** سيارات انفنيتي 2006 **

الف شكر للاخوان اللي ردوا

jnn
العفو اخوي ، نورت الموضوع بمرورك :)

موضوع رائع ومنسق ..
أحب أشكرك على الجهد اللي بذلته فيه ..

بصراحة سيارات إنفينيتي لا يعلى عليها ..من جد رائعة ..


وشكراً

كلامك فيه نوع من الصحة لكن لو تقارن انفنيتي في سنة 2000 بانفنيتي سنة 2005 ما راح تلاقي اختلاف وتطور ؟؟ اكيد راح تلاقي وهذا يؤكد انها قادمة وبقوة للمنافسة واكبر دليل على التطور الكبير في انفنيتي هو الجيل الجديد من الـ M اللي يختلف عن الجيل السابق 180 درجة في كل شي ، اما مسألة الشكل والهيبة والفخامة على الطريق فهذي تعتمد على الذوق الشخصي ، يمكن انت ما تعجبك في هالنواحي لكن الف واحد غيرك تعجبهمـ هالنواحي ، اما المميزات فانفنيتي فيها مواصفات حلوة ، ما اقول انها توصل للسيارات الالمانية اللي اعتبرها في برج عاجي بالنسبة لمستوى التجهيز و المميزات ( وحتى اللكزس بدري عليها من هالناحية ) لكن فيها مواصفات جدا معقولة بالنسبة لسعرها ، من ناحية الاداء فاعتقد ان هذي ما يختلف عليها اثنين من ناحية قوة اداء و محركات انفنيتي ، اما الاتساع والرحابة انا معك في ان بعض سيارات الانفنيتي فيها هالنقطة اللي هي ضيق المساحة في المراتب الخلفية لكن هالشي راح يتغير في الجيل القادم من السيارتين اللي في بالي ;)



انا بسألك سؤال رد على سؤالكـ : انفنيتي متى عرفوها الناس بالسيارات الموجودة في الوكالة ؟ ترى 4 سيارات نزلت في 2005 يعني ما يمدي الناس تحكمـ على طول على السيارات الجديدة لكن ومع هذا لو تروح الوكالة وتشوف كيف الفرق في المبيعات بين 2004 مثلا وبين الحين ، راح تشوف فرق مو معقول في المبيعات ، هي بس مسألة وقت وراح تشوف الانفنيتي منتشر بين الناس ، مسألة الاقتناع هذي تختلف من شخص لآخر ، انا مثلا اعرف اثنين من الشباب كل واحد منهمـ بيشتري FX في الفترة القريبة هذي و ما قالوا لكزس اللي لها هيبتها على قولتك ، المسألة هذي شخصية وترجع للذوق الشخصي ، ولا تنسى ان اللكزس من سنة 93 وهي تتوسع في طرازاتها المطروحة هنا الى سنة 2002 تقريبا ان كنت ماني غلطان صارت 6 سيارات



يابوي الناس ما قعدت تتغزل في الانفنيتي على قولتك و يزيد غزلهمـ فيها :D الا لما شافوا التطور الملحوظ على سيارات الانفنيتي واللي ما يقدر ينكره اي شخص ولسه التطور جاي بالطريق بس انت اصبر وبتشوف



سبب فشلها بالاسواق ؟؟ خلني اقولك معلومة اللي هي ان انفنيتي هي اسرع ماركة فاخرة نموا في الاسواق الامريكية اللي هي اكبر اسواق العالمـ في السيارات خلال السنتين اللي راحت ، و مدري وين الفشل بنظرك اذا عرفنا هالمعلومة ، اما التطور سبق وان تكلمت عنه



صغيرة جدا ؟؟ انت ما ركبت الكيو اكس 56 وشفت كيف اتساعه الداخلي ؟ زي ما قلت لك الانفنيتي فيها نقطة سلبية سبق وان تكلمت عنها لكن ما عدا ذلك اشوفها معقولة جدا



بالعكس يمكن من اجمل الاشكال في السيارات الفخمة هي اشكال الانفنيتي ، الاشكال القبيحة والغير متناسقة معروف من اللي يطلعها ;) و الاشكال مسألة ذوق تختلف من شخص لآخر لكن من اللي اشوفه واسمعه من الناس ما احد قد قال لي ان الانفنيتي اشكالها قبيحة الا انت



الفخامة ؟؟ فعلا تنقصها الفخامة



اذا هذي مو فخامة اجل وشلون تكون الفخامة ؟



كنها ددسن من داخل :D



اللكزس انا معك في عازليتها افضل لكن مو معنى ذلك ان الانفنيتي ما فيها عزل



والله هذي ترجع للوكيل ، لكن السيارة الناجحة راح تفرض نفسها واكبر دليل على كذا هو انتشار سيارات نيسان برغم سمعة الحمراني السيئة

وحياك الله اخوي

ولد^الرياض

مسيك بالنور اخوي الغالي ، والله السيارة انا كنت متوقع انها تجي كموديل 2006 لكن ما ادري ليه ما جا ، احتمال كبير جدا انه يجي كموديل السنة الجاية اللي هو 2007 والمعلومات هذي ماخذها من هالموقع
www.nissannews.com

Dark White

العفو اخوي

العفو اخوي الغالي :)

الله يحييكم اخواني ويعافيكمـ

بالنسبة للام انا اتوقع راح يكون سوقها هنا حلو وخصوصا اذا جت بسعر معقول ومواصفات حلوة

موعد نزولها ما ادري متى ، الى الحين الخبر ما تأكد