ســــونـــاتـــــا تتفوق على أكورد وكامري

مع احترامي للسوناتا ماراح تاصل لجودة الاكورد والكامري ،، أما المواصفات والسعر ممكن تاصل لمواصفات الكامري والاكورد وممكن تتفوق عليهم فضلا عن تفوقها برخص السعر ،،
وعلى فكرة نجاح سيارة في دولة لايعني أنها ناجحة في كل الدول ،، كما أن آراء صحافة السيارات المطبوعة والإلكترونية تتأثر أحيانًا بعوامل خفية ،، ولكن رأيها في النهاية يبقى كلام جرايد :D

فالسوناتا على عيني وراسي لكن حاليًا لاتعطونها أكبر من حجمها وتنفخونها زيادة اصبروا شوي إلى أن تبان جودتها من خلال استخدام الناس لها عندنا هنا |1|

ذكرتوني بسالفة هونداي سوناتا 2002 أجار شبه جديدة ، المهم كنت مع أخوي وقعد يسوي فلاشات وإشارات متكررة وفجأة... طلعت عصا الاشارات وصارت بيده :D :D :D صدقوني كورولا 91 ماتسويها !!

مع تحياتي
CAMRY2K

انا لله وانا اليه راجعون

مره ثانييييييييه كووووووري ؟

يا ناس ياعالم وش فيكم تحطمون بالكوري ؟

على الاقل كوري من الصدام للصدام يعني يسمى : اورجينال

مو كامري انواع التجميع ومايقصر ابو جميل جالس يلقط من محلات الزينه بالغرابي ...

الاكورد الحقيقه ما ودي اغلط لأنه موتر تمااااااااااااام

وبعدين الي يتكلمون عن الجوده .... الجوده يعني كل شئ شد بلد وكل شئ من مكان واحد ( مصنع واحد )

مو الكامري .... الله مستعان من استراليا والمكينه من اليابان والزوايد من عندنا ...( انواع التلقيط )

يالله وين الجوده ؟




انا عندي سوناتا 2004 وكنت اكرهها بس ( من شاف مصيبة غيره هانت عليه مصيبته )

موتري طلعت ريحته ( تطعيس - تفحيط - رصفان - اكل مطبات - قطوع - جلد - .... ألخ )

والله شوي وتصير جيب

الحمد لله هذي ماشيه مع ان فيها بلا بالعكوس من سبب الرصفان

والحين ماشيه 102.000 كيلو ..... يعني كاااااااااااااد ابوها

هلا حارش مارش

صحيح كلامك المقارنة كانت بالسيارات الMID size واللي قيمتها اقل من22.000دولار
وهذي هي المقارنة الصحيحة لأن المشتري يضع الخيارات اعتمادا على ما يمتلكه من رأس مال

والأكورد فعلا رهيبة وأخذت نقاط مع ان الفئة المأخوذة كانت ضعيفة لأنهم اعتمدوا على السعر
وحتى لو أخذوا الفل ما فيه اختلافات جذرية وقوية

اما الكامري هذي اللي اتعجبت منها ... وارد أمريكي وما قدر على السوناتا ... عجل شلون الكامري اللي عدنا اللي يجي بنوافذ أبو هندل :D !!!

ــــــــــــــــــــــ
سعر السيارة شي أساسي
ــــــــــــــــــــــ

وشكرا على ردك

ـــــــــــــــــــــ
الأخ AL_wafi

أبي أخبرك ان الموديل اللي أتكلم عنه هو 2006 الشكل الجديد

the new generation

last model


وصحيح كلامك الشي اللي بتواجهه هيونداي هو تعديل سمعتها... لكن الزين يثبت نفسه
والأكسنت والإلنترا مهدوا لها الطريق

ومع أن الهونداي سمعته نازلة لكن شوف الشارع

بصراحة أنتشارها بالرغم من سمعتها وعدم أكمالها سنة يعتبر شي طيب وبنشوف السنين الجاية بإذن الله

وشكرا على ردك

وبالنسبة للكوري والكوري اكيد رايح تتعلق في اذهان الناس كلمة كوري وانه الكوري سئ ومن الصعب محو السمعة السيئة حتى لو

تحسنت السيارة وبعطيكم امثلة على السمعة .

خذ مثلا الكامري سمعته ممتازه من ناحية الجودة مع العلم في السنوات الاخير بدت تقل جودته لكن سمعته الطيبة باقية.

خذ السوبارو سمعتها تعبانه مره والسبب بالبيد ومن الصعب على الوكيل الجديد اليمني انه يغير سمعتها ويحتاج فعلا انه يقدم شي

جديد للناس وقوي حتى يقنعهم بشراء السيارة . لاحظوا الكل يقول انه السوبارو سعرها غالي ولا احد متجرأ انه يشتري واحدة

وكأن لسان حالهم يقول سوبارو وبمئة الف !!!!!

لحد الحين ما شفنا سوبارو في الشارع.

وسلامي علي الجميع

الوافي

السلام عليكم ورحمة الله .

يا شباب والله انتوا ماخذين مقلب في السوناتا . صح السوناتا تتطور وشكل حلو وسعر احلى ومواصفات روعه بالنسبة للسعر بس

في الجودة والله تعبانه. وانا اعرف كذا واحد عنده سوناتا 2002 يعني الان مر عليها تقريبا ثلاث سنوات لاحظوا انا اتكلم عن ثلاث

سيارات محد يقولي الاستخدام ومدري ايش بصراحة الثلاث سيارات حالتهم تعبانه بالنسبة للسيارات اليابانية نفس الموديل .

لاحد يقارن سوناتا مع هوندا ابدا .

انا بعت هوندا 2002 قبل كم شهر تركب فيها ما شاء الله عليها اشبه بالجديدة ويكفيكم تعصب وانقلوا الصورة صح للناس اللي رايح

تشتري السيارة. لعلمكم في الوقت الحالي ما عندي هوندا عندي سوبارو وانا اشهد انه الهوندا تعيش اكثر منها .

م ح ص 469

انت دخلت الصفحة ؟؟ المقارنة كانت ايضا عن الجودة والأداء

وبنشوف الكامري الجديدة مع اني واثق انها ما بتجي بشي جديد واذا جت قيمتها بتوصل ال100 والوكيل بيلعب فيها لعب
والسوناتا ياسلامة عمرك ممكن الواحد يآخذها بـ50 الف وهذا السعر اللي مستحيل الكامري او الاكورد توصل له

واذا الله عطانا عمر بنشوف مين ما عنده سوناتا سنة 2009

ـــــــــــــــــــ

انا ما ادري ليش تستهينون بالسوناتا .... يعني لسه متعلقة في عقولكم """""""""كوري""""""""""!!!
لو لسه مو مصدقين اللي يسويه الكوري !!

تحياتي للجميع

هلا ومرحبا بأخوي الغالي السفير ,,

موضوع رائع يالغالي ,,

والمقارنة بدرجة أولى عن أفضل سيارة بقيمة 80 ألف ريال تقريبا ,,

حتى انك تلاحظ ان الهوندا شبه سياحية ,, والكامري ما أدري ايش نوعها بس طبعا كلهن 4 سلندر

اللهم السوناتا ,, هي الفل الكامل ومحركها ستة سلندر 3,3

عموما ملاحظاتي في المقارنة أن الهوندا منافس قوي ,, ومع انها شبه سياحية أخذت نقاط ليست بالهينة

وأكيد لو انها فل كامل راح تاخذ نقاط أكثر يمكن حتى من السوناتا ,,

أما الكامري خخخخخخخ فهي دائما بالمرتبة الأخيرة تقريبا :D

المشكلة انها أمريكية !! لو انها مثل حقتنا كان ما دخلوها أساسا !!

ولا يهمونك أخوي أعداء النجاح :)

أو اللي يتكلمون بالجودة ولا يدرون وش مقاييسها :)

حنا ندعم كلامنا بالاحصائات وكلام الخبراء والمواقع الأمريكية وتجارب الناس ( الثقة ) في السيارة

أما كلامهم للأسف لا يعتمد على أي منطق ولا أي تجربة شخصية ,,

مجرد ترديد وتكرير اسطوانة مشروخة ,,

تحياتي لك يالغالي ,,

ولله هونداي تتفوق بكثير و هي سياره ممتاز جداً بلا منازع

اولا مشكور اخوي على موضوعك
بس حاب اقولك انه السوناتا حتى لو تفوقت في مواصفاتها وهذا الي شادين الظهر فيه اصحابها اما اذا تكلمه عن جودة يسكت مدري ولاحد يجي اقول الكوري في تتطور انا بنتظر لين 2009 وباشوف السوناتا 2006 كيف حالها والاكورد والكامري كيف حالهم
اوكيه وعدي معاكي يالسوناتا 2009 مع اني واثق انه 2007 ماحد بتصير عنده سوناتا

الزااااحف

كل الناس غلط وأنت الصح

أم النظرية ف فعلا ما حصلت تعبير أحسن منها بالنسبة لوضع السوناتا
صح لسان انيوتن :D

شكرا على ردك

((لكل فعل ردة فعل مساوية له في المقدار ومعاكسة له في الإتجاه
))


تدرس فيزياء وانت تكتب الموضوع ؟؟ << امزح

مجهود طيب يالغالي

لاكن هالمقارنه غلط X غلط <<< هذا راي شخصي


اقول اخوي شكلك بتدق السوناتا قريب ؟
اشوف اهتمامك زاد فيها

اتمنى لك كل التوفيق

اخوك الزاحف

مشكور على ردك السريييييييع