محتار بين الاثنين جي اس 430 او كيو 45

الصراحة مالي نفس أتكلم عن الأشياء الثانية :)

لكن عندي ملاحظة على النظام الصوتي :::

النظام في الـGS أفضل مليون مرة من الإنفينيتي لأنه هذا 14 سماعة وهذا 8 << شف الفرق كيف !! :confused:

نظام بوز Bose ((من)) أفضل الأنظمة الصوتية في العالم وليس أفضلها ...ومادري ليش اخوي اللي يقول إنه أفضل نظام مع إنه ماجرب ....وفي نفس الوقت يقول لاحد يحكم على الإنفينيتي قبل مايجربها ...والنظام لازم يجرب أيضاً :) ...

لو كان في نظم بوز خير كان ماستغنت عنه المرسيدس بدءاً من CLS و الآن الـ S الجديدة ....المرسيدس الآن تستخدم نظام Harman Kardon العالمي ...

شركة Mark Levinson هي شركة تابعة لمجموعة Harman للصوتيات :) ...


تحياتي

والله معاكم حق الحمراني صيانته زززفت وانا مجربها والله بس يقول انه بيتغير بتصريحه الاخير

انا من ناحيتي انصحك بالجي اس و شكله جديد و رائع و شبابي و جذاب

والمقارنه تكاد تكون ظالمه لأنه لا يوجد مقارنه بينهما

لكن لو اراد السياره إلي تتحمل الكرف و عمليه جدا جدا

ياخذ اللكزس علطول

ويكفي وكيلها ,,

لاني اعرف واحد معه انفينيتي تعذب مع الوكاله

مع ان عنده ثلاث سيارات من انفينيتي

يقول يعني صيانه زفت لكن فخامه و داخليه بطل و نظام صوتي جبار

لكن يقول ودي ابيعها عشان هالصيانه إلي تعبتني

و انت براحتك

وانصحك بالجي اس و يكفي انها توها نازله بشكلها هذا

مع التحية

أنا أفضل لك اللكزس بدون تخير لأن الإنفينيتي أصبح تصميمها تقليدي وأن الموديل الأقل منها وهو 35 مشابه له في معظم أجزائه

إنما الكزس موديل جديد لها مميازات أفضل وتطغي على الإنفينيتي

فأنا أنصحك بالكزس gs430 بحكم أنها أعلى مستوي وأفخم

أتمنى لك التوفيق

خالص تحياتي

صاحب الموضوع


نصيحه لوجه الله روح جرب السيارتين و انت اختار هذا المنتدى فيه بشر للاسف تعصبهم اعمى و ما تقدر تاخذ منهم حق او باطل .

سستم الصوت بوز في انفينيتي هو الافضل على مستوى العالم اذا ما تعرف ماركه بوز روح شوفها تستعمل في الحفلات. و مارك ليفينسون عمرنا ما سمعنا عنها الا في لكزس بس .

و كلامك هذا يدل على ان عمرك ما ركبت انفينيتي و انا اتحداك لو ركبتها و جربتها كان قلت كلام مقنع :confused:

ما ابي ادخل معاك في نقاش لانك شخص غير مجرب السياراتين و هذا واضح من كلامك .

اتمنى انك تقول كلام يفيد صاحب الموضوع ولاكن انت للاسف تقول كلام من راسك بدون واقع تجربه و هذا المنتدى وضع للاستفاده وليس للتأليف من عقولنا يا استاذ.

معليش اخوي ممكن اصدق هذا الكلام لو قلت على الصني بس على الانفينيتي و طول عمري و انا استخدم نيسان لاكن Q45 ما ينطبق عليها هذا الكلام و على فكره انت تدري كم فرق السماكه بين بودي الانفينيتي و بودي اي سياره ثانيه !!! تدري انه يقاس بوحده اسمها الميكروم !!! الميكروم يساوي 100 جزء من الميلي !!!! يعني الفرق كلام فاضي |10|

عزيزي سلام
بودي السيارات مكون من عدة طبقات
فلجزء اللين من البدي لامتصاص الصدمه وتشتيتها حول
جسم السياره
والجزء الصلب يكون بداخل البدي في اجزاء معينه

لو انا مكانك الجي اس ونا مرتااااااااح وعلى العموم السيارتين حلوين بس
الجي اس احلى وانت براحتك؟؟؟؟
اما من ناااحية السستم فاللكزس افضل بمليون مرة ولا يجارى . ومن ناحية العزل كذلك اللكزس افضل.
ومن ناحية الشكل كذلك. والفخامة اللكزس تتفوق بأشياء كثيرة منها التشغيل بضغظة زر وكذلك البصمة وعندك كذلك التحكم بالقير من المقود وغيرها الكثير الكثير.
ومن ناحية القوة اتوقع الانفنتي بس عزم اللكزس على فكرة موصااااحي وانت جرب واحكم بنفسك.
والله يوفقك ان شاء الله واستخير وبالتوفيق لك
اخ لك شحاته

السلام عليكم ورحمة الله.
بصراحة السيارتين ماعليهم كلام,بس أخوي أنا أفضل الجي اس لعدة اسباب:
1.سيارة جديدة توها نازلة.
2.سيارة تمسك سعرها عند البيع .
3.فيها مواصفات مواصفات غير متوفرة بالإنفينيتي مثل التشغيل بزر ,فتح الابواب بزر.
4.بعدين قطع غيارها متوفرة أكثر.
5.اللكزس مرغوب أكثر من الإنفينيي يعني يوم تجي تبيعها ما بتلاقي مشاكل.

على فكرة الأنفينيتي سيارة حلوة بعد للأسباب التالية:
1. القوة
2.أوسع من الدخل.
3.سعرها معقول و غير مبالغ فيه.
4.التميز

ياأخوي أختار أي سيارة منهم وصدقني ما بتكون خسران.

اخي العزيز Sr20de

اسف كنت اقصد فقط الbody
يعني ما عليك الا ان تضغط بقوه على الbody لتعرف الفرق وهذا ما لاحظته علىQ45 مقارنه مع السيارات الالمانيه او حتى اللكزس......لا اعلم ان كانت هذه الملاحظه دقيقه ولكن هذا على لاقل ما رأيته........حقيقه لم اجد فرق بينQ45 والماكسيما كلها ورق

وش رايك:cool:

اخوي ممكن توضح اكثر عن صلابه الهيكل و ايش دخل البودي بالهيكل !!!

الكيو كمواصفات لا يعلى عليه...لكن هناك عيب قوي في الانفنيتي وهو




عدم صلابة الهيكل.....يعني البدي(Body) لك عليه وهذي انا بنفسي لاحظتها....

اتمنى يجرب السيارتين و تنقل لنا اخبار التجربه

مع اني متاكد الناس اللي قالت انو لو جرب الكزس راح يغير رايه للاسف من الاساس هم ما جربو انفينيتي .

اموت و اعرف كيف الواحد قلبه يطاوعه يحكم على سيارتين ماجرب منهم الا سياره وحده !!!!! :confused:

يعطيكم الف الف عافيه اخواني على مشاركتكم يالغالين وماقصرتو والله
وهو بيني وبينكم جرب الانفنتي وانهبل عليها من ناحيه الفخامه والراحه بس فيه ناس تقول اذا جربت اللكزس تبي تغير رايك على طول
عموما مشكووورين يالغالين.

السيارتين حلوين بس بالنسبه للشروط اللي خويك يبيها الكيو هي الانسب ..


بعديم لا تنسى الكيو تعتبر من السيارات الفخمه الكبيره الحجم اما الجي اس المتوسطه الحجم يعني الكيو لها هيبه اكثر .. وفوق هذا مو منتشره يعني يمشي في الشارع الناس تقعد تناظره ... ولا تنسون الاستخاره ..

اهلين وسهلين ياجماعه..خلوين ادلي بدلوي ولو ان رايي راح يكون قصير

انا باختصار راح اخذ ال Q45 بدون اي تردد...

ليييييييييييييييييييييييييييييييييييه؟؟؟

اللكزس الجي اس غاليه على قل سنععععععع....سياره حلوه بجد وانا مااعيبها ولكن سعرها الخيالي الي ماله داعي يخليني افكر في البديل خصوصا لو كانت رجلي ثقيله على البنزين ....وانتوا تعرفون ان Q اقوى واقضل من ناحية العزم ...

في النهايه السيارتين والله حلوين لكن راح افضل الانفينيتي للاسباب الي ذكرتها


اخوكم
اكورد فضي

الانفنيتي لاكثر من الف سبب هي الافضل ، لكن لو قارنتها بالـ ال اس 430 يمكن يكون المضوع محير ، اما تقارن الـ كيو 45 بال جي اس هذي قويه .. واذا تبي تتأكد من كلامي اطلع للوكالة وقلهم كم سيارة جي اس 430 بعتوها من اول مانزلت ؟؟؟؟؟؟ اتحداك ان ماكانت تعد على الاصابع ، انا عن نفسي ماشفت الا وحدة بس !!

وبالنسبة للشروط :
1_ يبي موتر رياضي ومكينته قويه وشكله حلو
طبعا مكائن الانفنتي اسم على مسمى ( ما لا نهاية !! )

2- يبي سياره السستم حق المسجل فيها قوي وجبار
ما اعتقد ان فيه مجال مقارنة من الناحية هذي .. الانفنتي نظامها الصوتي لا يعلى عليه .

3_ يبي موتر يكرف معه وعملي ومريح وعزله الصوتي قوي
كلهم جيدين بس بالنسبة للعزل الصوتي اكيد الانفنتي افضل بكثير ، وفيه موضوع بالمنتدى بخصوص الـ جي اس واحد الاخوان يشتكي من مشكلة العزل الصوتي في السيارة 2005 !!

4_ اهم شيء عنده ان الموتر فيه فخامه داخليه مثل الخشب والجلد الفخم
الانفنتي فخامتها ممتازة ومركبها مريح ، وبالطبع حجمها اكبر

5- يبي سياره عزمها كبير وتعطيه بالطريق لانه هو دعسته حاره
مايبله ... انفنتي .. :)

اخوي انا لو بشتري سياره بهذا السعر مستحيل ادفع ريال واحد قبل ما اجرب السيارتين في الوكاله

انا ممكن انصحك في وحده من هذي السيارتين اما خويك لو جرب السيارتين راح يختار هو بنفسه ممكن انا تعجبني حركة معينه و تخليني اشتري السياره بسبب حاجه بسيطه.

على كل حال انا اشوف Q45 من 2005 السياره صار عليها تعديلات كثيره و زادت المواصفات .

اما من ناحيه العزل الصوتي انا اقولك من الحين انفينيتي اهداء من GS وياليت لو خويك يجرب السيارتين و يتأكد من كلامي من ناحية العزل الصوتي.

بصراحه لو انا مكان خويك و بحكم اني مجرب السيارتين اختار انفينيتي و انا مغمض.