صدمة !! .. هذا هو المستوى الحقيقي للأمان في الكامري !!

vAMP · 2005-06-05T04:54:40+03:00

سلام .. كثرت المواضيع اللي تتحدث عن تويوتا وعن مستوى إنحدارها وعن عيوبها مع الموديلات الجديدة .. وهذا الموضوع قد يكون تأكيد لهالكلام :) او قد يكون إنكار له !! صراحة امس قعدت طفشان على آخر الليل .. وقعدت اتصفح موقع منظمة مهتمة بإختبارات التصادم والسلامة للسيارات .. (IIHS) طبعاً قعدت اقلب بين الشركات

أكورد وبس @user_7944 · 06-06-2005

بس اللي أعرف إنها تنقسم نصفين كمواصفة من مواصفات الامان ، عشان يصير فيه فرصة للخروج من السيارة والابتعاد عن الخطر

أبـوأسـد @user_15810 · 06-06-2005

شباب ما أستغرب عن الكامري أنها من أتعس مواصفات الأمان لدينا في السعودية وربما في الخليج بأكملة
لأن تذكرون الكراسيدا شباب صح
هل تعلمون أنها تدخل عندنا بهيكل من جزئين بينما في أمريكا وضعوا مقايس صارمة للسلامة وطلبو من شركة تويوتا عدم دخولها إلى بهيكل من جزء واحد
طيب وش قصة الجزئين والجزء الواحد

هي أن جت صدمة قوية جدا للكرسيدا من المنتصف تدرون وش يصير!!!
راح تنقسم إلى نصفين؟ هذا لهيكل الجزئين
أما أبوجزء واحد فلا تنفصل إلى بصدمة غير طبيعية جدا.

وأنا قد شفت قبل كم يوم واحد موريني في جوال الباندا كامري منقسمة نصفين!!!
يعني لا تعليق أكثر من كذا

أكورد وبس @user_7944 · 05-06-2005

على فكرة

الكامري اليابانية قيرها الأوتو خمس سرعات

وتجي بثلاث محركات

4 سلندر 2.4

6 سلندر 3.0

6 سلندر 3.3 =======> مهبووول

vAMP @user_12617 صاحب الموضوع · 05-06-2005

والله زيك أخوي السفير .. انا أعتقد بالشيء ذا ..

لو تنزل بمواصفات زينة ومواصفات صح ومواصفات مغرية شوي.. مانشوف بالشوارع إلا كامري ..

لكن قلة مواصفاتها والشح والغباء في تحديد المواصفات هذه يخلي الواحد يدور غيرها !!

مشكور على المرور :)

*الـسـفـيـر* @user_7407 Banned · 05-06-2005

الكامري اللي عدنا بدون مواصفات و سعره مرتفع شلون لو يجيبوه بمواصفات ... كان تشوف سعره يوصل الميه ويمكن أعلى

وبعدين اللي يميز الكامري عدنا انه عملي وما يخترب ... لكن لو يجيبوه بأنظمة ومواصفات كان تشوف حاله حال الأوروبي

vAMP @user_12617 صاحب الموضوع · 05-06-2005

حبيبي أبشع الحوادث تلقاها مفحط داق الطبلون !! ماشي لي فوق ال 220 ويقبع ولا ينقلب !!

شوف قسم الحوادث هنا .. اقسم بالله فيه حوادث لفياقرات كل اللي ماشيته 180 !! وفوق هذا السيارة والله ماتعرفها إلا من الجنوط .. والسقف منطبق عليهم !!

سلام ومشكور على ردك :)

أبـوأسـد @user_15810 · 05-06-2005

أخوي vAMP
الي يقهرني هي الكامري أنها ماخذه خمس نجوم سلامة
وفي أخر شيء ما تناظر منها إلى أبشع الحوادث وعادة الي فيها ما يسلمون!!! يعني لا تعليق

vAMP @user_12617 صاحب الموضوع · 05-06-2005

معليه اخوي ابو عبدالملك ما انتبهت لردك :)

وانا معك بالكلام اللي تقوله :)

===========
دحومي ..

الله يعافيك ياغالي ومشكور على ردك :)

==========
محب الفايبر ..

مشكوووور على المرور :)

VIPER LoVeR @user_2373 · 05-06-2005

ممكن كلام الاخ كين صحيح

مشكور يا فامب على الموضوع

تحياتي:محب الفايبر

أبو عبدالملك @user_18068 · 05-06-2005

الـ ABS متوفر في أغلب الفئات لكن فقط في القير الأوتو .

vAMP @user_12617 صاحب الموضوع · 05-06-2005

غريب الراي

والله ياخوي زيك مستغرب :confused: !!

=======
أخوي KeN

المواصفات اللي تختلف الإيرباق والABS ..

لكن الهيكل واحد في كل سيارات الكامري اللي تتوزع حول العالم !! صعبة يصنعون هيكل للسعودية وهيكل لأمريكا وهيكل لليابان !!

البودي واحد ..

واللي اعتمدوه بالإختبار .. الهيكل والإيرباق فقط ..

ال ABS ماله شغل بالموضوع !!

هم يمشون السيارة على سرعة معينة ويصدمونها :D

ماراح يضغطون فرملة .. يعني ال ABS ماراح يفيد ..

==========
أخوي Altima4ever ..

ماتعتمد على الأحصنة ..

كل الإختبارات على السيارات تكون على سرعة معينة اعتقد 40 ميل ..

جيب ولا جمس ولا إن شاء الله سيارة صغيرة ..

=============
أكورد وبس

لووووووول مشكور ياحبي انت :D

=============
مشبك النمر ..

مشكور على مرورك .. نورت الموضوع :)

============

اخوي الألتيما 2005 ..

مافيه شيء يدل على ان البودي مختلف !! وهذا شيء صعب عملياً انهم يصنعون بودي لسيارة لكل منطقة !!

وخاصة ان المصنع واحد وخاصة إنه ماله فايدة يصنعون اكثر من بودي !!

==============

أخوي ليجاسي ..

مشكور على ردك والكامري الأمريكية صراحة فيها مواصفات خيالية << طبعاً بالنسبة للي تجي عندنا :)

يكفي إنه لها كم سنة ماخذة جائزة السيارة الكاملة الإكسسوارات !! << اما اللي عندنا ودك ترميها بالزبالة :D

تحياتي ..

D 7 O M Y @user_17461 · 05-06-2005

يعطيك العافيه اخووووووووووي فااااااامب على هيك موضوووووووع

ونعــــــم والله يالكامري <<<< دايم اقول قاهرتهم خخخخخخخخخخخخ

ماقصرت وتسلم يدينك يالغالي

ابو عبدالملك (( زد على المواصفات ABS وغيره وغيره وغيره ))

ابو جميل ماقصر مع كامري السعوديه احمد ربك مخلي لك ايرباق واحد هههههه

اخوكم : عبدالرحمن

أبو عبدالملك @user_18068 · 05-06-2005

ا

الـ ألتيما 2005

ههههههه

اي خير الكامري اللي عندنا تخلف بكثير عن اللي بالموضوع

بل الكامري عندنا هي نفس الكامري في الموضوع فقط ناقصه ايرباقات جانبيه
وإلا يظل الهيكل نفس الهيكل وعند التصادم الأمامي يمتص الصدمات وهذه من أهم
الميزات .
فقط نقص ايرباقات خليتوا الكامري عندنا سياكل :confused: .

V I P @user_9790 · 05-06-2005

KeN

صح لسانك أخوي

أنا معاه في كلامه الكامري اللي شفتها مواصفات ممكن ستة ايرباق وانت ماشي

تحياتي

M .N. N @user_18180 · 05-06-2005

م

مشبك النمرر

مشكور اخوي فامب الله يبشرك بالخير

ههههههه

اي خير الكامري اللي عندنا تخلف بكثير عن اللي بالموضوع

M .N. N @user_18180 · 05-06-2005

مشكور اخوي على الموضوع

والكامري اليبانيه فــــــقط هي اللي تستاهل والله تكون سياره

اما الكامري ((السعوديه )) سلملي عليها

ما فيها مواصفات امان ابد في النوعيات الاقل
لا وازيدك ان البدي عندنا يختلف عن اللي باليابان

باختصار
الكامري اليابانيه غـــــــير
والسعوديه تبع ابو جميل غـــــــير

مشبك النمرر @user_17667 Banned · 05-06-2005

مشكور اخوي فامب الله يبشرك بالخير

أكورد وبس @user_7944 · 05-06-2005

يا شيخ لو تجي هنا الكامري اليابانية كان تصير أول سيارة مرشحة أشتريها

فيها مواصفات رهيبة مرة

ABS و EBD و VSC غير الإيرباقات وشغلات الأمان المحترمة

بس ، حنا في الخليج ، لازم نتحمل

الله يعين

تسلم على الموضوع الرائع يا أستاذ :)

Altima4ever @user_17589 · 05-06-2005

اعتقد تقيم السلامه يعتمد علي قوة السياره يعني الكرولا 130 حصان ومواصفات السلامه علي هذه الاحصنه تعتبر ممتازه

Kenny @user_9622 · 05-06-2005

مرحبااا

المواصفات تختلف على حسب السوق .. وحتى مواصفات السلامة ...... والظاهر أبو جميل .. مايبي سعر الكامري يرتفع أكثر .. علشان كذا .. إستغنى عن بعض وسائل السلامة.

وعلى فكرة الكامري اللي تقول أخذت ممتاز في إختبار التصادم .. هذي كامري مواصفات كاملة .. من إلى .. وهذي ما تجي السعودية.

تحياتي

KeN