيح الجوع كافر.
الشكل النهائي/
ترى القصة واقعية ياشباب صدقوني
يعني هل من الممكن ان الموسوس يكون كذاب؟؟؟
لأ لأ مش ممكن
<<<<<<<<<<<<<<<<<<<< كذاب كبيــــــــــر
بس لاتقولون لأحد
تحياتي لكون
ملاحظة: هذا التعديل جاهز منذ أكثر من 5 أشهر
ولم يكن في الحسبان أن ينزل في المنتدى
ولكن وجدت الفرصة .... واعتمدته
