كابرس اس اس

هلا فيك اخوي فيصل.. يشرفني ردك علي..

صحيح كلامك.. سياره رفيجي اهي ماركيز يا 2001 او 2002

ومن ناحيه الموقف.. لاوالله رفيجي سواقته ممتازه ماشاءالله عليه والسالفه صارت ان راعي التيما حاص قدامنا وحنا اخذنا يمين وفجأه رد راعي الالتيما مكانه فاخذنا يسار على طول بس مو ذاك اليسار .. والا طال عمرك نشوف الصبه تقول ياهلا ومرحبا وعن حالة السياره .. لاوالله رفيجي محافظ عليها والله يخليها له

وعسى وافيتك باللي بغيت تعرفه


وبخصوص الاخ /a8j2

فوالله مادريت انك تبي سياره من الفئه الكبيره

واذا تبي كبيره فـمالك غير الكابرس الفكوتريا .. واذا تبي الشكل خذ الكابرس واذا تبي الرسميه خذ الفكتوريا

وانا يوم تكلمت عن الكابرس والفكتوريا ترا كنت اتكلم عن

كابرس اس اس 2001 <-- اللي مايعرف شي اسمه ثباااااااات
وماركيز 2001 تقريبا .. اللي سلم على الصبه

ومع احلى تحية

سلام يا LONDANY

انا اتوقع انك تقصد الفكتوريا القديم من 2002 وتحت.....عزيزي بالنسبة ل 2003 وفوق تطور من ناحية التعليق بحيث اصبح شبيه بالسيارات اليابانية وخاصة السبورت بفضل نظام التعليق الرياضي.....
اما بالنسبة لموضوع ان الفكتوريا هجت فيكم وانتم تمشون 140 فاعتقد ان هذا ليس بمقياس والسائق له دور كبير لأني عندي استعداد اخلي السيارة تنحرف وانا امشي 80 واعطيك مثلاً حالة السيارة اذرعة السيارة الكفرات الموقف الذي حدث لكم كيف كان يعني اشياء كثيره لاتسطيع الحكم فيها الا في حالة واحده وهي ان تأتي شركة متخصصةفي تقييم السيارات وتجرب السيارة من حيث الاداء ومن حيث التماسك ومن حيث الالتصاق بالارض والمناوره وتعطي الحكم العادل اما من ناحية تجارب شخصية لانعلم عن وضع الطريق هل هو زلق هل هو منعطف هل السائق عرف يتصرف في الموقف المفاجئ هل السيارة يوجد فيها اعطال فنية مثل الكفرات الاذرعة كم ذكرت لك في السابق اما من ناحية الالتيما فهي سيارة حلوه ولكنها شبابيه ومتوسطة الحجم . والاخ /a8j2 يريد سيارة من الفئات الكبيرة الفخمة وليس من السيارات المتوسطة الحجم

وتحياتي لك وللجميع

شوف طال عمرك .. الشباب ماخلو شي ماقالوه

بس بقوللك شغلة عن الفكتوريا والكابرس الجدد

شي اسمه ثبات انساااااااااااااااااااااااه.. مامن ثبات وهذا من واقع تجربه..

الفكتوريا دخلنا بصبه والسبب عدم الثبات والمشكله اننا ماطرنا وكانت السرعه 140.. يعني شوف 140 وهجت فينا السياره وماقدرنالها.. اجل لو 180 او اكثر شبتسوي

اما الكابرس الكل يعرف ان الثبات ماتعرفه.. ولاحد يقص عليك وانت جرب وشوف

وبصراحه الفكتوريا سياره روعه بكل شي.. حجمها كبير وعزمها حلو ومريحه بس شكلها سويه رسمي عنه رياضي
والكابرس بعد ماتقل عنها وحجمها ماشاءالله غرفه نوم .. وسريعه

بس العيب مالهم الثبااااااااااااات مافي ثبات

تبي سياره امريكيه الصنع يابانيه الاصل.. خذ التيما.. شوف انا ماقلتلك التيما لان سيارتي التيما او لاني احبها

بس شوف

سياره شكليا روعه (حسب رايي )
ثبات.. ماشاءالله لا اله الا الله.. واسال اصحابها
سرعه.. ماشاءالله
شرب بانزين .. شي حلو
وبنفس الوقت سعرها رخيص

وانت طال عمرك وبراحتك.. انا بس حبيت اقوللك يوم شفتك محتار بين كم سياره والكل يقوللك فكتوريا وكابرس وهذول مشكلتهم الثبات .. وانت لاتنسى انك بيوم بتودي الاهل او ربعك .. وانت تدري ان اللي السياره وياك مو ثابته

والله يبعد الشر عنا وعنك وعن المسلمين

ياعزيزي ياغالي يا a8j2 والله مو زعلان بالعكس كلامك لولا اختلاف الاذواق لبارت السلع صحيح بس انا نظرتي شامله للسيارة من حيث الشكل والاداء والعملانية والصيانه والانتشار والقطع هذا مااردت الوصول اليه اما بالنسبة للفخامة فيه سيارات افضل من الفكتوريا بمراحل وفيه اقوى منها بكثير وعموما الدين النصيحة وانا عموماً اؤيد تشارجر من ناحية الشكل والفخامة ولكن ابيك تدور احد شاريها من فتره حتى يعطيك مريئاته عن السيارة والله يوفقك فيها هي او غيرها ويعطيك خيرها ويكفيك شرها والله المستعان وتحياتي لك ولجميع المشاركين في هذا الموضوع

تمام و لاتنسى تكتب لنا عن تجربتك للشارجر وياريت تكون معى بعض الصور :)

ويكفيك ان التشارجر قير ومكينه المانيه انا الصراحه استغربت يوم رحت الوكاله وقالي الموظف الي هناك يعني التصميم امريكي بس والباقي شغل الماني يعني انسى طاح القير والاشياء ذي زي الكابريس توكل على الله ومالك الا التشارجر


تحياتي للجميع

اشفيك زعلان ياأخ فيصل سبورت, في الحقيقة انا ماقلت ان الكراون سيارة قبيحة, بالعكس السيارة جميلة ومافيها مايعيبها بس المشكلة انا ماهي عاجبتني لو كل الناس اتفقو في مقياس الجمال ماراح تكون في الا شركة سيارات وحدة بالعالم كلله, المثل اللى يقول لو لم تختلف الاذواق لبارت السلع. انا من الناس اللي مايعارض احد في السيارة اللي بيختارها لأنه ممكن يشوفها جميلة مرة وانا في نفس الوقت اشوفها جدا قبيحة هذا مو يعني ان رأيي صح ولازم امشيه.
انا اذا بأخذ تشارجر بآخذ فل اوبشن مو اقل بس الفل ابشن عندنا مو زي اللي بأمريكا, الفرق بين الفل عندنا بالسعودية والفل بأمريكا هو ان اللي بأمريكا فيه زيادة شاشة DVD وفيه كمان حساسات خلفية.
على كل انا طلبت تست درايف للتشارجر وقالو لي ان السيارة الدمو ما بتوصل الا بعد شهر فسجلت اسمي باللسته وبأشيك معاهم من فترة لفترة لين مايخلوني اجرب التشارجر 5.7L HEMI وان شاء الله اعطيكم انطباعي عن سواقتها.
مشكور يا اخ بو العابد على ردك وان شاء الله بأقرأ عن اللينكون واعطيك رأي فيها.
تسلمون على ردودكم والله يعطيكم العافيه, واللي عنده رأي لا يبخل علينا عشان الكل يستفيد.

انا معاي كابرس ال تي زد 2004 ماشي الحين 43000كم
وبصراحه ما شفت فيه اي مشاكل ولا في الكهرب مع اني مركب زنون

نصيحتي خذ كابرس وما تندم

الكابريس طيبة في جميع الفئات سوا الرياضي وهو SS وفي جميعهم يكون العيب فيهم هو الكهرباء...

الكراون فكتوريا طيبة وخصوصاً إن أخذت كاملة المواصفات فصيانتها مجرد شغل سريع جداً وبسيط

خالص تحياتي

يارجال الكراون فيكتوريا مو داخل مزاجه هو حر يشتري اللي يعجبه ما نغصبه :)


a8j2 إشرايك في اللنكون LS و الله سياره كشخه و حليوه بس ما أدري كم سعرها الحين

شارجر سيارة حلوة وفخمة بس صيانه في العلالي عموماً اذا بتاخذ لازم تاخذ فل كامل لإني انا بصراحة لا اؤيد نصف فل او استندار والسبورت مو عاجبك لانه من زمان ماتغير ولو عفطو الرفارف والوجه والاسطبات الخلفية شوي كان يعجبك وللمعلومية هو حلو بس عينك صارت متعودة عليه فصار عادي مثل اللكزس 400 موديل 94 صارت سيارة عادية ولو قالو لك خذها مافيه امل تاخذه صحيح كلامي ولا لا يييييا a8j2

^^^بالظبط^^^


إذا تقدر تاخذ شارجر توكل على الله سياره حلوه و شكل جديد لكن الصيانه أتوقع بتصير غاليه

أنا أنصحك بالأفالون لكي تجمع بين الفخامة والسمعة الطيبة بس الله يعينك على الشكل الخارجي القبيح يا حبيبي
هههههههههه

طيب شباب مافي لها صور على الطبيعه من الوكاله وانا اقول لاخوى اترك عنك الفورد سبورت والله صار موضه قديمه توكل على الله وخذ تشارجر الجديده مع مكينه هيمي بس لا تاخذ الدفعه الاولي استنا شوى وباتوفيق مقدما


تحياتي لكم

شوفوا الفيديو الموجود بموقع التشارجر اللي معلن عنه فووق
لا يفوتكم اه ياقلبي

تسلم يا اخ فيصل, التشارجر نزل بأمريكا من 2005 اقصد الشكل الجديد يعني اذا كان فيه عيوب بيتداركوها (والله العالم), طيب يعني الكابرس له اكثر من 3 سنوات بهالشكل الجديد و لكن فيه مشاكل مالها داعي. اما من ناحية الكراون سبورت فهي سيارة عملية ممتازة بس ماهي داخله مزاجي (اه من مزاجي هذا). طيب يااخ ابو العابد اذا كانت التشارجر نفس مكينة الهيمي اللي ب300c اش رايك فيها انا سمعت انها سيارة ممتازه وفازت بأكثر من جائزة عالمية كاحسن سيارة لعام 2005.

كلامك صحيح 100% لكن السياره صار لها فتره نازله في السوق (امريكا) يعني مو توها و معى ذلك المفروض الواحد مايستعجل

ملاحظة هامة جداً للجميع او اي شخص يبي يشري سيارة جديدة وهي

ان لا يشتري اول موديل او شكل جديد لان دائماً الشكل الجديد يوجد مشاكل فيه في الغالب ولذا يتم استدراكها وتعديلها في الموديل اللي بعده مثل الكابرس اول ماطلع وعدلو فيه بس مازال فيه مشاكل وياشباب اللي ينصحون بالكاديلاك والدوج الجديد تشارج هل هو مجرب من سنوات ومعروف ولا يوجد فيه مشاكل لان اللي ايده في الماء غير اللي في النار واللي يبي يدفع غير اللي يتكلم اوكيه سمع النصيحة وشراء كاديلاك وبعد فتره يبي صيانه بكم يبي صيانه بمبالغ خياليه والدوج كذلك وللمعلومية كان عندي دوج انتربيد 94 وكاله اكلني اكل بقطع غياره النار و صار فيه مشكله بالحراره ترتفع فجاءه وانا بالطريق وعندما اقف اجد الاديتر يفور وديتها للوكاله وقالو السيارة مافيها شي قلت سلام عليكم ودخلت السيارة في حوش البيت وجلست افحص حتى وجدت الفيش حق مروحة التبريد محترق ومع اشتغال المروحة واحتماها يفصل الكهرباء عن المروحة فجاءه فترتفع الحرارة واذا بردت اشتغلت المروحه من جديد وانا انصح a8j2بعدم التسرع بشراء سيارة جديده كا اول موديل حتى يطلع الموديل اللي بعده ويبان عيوب الاول حتى لا تصبح كبش فداء وانا انصحك بالكزس 430 ولاكنها غاليه طبعا وعندي سؤال لك لماذا لاتشتري كروان فكتوريا سبورت اسود فل كامل قير ارضي فهو عملي جداً وشكل رياضي فخم هذه وجهة نظري والخيار الاول والاخير لك وتحياتي