اول شي معليش انا غلطت في عدد الكامات .. وقصدي ان لكل راس كام وثلاث بلوف وهالكلام ماجبته الا بعد ماشفت فورد يتزود واظاهر والله اعلم انه 96 .. ولاني متأكد عن موديله .. لاني جاهل في الفورد مثل جهلي في الطب :)
الفورد عمره ما عمل محرك V8 بثلاثة بلوف قبل سنة 2005 ولا حتى مكاين الكمر اللي كانت كونسبت لأكثر من 15 سنة حتى 2004 ما عملو منها 3 بلوف
اما بالنسبه للحجم فأنا قصدي ان الكام الواحد محتاج حجم لمسأل العزم والقوه لانه يعتمد على كام واحد واقرب دليل مكينه الفورد الـ 5 لتر بغظ النظر عن وسائل الصنع من المنيوم وبلاتينيوم او حديد .. اما اللى مكينتها كاماتها فوق مهيب محتاجه الى مساحه زي الكام الواحد كـ ستوك يعني ...
المحركين مختلفين كلياً و بعدين بالنسبة للكام ترى يوم حطو الكام فوق أختلفت الزاوية و صارت 90 درجة و البساتم لو تلاحظهم أصغر بكثير
الفورد 5.0 بساتنه 4.00 أما الـ 4.6 فبساتنه 3.55
و هذا غير الستروك و الكرنك و البيرنجات و غيره و غيره محرك مختلف كلياً ما يشبه القديم الا بالهاوزنق و هذا شي برى المكينة ما له شغل
اللى ابي اوضحه انه لو (( وهذا مثل )) يجي كماور ويروح على موستنج والسبب ان الكمارو حجم مكينتها 5,7 لتر اكبر من حجم مكينه الموستنج 4,6 لتر كـ ستوك
مااتوقع ان هذا كلام بيدخل الراس ...
مو معناته أن الكميرو يطوف الموستنج أن الموستنج هذي قدراته خلاص
روح للموضوع اللي صار به الكلام بيني أنا و الإرهابي و انت تعرف مكانه
5.0 لتر = 510 حصان على بلوك شد بلاده و لو يتبدل البلوك و بدون ما تلمس الستروك ممكن يعطيك أكثر
تقريباً 100 حصان لكل لتر
محرك الـ 351 و اللي مساحته 5.8 بكذا أنا أفترض أنه يقدر " بشكل نظري " يعطيني 580 حصان و أكثر لأن البلوك ما يفرق عن الـ 5.0 الا في مقاس البيرنق و الكلام ذا بدون فورش ولا باور آدر
تقدر توصل هالشغلات في الشفر محرك 350 ؟
أنا أقول لك فيه أحتمالية ما أقول لا و لاكن تقول لي أن الحجم هو المؤثر الأساسي في القدرة الحصانية أقول لك لا
لأن الأمريكي ما يعمل لك المحرك All parts is the best of the best لأن الأمريكي يصنع شي رخيص و غير مكلف بيد الكل و لو تلاحظ أسعار الموستنج " دائماً " أرخص من الكميرو
بالنسبة للسعة فمحركات الفورد 302 الستروكر الى 331 وصلت حتى الى 1500 حصان فلا تستغرب اذا حطيت لك محرك 5.0 ألف حصان :)
تقبل تحياتي ،،،
