شكرا لك اخوي ابو اسد
واعتقد ان الباث فاز بافضل سيارة جيب في فئته في امريكا او اوربا على ما اعتقد وهو للعام اول سنه نازل عندهم وهاي شي يبشر ان الموتر اوكي حتى لو اول سنه ينزل عندنا
وانا لو قررت اني اخذ لاندكروزر راح اخذه من الامارات لان سعره ارخص هناك وماراح ارضى غير بي2004
وماهو الفرق بين VXR و GXR
وشنو عيب GXR
شكرا لك اخوي
أخوي لا تقول أن الباثفاندر أوكي تراه ما تدري عنه شيء
مثل الألتيما تراها في الخارج عندهم من كم سنة وما دخلت عندنا غير متأخر
وفيها بعض المشاكل مثل : مسجل ينخرب ولا مشاكل في الهوبات أو الفرامل وإلى ما ذلك
بس مو كل واحد معه ألتيما يناظر هذي المشاكل.
المهم الفروق بين VXR و GXR هي:
VXR: مكينته 8 سلندر بسعة 4.7 لتر بشكل V وبقوة 235 حصان طبعا هو الأقوى.
GXR: مكينته 6 سلندر بسعة 4.5 لتر وبقوة 215 حصان
ولازم تحط في بالك:
في الخطوط VXR أقل صرفية وأقوى وأقل صوت من GXR.
في المدن GXR أقل صرفية من VXR.
كمواصفات عادة VXR أفضل من GXR.
VXR أقل صوت من GXR وترى GXR يحن في الخطوط بسبب الضعف الي فيه.
ومثل ماقال salehhd باثفاندر جديد بقراطيسة لها متعة صراحة ولا تصلح في شيء :D
والقرار لك
