احسن طريقة للكابرس ال اس

اول شي مشكورين على الردود اللي ان شاء الله تفيد

الكابرس اللي معاي 8 سلندر . والمشكلة اللي اعاني منها هي لما ابدا

في المقاوم تزحف السيارة من محلها ولا تمسك في الخط

أنا كنت أسوي ذي الحركة بالكابرس بس ما اضغط بنزين واجد.. وبس أفك البريك أضغط البنزين والحركة كله ثواني قليلة
على الأقل بتكون قومة السيارة أسرع
لأن ضغط البريك حتى البوري الثالث وتشيل رجلك وبعدها تضغط بنزين تآخذ وقت اطول
استخدم الرجلين(وانت بكرامة) اسرع لك

ما في احسن من قومة القير العادي بس مشكلته الوزان

قير الكابرس معروف انه حساس و ضعيف

لما تدعس الدعسة كلها فإنك تحمل القير التورك كامل مرة وحدة و لما تدعس بريك بنزين فإنك تحمله حمل اضافي كأنك محمل وزن ثقيل و هذا يعور القير أكيد :)

اخوي بشار ممكن تشرح لنا كيف تؤذي القير ؟؟ لاني اسويها بصراحه مع اني ما اقتنعت فيها , احس اني ما استفيد من النمره الأولى بشكل كامل لاني ابدا القومه والضفط عند 2 او 1.5 وش رايك اخوي في هالكلام ؟

ترى الحركة ذي تؤذي القير يالمهنا :)

شف يا طويل العمر سواء معك كابرس سته سلندر ولا ثمنيه الطريقه فعاله مع المكينتين

اول شئ ابعد عن شئ اسمه نمر يعني لا ترجع نمر لانها تخرب القير واذا خرب القير ودع موترك :)

ففيه حل اخر وهو افضل الصراحه
اضغط فرامل بقوه واضغط بنزين على على الار بي ام 3 اذا حسيت ان الكفر بدى يزلف اترك البنزين واترك الفرامل واعملها مره ثانيه
وحاول ما تكون مطول وانت مسوي الحركه لانك لو طولت بيزلق الكفر واذا زلق وانت واقف بتروح فيها اذا تركت الفرامل فأذا شفته بدى يزلق وهو واقف عد المحاوله

المهم بعد ضرب البوري الثاني اضغط البنزين كله وانت ضاغط الفرامل وعلى الضربه الثالثه اترك الفرامل وشوف كيف الفزه اللي بتجيك


ولازم تشغل البور لانك يعطيك عزم خيالي

ولو تطبق ذي الحركه والله بتغبر بالشعب كله هههههههههه


واضرار الحركه ذي الفحمات :) والكفرات

واضرار المقاومات ككل الفحمات الكفرات صفاية البنزين مشاكل تقنية بالسياره

فأنصحك بالدحدره لانها اقل اضرار

اخوي احسن قومة للكابرس هي من 40 دحدرة يعني :)

Night Hawk : امتلاكك لسيارة قوية لا يعني استخدام هذه القوة دائماً هذي أول قاعدة المفروض الواحد يتعلمها في عالم السيارات

و المفروض الواحد اذا بيقوم يقوم في شارع فاضي خالي من التقاطعات و من المارة و في منطقة غير سكنية بحيث لا تزعج الناس ولا الناس يزعجوك

صح ؟

:)

معليش اخوي اذا ما افدتك
ما راح اعلمك طريقة تقتل فيها نفسك والاخرين علشان لعب عيال ومقاوم