السلام عليكم ورحمة الله و بركاته
اخواني عندي ابيكا موديل 2004
صار علي فيها حادث احتمال بعضكم سمع فيه لانه عمل مشكلة بمخرج 12 و لكن الحمدلله طلعنا سالمين من هذا الحادث اللي اصاب السيارة
المهم اخواني دخلت السيارة إلى العيسى للسيارات و تفاجات بالفاتورة اللي تصعقني بـ18 ألف ريال (كل ريال ينطح ريال) و لكن لا بأس فدوى لحبيبة العمر :) لا اخفيكم حبي و تعلقي بهذه السيارة بالذات
المهم سيارتي امس اخرجتها من عندهم و لكني فوجئت بأن السيارة فيها مشكلة عند تشغيل المكيف لا عفوا مو عند تشغيل المكيف عند تشغيل الـA/C لاني اذا حاولت تشغيل المكيف ما تجيني الرجه و لكن اذا ضغطت على الزر المسمى بـA/C تخرج الرجه و تصبح السيارة كانها سيارة قديمه مهلوكه السيارة ترج بشكل غير طبيعي و لكنها ما تطفي .. كما أنك تسمع صوت لها
المهم رجعت للعيسى للسيارات و بصراحه كلمت الموظف الهندي (الموظف الوحيد في شركة العيسى للسيارات اللي يتمتع باخلاق اما الموظفين السودانين فللاسف يعاملوني و كاني اخذت السيارة منهم هدية ببلاش و لم ادفع لهم قيمتها !!)
القى نظره الموظف على السيارة و شاف و سمع صوت يخرج لكن مو بشكل مستمر (يروح و يرجع) قال لي هذي مشكلة بالمروحه تعال يوم السبت لاني كنت على نهاية الدوام الساعة 12 تقريبا و قال لي الحين ما راح تستفيد شي الا انك تضيع وقتك خذ السيارة و تعال يوم السبت و ادخلك اياها شكرته و خرجت بالسيارة
المهم و انا اقرا الفاتوره وجدت انهم غيرو شي اسمه (ستيرنغ قير بوكس) و بصراحه لا اعلم ما هو الـ(ستيرنغ قير بوكس هذا)
بالاضافة إلى أن هناك شي قريب من شكل الماصوره يوصل بين شبك الكبوت و فلتر الهواء موصل بفلتر الهواء لكن غير مشبوك بالفتحه حقت الشبكه (ما اتوقع ان هذا هو السبب لكن من باب ذكر جميع التفاصيل)
لذا اخواني اتمنى أنكم تطمئنوني على السيارة و هل المشكلة ممكن أن تكون من المروح مع العلم أن الصوت هذا و الرجه لا تخرج الا عندما اضغط على الزر المدعو (A/C) اما عند اطفائه فالمشكلة تزول :)
احد اصدقائي قال لي المشكلة هي وقت تمرينك للسيارة الـ(1000 كيلو) لاني وقتها كنت اشغل المكيف.. هل تتوقعون هذا سبب ؟ و بالاضافة إلى ان السيارة ماشيه حتى الآن 23 ألف كيلو فقط
و شي آخر أن الدركسون (الطارة) أصبحت أثقل من أول هل هذا شي طبيعي و جيد أم لا ؟
أتمنى منكم مساعدتي بحكم خبرتكم الكبيره في السيارات
اخوكم
Epica LS
