الفرق بين الأكورد والسوناتا في الخلفيه ((حصري)) وياليت تشرفنا

والله ماشوف فيه وجه تشابه بين الكامري والاكورد من ناحية الخلفيه ....

اما من ناحية ان اللكزس جي اس ماخذة تصميم الخلفيه من السوناتا فهذي احلى نكته سمعتها :D

اللكزس الجديده والي ممكن البعض مايعرف عنها هو ان تصميمها يعتبر تصميم جديد في عالم السيارات وسارت على نهج زميلاتها السيارات المتسقبليه والتي يعتمدن مسمى LF-S

يعني السيارة جايه لكم بالكامل تصميم جديد واسلوب جديد دون اي وجه تشابه مع اي سيارة والي هي بالفعل اعتبرها لكزس انفردت بتصميمها ومواصفات وشكلها دون اي وجه تشابه سواء مع سيارات اخرى او حتى من سيارات التويوتا ...

مع نقطه واحده تتشابه مع سيارة اخرى وهي الكروم الي اسفل السيارة والي زي حركة الاودي فقط ......

اما ان اللكزس سرقت التصميم ...فمااعرف وين وجه التشابه .. ؟

8
8
8
نبهو شركة هونداي يخشون تصاميمهم عن شركة لكزس :D

وعلى فكره التعصب والله كلامكم في التشابه

شي باين مثل الشمس السوناتا مقلدين الاكورد

مسوين هالزحمه كلها ليش؟

باين انك ما تقصدني ابد لوول

اول شي بالنسبه للجي اس وش دخلها في المرسدس e? عشان الانوار اللي قدام دائريه؟ طيب ياخي الكرسيدا موديلات الثمانينات كذا كانت ليه ما نقول مرسدس سارقة الحركه
فرق بين سرقة تصميم وبين تشابه في شي معين في نوعية التصميم مثلا دائري ولا مربع
يعني لو تشوف جي اس وتشوف مرسدس e بتقول انهم متشابهين؟ يعني فيه وجه تشابه بينهم؟
وبالنسبه لل ls 98 ما اشوف اي تشابه بينها وبين الشبح
اما الهيدروليك مدري وش دخله في التقليد طيب اجل الكاين والاكس فايف والطوارق كلهم مقلدين بعد
ونقول المرسدس والبي ام وكل السيارات مقلدين لكزس في طبلون الليزر ومقلدينها في حركة السي دي ومقلدينها في الدركسون التلسكوبي
هذي مواصفااات مو تصميم فرق

اما ال 430 لوووووووووووووووووووووووووووول والله باين انك تسمع بلكزس وش دخل المكسيما؟ يا شيخ الانفنتي ما تأكل عيش معها وتقول لي مكسيما
انت همك الشاشه؟ طيب اللكزس من 98 منزلينها بشاشة لكن ابو جميل ما جابها
اما المواصفات والتكلنوجيا فمعلييش اسمح لي صراحه لووول عموما باين انك تناقش بدون معرفه من بعد هالكلمه

وبعدين ابيك تقول لي وش الفرق بين تصميم الجي اس الشكل القديم وبين الاكورد والسوناتا الجديده؟ ما تلاحظ انهم ماخذين تقاسيمها الخلفيه
ويا ليت تشوف طبلون الاكورد وتشوف علامة تشغيل السكن وتروح تركب اي لكزس وتشوفها وتعرف وش معنى تقليد من جد

بس حلوه مكسيما ولكزس لوووووول

معليش اخوي اكورد بس التشابه بين اللكزس والسوناتا بسيط وثانياً الكزس توها تجريبيه فما اتوقع لحقوا ياخذون تصميمها السوناتا (( تراني امزح )) :D بس الاكورد والسوناتا يمكن نقول ايه في شبه واضح وكبير..

نرجع لموضوع التعصب لنوع من السيارات ( تراني ما اقصدك Nick أقصد الاعضاء اللي دافعوا عن اللكزس في المشاركات اللي قبل :D )

ما اعتقد ان الكزس منزهه عن التقليد .. واذا كنتوا تبون تفتحون موضوع تقليد الكزس فأول شركه تقلد السيارات اللكزس يكفيك تقليدها للمرسيدس اللي عيني عينك عندك ال300 GS موديل 98 وفوق تقلد الفئه E من مرسيدس موديل 95 وفوق اللي تسمى (أم عيون جريئه او الفراشه ) من قدام ..

ثانياً ال 400 LS ال98 وفوق تقلد الفئه S موديل 92 الى 98 ( الشبح ) من قدام من اصطبات الركن ( الاشارات )

وعندك مثلاً ال430 LS موديل 2000 الى 2003 ابيك تعطيني مواصفه وحده فيها تقول مكسيما ولا مواصفه فيها اللهم فخامه بس .. بس شف موديل 2004 تغيرت فوق تحت من تكنلوجيا وغيره وشاشه ومواصفات ثانيه بعد ما خذوا وقلدوا الألمان..

وعندك الجيب اللكزس خذوا الهيدروليك من الرانج روفر ..فأتمنى محد يجي يقولي اللكزس منزهه وماتقلد احد بس هم اللي يقلدونها :(

يعني الدعوه كلها تقليد في تقليد فعشان كذا انا اقول هذا ما يعتبر عيب ابداً ان شركه تقلد شركه ثانيه من ناحية مواصفات ولا شكل ولا غيره لانه هذي سياسة الشركات التجسس على بعض ..

وبعدين لا احد ينكر ان السيارات الكوريه صعدت وبقوه وبدت تنافس السيارات اليابانيه من ناحية الجوده والقوه والتماسك على الطريق والرساوه واكبر دليل انتشارها في كل مكان بكثره وهذا اذا دل دل على ذكاء الكوريين..

وبعدين بصراحه سياره مثل السوناتا الجديده بفخامتها من الداخل وسعرها المناسب جداً اتوقع انها راح تكسر السوق مثل الاكورد الجديده..

وفي الاخير لحد ياخذ على خاطره من كلامي .. وتراه يبقى راي شخصي وكل واحد ورايه ومثل ما قلت تراها قطعة حديد مشكله اشكال تسمى سياره ولا اتوقع انها بتسوي مشاكل بينكم كأسره وحده في المنتدى هذا..:):)

السلام عليكم

بعض الاخوان هداهم الله اذا نوى يحش ويسب في سيارة

يشمل اللى اشتروها !!!!!

لما تقول الاكورد غبية وشكلها غلط ومصنوعة في الهند

كنك تقول انت ياللى اشتريتها ماتفهم وسفيه يومك تشتريها !!!!!


واذا جينا للصدق ،،،،،،،، الكل يدري ان الاكورد الجديدة غطت على السوق كلها وكسرت سيارات كثيرة كثيرة

يكفيكم سعرها الحين جديدة وسعرها قبل 3 سنوات !!!!

اول سيارة سيدان يرتفع سعرها جديدة ومستعملة في وقت واحد ،،،، الكامري بكبرها وبشعبيتها ماارتفع سعرها زي ماارتفع الاكورد //// مستعمل او جديد





لكم تحياتي
محمد

^
^

مع وين تشوف اكورد؟

وش دخل هذي في هذي لا رسمة شمعات مثل بعض ولا خلفيه ومثل الثانيه ولا رسمة شنطه ولا اي شي

نسبة تشابه الهوندا اكورد والكامري بكس اكبر بكثير ادعائك بتشابه اللكزس والسوناتا اللي مالهم دخل في بعض ابد

ذابحتك هاللكزس الا تبي تطلع عليها شي لوول

على فكره شف اللجند الجديده وقارن خلفيتها بالكراون رويال واتحداك تطلع فرق واحد

بعد شوي بيجي واحد ويقول اللكزس سارقين تصميم ال lx من جيب هونداي لوووووووووووووووووووووووووول
ما بقي الا هي صراحه

عفوا
هذي الصورة الأولى

ولاحظوا الشبه بينها وبين السوناتا

مين اللي قلد الثاني ؟

السلام عليكم يالتيما أنت من عائلة نيسان المفروض تكون واعي
الكامري ماتشبه الأكورد ولا فشي اولاً اسطب الأكورد كبير ولمبة الريوس والغماز جاية تحت الأسطب
اما السوناتا من زمان بتحب التقليد
المرة الأولى قلدو الجاكور والحين يقلدو الأكورد.
من قوة الشبه أظن أن الكوري مشت من عنده أكورد ورسم الخلفيه بس وهو يرسم مالت يده شوي.
وشكرأ وسامحني يا ألتما2005 .
نيسان وبس.

مع إني ما أحب أدخل في المواضيع هذي ، لكن عندي رد بسيط

ALMAHBOL

كلامك حلو ، اسطبات الأكورد تشبه اسطبات الكامري بقس

لكن الشبه فقط في الاسطبات

لكن لو تلاحظ السوناتا ، الخلفية كلها تشبه الأكورد ، مو بس الاسطبات

واللي يخلي الشباب يقولون الكلام هذا لأننا عهدنا من هيونداي التقليد ، السوناتا القديمة تشبه الجاكوار ، وكذلك واجهة الكيا أوبيروس ، شكلهم مفتونين بالجاكوار :D

وأنا بصراحة اكتشفت اكتشاف جديد

لاحظوا الصور التالية







والحر تكفيه الإشارة

ناك فرق واضح بين الاكورد والكامري...


مرة مافي شبه....




لكن السونات واضح التشابه لحد كبير...

ما أتوقع انه يحتاج تاخذ الموضوع بالحساسيه هذي اخوي ACC-V6 لانها في النهايه تراها قطعة حديد مقطعه بأشكال وخلصنا وما اتوقع بتكون هي سبب المشاكل

بعدين ليش طيب ما رديتوا على شبه الاكورد 2003 او الشكل الجديد عموماً بشبهها مع الكامري البقس 98 - 2002 والفرق بس انه الاكورد صارت لمبة الاشاره والريوس تحت بدال فوق في الكامري بقس..

ومثل ما اقول دايم وابداً تراها تبقى سياره وحنا نبقى اخوان في المنتدى الرائع هذا ولا راح تفرق بينا اكورد ولا كامري ولا سوناتا :):)

ما قلنا اللي عنده هونداي يبيعها

انا عندي هونداي سوناتا

والله مواصفاتها ممتازه ورخيصه

وانصح اللي يقدر يبيعها بعد ما يشتريها بسنتين او ثلاث (هذا حدها غالبا وعقبها تبدأ تطلع الخرابات والبلاوي ) انه يشتريها

بس انا اقوول ان هونداي فاشله لان كل تصاميمها مسروقه

واللي بيشتري السياره موب هامه التصميم مسروق ولا لا

تحياتي

السلام عليكم

تبقى الاكورد رقم 1

والباقى يقلد ،،،،




تحياتي
محمد

ALMAHBOL اشكرك اخوي على الرد المقنع

وأشكر البقيه على التعصب

وبعدين زي ما قال الاخALMAHBOL بكل كلمه

اما من ناحية اللي يقول اللكزس ما اخذت من تصميم هونداي عااادي هذا راي والكل حر ((لاكن بدون تعصب وسب ،،، شلون اللي معاه هونداي يبيعها علشان حكمتوا عليها بالفشل))


؟؟؟؟؟؟

ههههههههههههههههههههههههههههههههههههههههههه
اجل لكزس سارقه تصميم هونادي

هونداي شركه فاااااشله

وشوف شلوووون التقليد واااضح جدا جدا

موب بس السوناتا ولا بس هونداي اكثر السيارات الكوريه

يسرقوون تصاميم الشركات الكبيره

اول شي حبيت اشكر اخوي الـ ألتيما 2005 على الموضوع الحلو..

ثاني شي انا استغرب من التعصب للهوندا وللكزس ؟؟ حبيت اقول انه اي شركه في العالم يكون عندها موظفين للتجسس من الشركه الثانيه يعني ياخذون تصميم ولا مواصفات او تكنلوجيا وهذا يعتبر طبيعي ومهب عيب يعني اذا خذت بالعكس هذا يعتبر مواكبه للتطور ليش ماقلتوا المرسيدس تقلد البي ام في الشاشه ولا الزينون ولا الحساسات او اي شي ثاني؟؟

ومثل ما قال الجميع انا ما اختلف مع رايهم السوناتا فيها شبه كبير مع الهوندا لكن محد قال شي يوم نزلت الهوندا اكورد 2003 في ان خلفيتها تشابه خلفية الكامري البقس من 98 الى 2002 لكن بأختلاف بسيط انه الاشاره ولمبة الريوس تحت بدال فوق بس .. :) اتمنى اللي لاحظها يقول رايه

وعلى العموم هو كله موضوع الواحد يقول رايه فيه بدون تعصب ولا انحياز لنوع من السيارات لانها كلها في الاخير سياره

زي ماقالو الشباب الاكورد مالها اي علاقة في تصميم الكامري

اما السوناتا نسخة من الاكورد

وانا اول ماشفتها في المعرض كانو عارضين الخلفية يعني>>>>يقولو للناس تعالو وشوفو الاكورد الكورية

والشبه مو بس في الاسطبات كمان الخلفية نفسها >>>تقاسيم الشنطة زي الاكورد

ومشكور عالموضوع