قررت ابيع الكزس وهي بكياس الوكاله

tareq_111 @user_18111 · 10-07-2005

السلام عليكم ورحمه الله وبركاته

اخواني اعضاء هذا المنتدي الجميل

انا قررت ابيع الكزس وهي من نوع اي اس 2005

اسود وداخل بيج

قطعت 9500 وهي الان بكياس الوكاله

ولكن عندي سؤال انا ليس عندي خبره في المعارض

ولا في امور بيع وشرا السيارات

وابي منكم النصيحه وين اروح لجده او الرياض

علم اني الان في الوسط بين هذي وهذي

وكم تتوقعون اتجيب لي

لني معي اسبوعين قبل البيع

طبعاء السياره جديده مافيها عيب ابدا

ولكن سبب البيع قد لايهمكم

ومشكور اخواني مقدما

tareq_111 @user_18111 صاحب الموضوع · 11-07-2005

السلام عليكم

يا اخوان السياره لو كان فيها صدمات لذكرت ذالك

وانا كنت اقصد اكياس الوكاله ان السياره جديده

ولا اقصد ان الكيس سوف يرفع من سعرها

لتوضيح فقط

اخوي اسير الاحلام انا ذكرت سبب البيع وراجع الصفحه الاولى

ونعم هي قطعت 9500 بيزيدوا 100 او ينقصوا مثلها

تحياتي للجميع

مشكورين

لوميـSTOCــنا @user_18022 · 10-07-2005

السلام عليكم ورحمة الله وبركاته

مشكور على الموضوع .

السيارة اعتقد سوف يكون سعرها 105000 ريال او اقل ولا اعتقد بان اكياس الوكالة

ترفع السعر للان قد يكون في السيارة صدمات .

وشكرا

راعي اللؤلؤي @user_20333 · 10-07-2005

ان شاء الله تبيعها بالسعر اللي يعجبك وفوق الميه الف

أسير الاحلام @user_15451 · 10-07-2005

انا شراي لكن ممكن السبب لبيعة وهي قطعت فق9500

tareq_111 @user_18111 صاحب الموضوع · 10-07-2005

مشكووووووووووووووورين اخواني على التفااعل جميعاء

انا شاريها بـ 128 كاش واكيد سعرها فوق ال100 انشاء الله لنها لكزززززززس

وما اتوقع ان فيه احد منكم مايعرف ان الكزس تمسك سعرها

اما بنسبه لسبب يا ابو عبدالعزيز انا بقولك السبب

السبب عندي كم مشرع بدخل فيهم انشاء الله ومحتاج فلوس كاش

وبدايت نزولها انشاء الله 2006 راح اشتري وحده او قبل بنظام ايجار واستفيد من الكاش

ومشكورين اخواني واحد واحد على المشاركه واتمني لكم الخير جميعاء

CAMR_GLX @user_16099 Banned · 10-07-2005

الله يعينك على بيعتها قليل الي يشتري لكزز مستعمل

salehhd @user_17805 · 10-07-2005

السلام عليكم

شوف وانا اخوك

مر الوكاله وشوف بكم يشترونها منك

وزيد على سعرهم من 5 الى 10 الاف

هذي جربتها باللكز الي كان عندي 2000 والثاني 2003 وكلهم ES

D 7 O M Y @user_17461 · 10-07-2005

بما انها ياباني ولكزس

انا اتوقع السعر راح يكون من 97- 105

وقد يكون للشرطاني رأي آخر ههههههههه شرطاني - شريطي يعني

الا اذا السياره فيها شي لاسمح الله كحادث او عيوب ...الخ

اكياس الوكاله << عادي طيب احياك يكون فيها صدمات :)
( الوالد معاه كامري بأكياسها وفيها صدمه بالصدام الخلفي خفيفه والمشخات التي لاتخلو اي سياره منها واخر شي بما انها كامري قزازها انكسر في يوم من الايام وليله من الليالي الله يكسر يدين الي كسرها )

بالنسبه للمعارض فأنصحك بمعارض الرياض - معارض النسيم مره دخلت معرض ثلاثة ارباعه لكازس :) المطيري على مااعتقد

الله يوفقك وان شاء الله تحصل لك سعر جميل

ولو اني انصح بانك تشوف احد من اقاربك او من اخوياك او من الجماعه يمكن احد ناوي يشتري فياخذها منك للمعرفه عشان مايشتري سياره مستعمله من واحد مايعرفه ويندم لاسمح الله

<<< خرج عن الموضوع

اسف ع الاطاله

اخوك : عبدالرحمن

أبو عبدالعزيز @user_6640 · 10-07-2005

السلام عليكم.........
هي تسوى سعر كويس إنشاء الله
بس ماذكرت السبب؟؟؟؟<<<<<<<<إذا مافيه تطفل ممكن تذكر السبب
وأتوقع تجيب لك فوق 100000ريال
أخوك أبو عبدالعزيز

waleed4w @user_18798 · 10-07-2005

اخوي الهامور الرجال يقول قطعت 9500 شكلك نايم مثل الصوره ... :D

عزيزي طارق لو ودك ابيع لك اياها في موقع ارامكو راسلني على الخاص

A L H A M O O R @user_17724 · 10-07-2005

والله معليش اخوي ما عندي خبره بالياباني ....
بس ما قلت كم ماشيه ؟؟