صدمة !! .. هذا هو المستوى الحقيقي للأمان في الكامري !!

vAMP @user_12617 · 05-06-2005

سلام ..

كثرت المواضيع اللي تتحدث عن تويوتا وعن مستوى إنحدارها وعن عيوبها مع الموديلات الجديدة ..

وهذا الموضوع قد يكون تأكيد لهالكلام :) او قد يكون إنكار له !!

صراحة امس قعدت طفشان على آخر الليل ..

وقعدت اتصفح موقع منظمة مهتمة بإختبارات التصادم والسلامة للسيارات .. (IIHS)

طبعاً قعدت اقلب بين الشركات والسيارات ..

وقاعد ارمي توقعاتي للسيارات قبل لا تفتح الصفحة ..

هذه ال BM الفئة الخامسة اوووه أكيد السلامة ممتازة ..

هذه شركة كيا سيارة اوبتيما .. اكيد راحت ملح السيارة ..

هذه الهوندا الأكورد وهذه النيسان وهذه اللكزس والإنفنتي والمرسيدس والفولفو والشفر وال GMC و و و

طبعاً لين ماوصلت للتويوتا وكانت آخر الشركات بحكم ترتيبها الأبجدي بالموقع ..

وكانت المفاجأة !!

انا صراحة عطيتها تقدير ضعيف .. أو متوسط بالكثير للكامري وخصوصاً الكورولا !!

لكن المفاجأة كانت ..

إنها أخذت تقدير من أفضل السيارات من ناحية السلامة في التصادمات الأمامية :eek:

انا صراحة انهبلت !! شايف التقدير كله ممتاز !!

انا صراحة قعدت يمكن أبو عشر دقايق ساكت فاتح عيوني واناظر بالصفحة ومو مصدق !!

ياهوووه قمت اغسل وجهي اتعوذ من ابليس :D أرجع للصفحة ياهووه خل اتأكد انا اخذت تويوتا كامري ولا فولفو كامري |4|

بس الصراحة .. ذاك الوقت كبرت بعيييييني الكامري ..

من جد

السيارة منتشرة بالشوارع والله ساير اشوفها الحين اقفاص حديدية :-)

طبعاً الغريب ان الكامري حتى الموديل القديم ماخذ نفس التقدير !! من موديل 97 !!!!

والأغرب

والله ماراح تصدقوني ياشباب ..

شكلي راح انطرد من المنتدى ..

ولا بتفصلوها معي محد راح يكلمني ..

اللي بأقوله هو ..

انه حتى الكورلا ماخذة تقدير احسن من الكامري وأيضاً من آمن السيارات في التصادمات الأمامية !!

ياهووووه ويش فيكم قفلتوا صفحاتكم :-) !!

صرااااااااااحة

التويوتا بطلة |1| من جد والله انا ما أمزح ولا اتبهلل ..

هالكامري والكورلا خاصة السيارتين هذه ماتوقعت إنها تاخذ نص التقدير اللي متوقعه !!

اللي كنت متوقعه ورق ! والله ورق ..

بس البطل بطل :-)

والله كبرت بعيني الكامري ..

يعني الكامري كذا تفوقت من ناحية السلامة ولا تساوت مع الأودي والBM والمرسيدس والفولفو والشفر وال GM والدودج واللكزس والإنفنتي وغيرها من شركات !!

من جد التويوتا عندها مخ .. وفلوسهم وميزانيتهم يصرفوها في تحسين وتطوير سياراتهم وتحسين سمعتهم ..

مو مثل باقي الشركات مايحسبون تجيهم فلوس وزع ارباح وحط بالجيب وآخرتها سمعة زي الزفت ..<< مو كل الشركات :-) << مو ناقص مشاكل :-)

وهذه الصفحات ..

الكامري من موديل 200 إلى 2005

http://www.iihs.org/vehicle_ratings/ce/html/0202.htm

الكورلا من موديل 2003 إلى 2005

http://www.iihs.org/vehicle_ratings/ce/html/0223.htm

وأيضاً اللي لاحظته إن كل سيارات تويوتا ماخذة نفس الدرجة !! من أفضل السيارات بالسلامة في التصادمات الأمامية !!

هذه الأفالون القديمة ..

http://www.iihs.org/vehicle_ratings/ce/html/00012.htm

ولاحظت ايضاً بالموقع الجيوب والجموس داااااايم اغلب تقديراتها سيء ...

لكن شوفوا هالتقدير لل راف فور !! ماخذة تقدير ممتاز !! ومن الأفضل بعد ..

http://www.iihs.org/vehicle_ratings/ce/html/0411.htm

وهذا لل 4Runner

http://www.iihs.org/vehicle_ratings/ce/html/0309.htm

وصراحة باقي السيارات ماشفتها ..

بإنتظار تعليقاتكم :-) ..

الشـــرس2006 @user_21938 · 28-09-2005

مشكور أخوي vAMP أنك أعطيت الموضوع حقه

بس على حد معرفتي أنا هذا الصندوق يجي مع نظام المكينه

و أنا أشوف الكامري القديم حلووو جدا بس الجديد أحسه تعبان يعني كامري99_02 أحسن أنواع الكامري بس السفتي في اليباني بشكل عام تعبان شوي

مشكور مره أخرى للأهتمام بالموضوع بس من ناحية الموقع إلي حطيته كان رأيه مفاجئه بعدين إذا كان السفتي في الكامري تعبان إلا أنها سياره عجه بالميزات من ظمنها أنها الوحيده إلي تحسسك بالوناسه في قيادتها و تويوتا دايم تهتم في مزاج السائق و تخليه
يحس بشعور ممتع في القياده هذا يخليها تمتاز عن غيرها للمعلوميه أذا عدولو السفتي يأثر على الميزات الثانيه بالعربي ما يمسك الكامري إلا طاره على قدها
و أقدر لك الجهد vAMP

تحياااتي............

vAMP @user_12617 صاحب الموضوع · 27-09-2005

خخخخخخخخخخخخخ أخوي الشرس

كيفك إن شاء الله طيب ؟؟

حبيبي ال VVTI ماله أي علاقة بالبيئة ولا غيره .. اسمه نظام توقيت الصمامات المتغير ..

الحين عندك المكاين اللي على شكل V تكون راسين .. الأمريكي كله على ما اعتقد يجي كل راس عليه كام واحد بس .. الكام هذا كامل قوته مايشتغل إلا عند ضغط معين .. ياضغط عالي تشوف الماكينة تبدأ من ضغط 1 بطيئة ويوم توصل فوق الأربعة تقوم تسرع وتشد

او تشتغل عند ضغط واطي تشوف قومتها سريعة لكن لما يجي الضغط قريب ال 4 تقوم تهدا المكينة بشكل كبير ..

وفيه شيء عند ضغط متوسط ..

هذا عيب حلوه عن طريق ال VVTI .. بدال مايسير فيه كام واحد بكل جهة يشتغل عند ضغط عالي أو واطي.. سار كامين لكل جهة تشتغل على الضغطين كلها !!

يسير الماكينة كلها أربع كامات ..

هذه الفكرة العامة .. يسير عزم الماكينة وحركتها وسرعتها تقريباً ثابتة على كل مراحل الضغط ..

هذا طبعاً غير إنه يفتح الصمامات لوقت طويل يسير يدخل بنزين أكثر ويفتح المخرج يخرج كربون أكثر ..

اما بيئة وخرابيط مالها علاقة ابد .. :)

تأكد من معلوماتك ..

اول من اخترع النظام أعتقد شركة هوندا ..

وهذا مقطع فيديو في موقع نيسان يشرح التقنية هذه ..
http://www.nissanusa.com/vehicles/MediaDisplay/0,,43653,00.html

سلام ياقمر ..

==========
NiCK حبيبي مشكور على ردك وإطلالتك بالموضوع :)

الرائد @user_16969 · 27-09-2005

أنا لست متعصبا للسيارات الأمريكية...

لكن قارنت بين نتائج اختبارات الأمان بين الكراون فيكتوريا والكامري.... وواضح الفرق في نتائج الاصطدمات... ونتائج مقاومة الانقلاب ومعامل الثبات...

والسياراتين متقاربتين في السعر...

هل تقوفت الكامري على الهوندا سيفيك في الأمان؟؟

http://www.internetautoguide.com/crash-tests/09-int/2005/honda/civic/index.html

لا يوجد إلا تفوق بسيط في معامل الاستقرار.... 1.4 للكامري.... 1.38 للهوندا سيفيك !!

بالنظر لعوامل السعر والفئة... الهواندا سيفيك أراها سيارة ذات موصفات سلامة ممتازة بنظر لسعرها وخفة وزنها !!

الشـــرس2006 @user_21938 · 27-09-2005

ألي يبي يقتنع يقتنع و إلي ما يبي بكيفه بس إلي علي أنصح

وللمعلوميه ترى محرك VVTI هذا المحرك يحتوي على صندوق تفكيك للغاز المنبعث من السياره و تحويله لغاز مصادق للبيئه بس عيب ذا النظام أي دقه في الصنوق تسبب ألتماس في السياره بكهربه ما يتحملها الأنسان علطون فات الأنسان و العاقل يعرف أن الكهرب مع بانزين كملو الباقي و أحاول أجيب لكم مقاطع حوادث لو تلاحظ أن الكامري ماصدقت و إشتعلت.

الرد لذوي الخبره و يرجى تجاهل الطفيليات

تحياااتي..................

NiCK @user_11949 · 25-09-2005

لووووووووووووووووووووووووووووووووووووووووووووووووول

بس حلوه 5 نجوم جدا عاديه

واللي احلى منها VVTI سريع الاشتعال (غاز) ما ادري من وين اخذت هالمعلومات الجميله؟

عموما vamp والله بتتعب مع اصحاب الامريكي فريح راسك وخلهم يقولون تشتعل ومافيها امان انت سويت اللي عليك وحطيت اثباتاتك وهم ما عندهم الا السوالف اللي مصدرها انفسهم

ومشكورين

الشـــرس2006 @user_21938 · 25-09-2005

أخوي إلي نشوفه عكس كذا:
1.جميع السيارات المنافسه لها تحمل نظام (ABS) ما عدا هذي السياره.
2.الهيكل تمام ما فيه أي بالنسبه لمنافساتها.
3.أذا تعدية 120 تحس السياره بتنقلب عليك
4.المحرك VVTI من أسرع محرك قابل للأشتعال وذالك بسبب فلسفة الشركه في حماية البيئة علشان تصير أحسن شركه صديقه للبيئه.
5.الحساسات مفيده و تمام بالنسبه لمنافساتها.

هذي مواصفات السلامه فيها

وغيره كثير.........

vAMP @user_12617 صاحب الموضوع · 21-09-2005

احم

الرابط اللي حطيته يقول ماخذة 5 من 5 في تقدير السلامة وتقول لي جداً عادية ؟ :)

الرائد @user_16969 · 21-09-2005

http://www.internetautoguide.com/crash-tests/09-int/2006/toyota/camry/index.html

هذه اختبارات الأمان للكامري..

وأنا أرى أنها نتائج جدا عادية... هذا وهي الكامري اليابانية أو ربما الكامري في الاسواق الأمريكية على ما اعتقد... كيف راح تكون نتائج الكامري الي عندنا؟؟

الحماية هي فقط للركاب الأماميين... نتائج السلامة لبقية الركاب ومقاومة الانقلاب عادية جدا...

وهذه النتائج لا تقارن بسيارات قريبة لها بالسعر مثل الكراون فيكتوريا

http://www.internetautoguide.com/crash-tests/09-int/2005/ford/crown-victoria/index.html

وشكراً

تحياتي

vAMP @user_12617 صاحب الموضوع · 20-09-2005

اهاا

المشكلة ان هالمنظمة "الحكومية" مسوية صور ولقطات فيديو .. وفوق هذا لازم نكذبها ونصدق الشرس 2006

لا وبعد يقول مو موثوقة !! ياحبيبي اغلب مواقع الشركات الكبيرة تقول سياراتهم اخذت كذا في السلامة حسب تقدير منظمة IIHS

وشوف مثل هالموقع www.nissan-usa.com

بايو

الشـــرس2006 @user_21938 · 20-09-2005

تــــــــــــــــويــــــــــــــــــــوتا : سفتي تمام

الموقع حقك فيه فايروس و الا شيء أعفن سيارات يابانيه من ناحية السفتي تويوتا و بعض سيارات نيسان مثل الماكسيما

تم تصنيف هذا الموقع من المواقع غير الموثوق برأيها

تويوتا كامله مع السفتي وبدونه عفن <<<<<--------------رأيي الشخصي

و مشكور أخوي على المجهود

تحياتي.............

vAMP @user_12617 صاحب الموضوع · 13-06-2005

مشكوريييييين يا إخوان على الردود ..

أخوي التويم .. فعلاً الألتيما ماخذة تقدير ممتاز .. وهيكلها أيضاً ماص للصدمات حسب موقعهم الرسمي .. بس مستغرب انا ليه ماسووا لها إختبارات تصادم جانبية بالإيرباق !!:confused:

من غير إيرباق ماخذة نتيجة جداً سيئة (مثل باقي السيارات ..) لكن أتوقع بالإيرباق تاخذ تقدير ممتاز أيضاً ..

ومشكور على مشاركتك :)

أخوي الأشعث ..

كلك ذوق ياغالي ويسلموووو على ردك الحلو :)

blue chevy @user_10595 · 12-06-2005

مشكور على الموضوع اخوي وماقصرت

الاشعث @user_3789 · 12-06-2005

السلام عليكم ورحمة الله وبركاته..

فعلا موضوع جميل جدا اخوي .... V AMP

صراحة انا سررت لما رأيت طريقة طرحك للموضوع..وخاصة الجانب المدعم بالادله والاختبارات التصنيعيه,, من مراكز الابحاث التي وضعت الروابط لها.. ولم تعتمد في ذلك على مشاهداتك اليوميه..

حقيقة ان دل ذلك فيدل على المستوى الراقي لديك اخي في المشاركه.. وهذا ما كنت اقصده دائما بالادله العلميه التي تؤكدها هذه الاختبارات في مستوى التصنيعي للسياره..

اهنيك اخي واهنيء المنتدى بك...

وارجو ان تستمر مشاركاتك بنفس المستوى....

تحياتي للجميع.. |1|

.

التويم @user_5511 · 11-06-2005

لو تلاحظو شباب إن أمان الالتيما أعلى من الكامري والدليل نفس الموقع

http://www.iihs.org/vehicle_ratings/ce/html/0211.htm

تحياتي

ابوشايخ @user_19072 · 11-06-2005

تويــــــــوتا وبـــــــــــــــــس هذا الاي اقدر اقول

صانع الماس @user_19207 · 10-06-2005

يا شباب الكامري صارت مثل القلرطاسه من الخارج تحس انها موتر كبير ويتحمل الصدمات

وخل اي صدمه تجيها وشوف ايش تصير

فيه كامريات قضت على مستقبل عالم

تحيه

vAMP @user_12617 صاحب الموضوع · 10-06-2005

يا إخوان ال BM الحوت لا انقلبت مايطلع اي اير باق !! واتذكر موضوع قديم عن واحد إماراتي بيرفع عليهم قضية بمليون درهم ! ورد عليه واحد بعد وقال له حتى انا بعد انقلبت علي ولا طلع الإيرباق !! (منتدى الساحات) وفي موضوع ايضاً بقسم الحوادث خاص عن النقطة هذه ..

والمشكلة كلها طلعت بعدين عشان الحزام ماربطه السوااق !! << من الساحات ..

طبعاً السيارة الوحيدة اللي اعرفها يطلع لها الإيرباق وقت القلبات (من غير ربط الحزام) هي المرسيدس الفياقرا .. وسارت مع خالي كانوا ماشين 200 وفوق واعترضتهم تريلا وقفت على الخط بالجنب راحوا يمين نزلوا يمين راحوا يسار بالتراب المهم انها انقلبت هناك كم قلبة وكل الإيرباقات فكت !! ولا واحد عاد بعد كان رابط الحزام !!

اما سالفة ان الإيرباق مايطلع عشان الحساسات الأمامية واللي بالجوانب فأعتقد هالكلام قد يكون صحيح ..

وشوفوا هالصور حادث انقلاب شنيع لفولفو سار بالمدينة !! الحزام مربوط والبريك مشدود (ليه ما أدري !! بس يقولوا دايم تسير لو الواحد من جد شاف الموت قدامه !! فرامل وبريك ونمر وكل شيء .. ) والسيارة تقلبت تكسرت ولا إيرباق عاد طلع !!!!!

معليه الداخلية مو واضحة شوي .. نسيت اشغل الوضع الليلي .. لكن البريك مسحوب (واضح) والطارة مافيها شيء سليمة (واضحة) بس الحزام مو واضح (لكنه كان مربوط !!)

وهذه المقدمة الصدام ماجاه شيء !! يمكن عشان كذا الإيرباق ماطلع !!

دراكولا اليف @user_19390 · 10-06-2005

شباب انا اللحين اللي عندي سؤال

انتم متأكدين ان امريكا اشترطت على تويوتا انها تخلي الكرسيدا من جزأ واحد مو من جزئين

لانه اللي اعرفه ان مو جزء ولا جزئين

اللي اعرفه انه يكون فيها نقااااااااااااااااااااااااااااط ضعف

ويا اخ ابو اسد ممكن سؤالين و تجاوب عليها

اول شي ليه ما اقتنعت على خفيف الا يوم قالوا لك الشباب انها موجودة بالفولفو ؟؟

السؤال الثاني هل تعتقد انك ابخص من مهندسين الشركات اليابانية و فولفو ؟؟

الشي الثالث بالنسبة للاخ صانع الالماس ياحبيب البي شف المفحطين كم واحد يسير له حادث و يطلع منها بالسلامة بعد لطف الله

و الشباب اللي يموتون بالكامري يجيك الواحد منهم يمشي ترليون و يخش بعامود
يعني تتركز الصدمه كلها بعرض العمود هذا

تتوقع يعني وش يبي يسير له
وبعدين ياخي نشوف حوادث اللومينات و الكوابرس و الفياقرات لاصارو مسرعين وش يسير فيهم ووش يسير بالسيارة يعني مو بقوة البدي هي

واسف على الاطالة يا شباب

*الـسـفـيـر* @user_7407 Banned · 09-06-2005

كل السيارات اذا انقلبوا ما تنفتح اليرباقات ... لازم تكون الصدمة جانبية او امامية

وبرأي هذا شي عادي لأن الإرباق اذا انفتح وانت تتقلب ما بتستفيد شي وخاصة الكامري لأن ما فيها ايرباقات جانبية

ويا ريت تجيبوا صور لكامري منقسم نصفين