230.000ريال .... محتار وش اشتري (( ساعدوني في الأختيار ))

[SIZE=7]انا رايي ما دامك محتار عطني الـ 260000 الف وريح نفسك [/SIZE]

:cool:

للتنبيه شركة روفر اعلنت افلاسها قبل يومين

يعني انسى الرانج

السلام عليكم

كيف حالك أخوي أنا أرشح سيارة رنج روفر لأنها شبابية ورسمية وما عندها مشكلة مع البر

من وجهة نظري ls 430

لكزس وانت متطمن وسلامتكم

اشكركم اخواني على كل الجهد الذي بذلتموه من اجل ايصالي الى الرأي السديد

الى كل الذين تجاوبو معي ........... لهم مني كل الشكر والتقدير ....................

والى الملتقى ان شاء الله ...

وشكرآ .

فرق وزن... لكن ما يفرق معك كثير لان المكينه ادائها ممتاز ولا فيه فرق واضح ... الا كانك بتقلبها سباق :)

والله يعطيك خيرها ويكفيك شرها ...

بالنسبة لضمان بي ام دبليو فهو سنتين ومفتوح اي بدون تحديد الكيلومترات

اخي hoobe الشورت جت منه كميات بسيطة وما اعتقد ان من الممكن تحصله في السوق ببساطة... اثكر شي منتشر هو 745IL

والله انا ماعندي علم بالثقل في المشي او ولكن الفرق في الطول بسيط والطول الزيادة يكون في الابواب الخلفية بس واعتقد انهم اطول من الابواب العادية بحوالي 25 سم

معليش ياشباب ازعجتكم لاكن ماشاء الله عليكم كل رد استفدت منه والله الشي الكثير .....

طيب صحيح الارج اثقل في المشي من الشورت ....طبعآ هذا كلام واحد من الزملاء ...

وانا طبعآ ماراح اخذ اي معلومه الا منكم يااهل الخبره ((( ماشاء الله عليكم )))

واكرر شكري لكم ...

خالد .... من قالك ضمان البي ام دبليو ما تدفع حق الاشياء الاستهلاكيه؟ اي سياره بالعالم القطع الاستهلاكيه ما يشملها ضمان المصنع ... الا اذا تكرم الوكيل وحط عرض من عنده صيانه مجانيه ... كلفته تسويقيه ...

جميع وكالات البي ام دبليو يحاسبونك بالساعه خصوصا لا صار فيه كذا شغله تبي تسويها ووكالات المرسيدس برضو .... واعتقد الوقت اللي قدروه (اسبوع) يوضح الفرق .. يعني فلبينيهم يشتغل ربع ساعه ويروح يتبطح ويحسبونها ساعه (لان اي جزء من الساعه يحسب ساعه) والحسابه بتحسب ...

القاعده هذي سعرها تشتريه من قسم قطع الغيار ... مافيها اجور يد ههههههههه اصلا استحي ادخل السياره عشان السكن .... والله لو اني ما افهم في السياكل عرفت افك واركب ...

القطع ب 1050 والباقي شغل يد ... لان فيها اربع فلاتر والابديت اللي سووه ... اسعار القطع قريبه عند الناغي بس الفرق اجور اليد ..

بتجي تقولي معقوله اجور اليد اغلى من القطع ابقولك سيارة الوالد مصلحين فيها صوفه تهرب اللي بين القير والمكينه الجفالي ب 4000 ريال اجور يد والصوفه ما كلفت 100 ريال اول ما دخلت السياره قالي هذا هينه الصوفه يبي لها تغيير استانست طيب كم سعرها قال ما تتعدى ال 100 استانست طيب كم كلها قالي شغل اليد 4000 لان بنفك القير ..... وبدبي ينزلون لك القير بكبره ويغيرون الكلتش ب 500 درهم ... يعني عندنا نصابين عيني عينك ..

وصلت المعلومات؟

اول شي المفروض انك ما تدفع شي في صيانة 60 الف ؟ الضمان الى 100 الف ولا انا غلطان

معقولة كل هالفرق في الاسعار اذا البحرين قالوا لك 1650 ريال اجل كم قطع الغيار والناغي معقولة يآخذ الفرق كله في شغل اليد ؟

القاعدة 50 ريال مع التركيب والناغي 175 ريال اكثر من ثلاث اضعاف معقوله كل هالفرق في شغل اليد

ابعد عن الكدلك خرابات على كيف كيفك وصيانة غالية

وهذه عن تجربة

طاح الجير حق الكدلك اشتريت قير من تشليح ب 3500 ريال واعطيته القير القديم وهذا موديله 97

اخوي ... دوريه ... اشكرك على مرورك الكريم

لاكن انا مستبعد ألأمريكي مهما كان ..

لأن اللي جرب الألماني لا يمكن يركب الا الماني ..

شكرآ لك ..

الف شكر ياشباب ..... اذن الراي اني احسن اشتري ضمان الناغي افضل على كلامكم ...

طيب صحيح الارج اثقل في المشي من الشورت ....طبعآ هذا كلام واحد من الزملاء ...

وانا طبعآ ماراح اخذ اي معلومه الا منكم يااهل الخبره ((( ماشاء الله عليكم )))

واكرر شكري لكم ...

نصيحتي لك ...
الناس ملوا من اللكزس والبي ام والفياغرا ...
تبغى التميز ......
STS كاديلاك هي الأفضل
تعتبر سيارة فخمة ومواصفاتها ممتازه ...
أهم شيء فيها ان شاشتها باللمس ..
والى الآن لم تنتشر بين الناس وسعر الفل كامل ( عند الجميح ) 250.000 ألف ووفر عشرة آلاف في مساهمة أو مشروع استثماري ...
وهذا رأيي ..... ومشكور

ضمان البحرين أفضل من الناغي بكثير ....صحيح ان الناغي الحين يعطيك 5 سنوات " سنتين ضمان المصنع و 3 سنوات ضمان الوكيل اللي هو الناغي " لكن ضمانه ما يغطي اشياء كثيرة ولما تروح الوكالة يجيك مندوب المبيعات ويقول لك ما تعبي الا بنزين وهذا كلام مو صحيح تبديل الزيت عليك الى Tune up حق الصيانة السنوية عليك وهذا والسيارة على ضمان المصنع مو الوكيل يعني تبغي الناغي يطلع اطيب واكرم من المصنع ويقول لك انا بدفع الزيت عنك ؟؟؟؟

وكيل بي ام دبليو في البحرين" السيارات الاوربية" ضمانه عادي اللي هو سنتين من المصنع وسنة ضمان الوكيل وضمانه افضل صحيح ان سنة ولكن في هذه السنة يضمن لك السيارة من الصدام الى الصدام عدا البطارية هي اللي تطلع من الضمان فقط

خالد ....

معليش ياراعي الموضوع احس اني زودتها شوي بموضوعك بس تحملني ...

مستواهم ... انهم يرشون لك بيم منقلب ما تعرف ... مستواهم انهم يحسسونك ان عندك بي ام دبليو ... ومتعاونين لابعد درجه ..

بالنسبه لقطع الغيار تقريبا مثل بعض ... لكن اجور اليد افضل من الناغي بكثير ... ولو تجيب لهم سياره على الضمان او على حسابك يعاملونك بنفس المعامله سوا دفعت ولا ببلاش ... اما الناغي لو تجيب لهم على الضمان تقول حلال ابوهم .. وعلى حسابك كل ما زادت الفاتوره كل ما صرت حبيبهم ...

ال 735 كان على الضمان وما سويت فيه الا حاجه وحده غيرت زيت بالناغي ... وانباع .. الام فايف على الضمان بس قبل شهر كنت ابسوي له صيانه 60 الف ... قالوا لي الناغي 3500 ريال عشان بيسوون تصفيه (فلاتر وزيوت) واب ديت للسستم ... البحرين 165 دينار شفت الفرق؟ البحرين يوم الناغي اسبوع ويمكن مو متأكدين ...

اللمبه السكن قاعدتها بالبحرين 5 دينار ومتين فلس ... الناغي 175 ريال ... :) وهلما جرى ...

وفوق هذا ليت الناغي اخلاقهم زينه ... تقول سيارتهم ومعطينك اياها .. ال 735 الماني .. قبل لا يجيب الناغي سياراته انا شاريه لو تشوف وش سوا موظفين الناغي عشان يتأكدون ان عليه ضمان انواع الفاكسات لشركه بي ام دبليو يبونهم بس يقولون ان ما عليها ضمان .. في الاخير دخلوها وشيكوا عليها كلها وما لقوا ولا خراب وفتحوا لها ملف بضمان سنه وست شهور .. بأعتماد من شركه بي ام ولا لو عليهم ما ودهم يقولي المهندس لو لقينا فيها خراب تصلحه على حسابك وبعدين نعتمد ضمانها .... انت فكر فيها شوي بتضحك على تفكيرهم الابله ...

الامارات تلقى لقطات ,.....

قطر ما رحت لها ولا عندي خبره فيها ...

الكويت رح بدايه الصيف يبيعون عشان يسافرون ..:) ويكسرون الاسعار كسر ...

الاخ nick ...

محد قالي هذي تجربتي الشخصيه ... وترى فيه شي مره مهم ... الارقام للتجارب يعني شارع زين وزفلت زين وسيده ...

انا اتكلم عن قياده السياره بشوارعنا .. وعامل الثقه في الفرامل ... وتوزيع الفرامل كبير للخلف ... يعني لو تضرب بريك جامد وتميل الدركسون ممكن تلقى الشنطه تعدتك ... (يعني عرضت بك) ...

اخي الكريم انا جربت البيم كأستخدام واللكزس كأستخدام ... والفرق كبير .. كبير مره بعيدا عن الارقام لان شوارعنا ما تخدم هذه الارقام .. ولاهي بيئه مناسبه لذكر الارقام ..

والاهم ... احساسك انت لما تضرب الفرامل ... ياخي اللكزس تقول وحده دبا بتفرمل وبتخش لفه بالحوش ... ماتعطيك فيد باك يخليك تتدارك الموقف وتطلع منه سليم ... ما غير فراااااااااااااااااااملللللللل وابي اس لين تصدم اللي قدامك ... لكن البي ام لو تفرمل قوه وتلف تفاعل السياره معك يخليك تكسر الطاره وما تخاف ... فهمت قصدي؟

انا يهمني تفاعل الفرامل مع الدركسون وثبات السياره .... ولا الفرمله وانت ماشي على طول وش فايدتها؟ عشان تصدم بشويش؟ :)

وانا ما اقول ان هالفرامل السيئه جت من العدم ولا ما انتبهوا لها ... لا عارف بها بس على حساب الراحه ... لان المساعدات نوعها كمفرت وبس ... لكن البي ام كمفرت مع الاهتمام بعامل تقليل ارتفاع ونزول المساعد عند الانعطاف والفرمله ... وكلنا نذكر دعايه اللكزس على خط السكه الحديد كيف كان يطامر الكفر ... زينه للشيبان وشينه لنا يالشباب ... :) لكن اشتر لكزس ... وغير المساعدات شوي اقسى واانزل من الستوك وكبر الجنط خله 19 مع تعريض الكفر الخلفي تصير فراملها رائعه ... لكن على حساب التبطح بالكرسي .. وبتصير شوي قاسيه على المطبات ...

انا ما على من مسافه الفرمله انا علي من تجاوب الفرمله ..وتحياتي لك ..