افالون وحش تويوتا & ازيرا جوهرة هيونداي

يااخي زود شوي واشتر لكزس es 350 الجديد بدون شاشة ملاحة افضل لك وخل عنك الأفالون والازيرا وإذا مرة مرة خذلك (افالون) والله يوفقك .

^
^
^
كلام سليم 100 %

اخوي سراب الود


صدق الناس مادري من وين تفكر

لاتاخذ سياره عشان نورها اخضر <<<<< اذكر اخوي الصغير قالها مره يوم كان عمره 6 سنوات خخخخ

معليش اخوي بس احس انك مالقيت عيب في الأزيرا رحت للنور سيداااا

ومثل ماقال اخوي سراب الود ترا الددسن ممتاااااااااااز

بس معاك حق ياخوي المفروض ازود 30000 ريال عشان النور ابيييض هههههههه حلوه

للمعلوميه فيه محل بالرياض يسوي اشكال والوان من النور حتى لو تبيه وردي ولا اقولك ترا البنفسجي احسن

وشغله مضمون وممتاز

__________________

اقول لصاحب الموضوع اذا قدرت على الأفالون فخذها

واذا فيه مشكله سواء بالسعر أو التأخير من الوكاله ,,,

فخذلك ازيرا ولله هالسياره ممتازه من جميع النواحي

اللي يميز الأفالون في نظري شئ وااحد فقط وهــو .؟..

المراتب الخلفيه تعدل وضعيتها للأمام والخلف بسسسس


واسف على الاطاله

والسلام عليكم

اخوي العزيز
والله المقارنه صعبه .
من ناحية الافالون سياره حلوه ولها سمعه حلوه ومن شركة كبيره المكينه ممتازه ولا يعيبها شي واضح.
وكذا الازيرا سياره جديده على السوق من هيونداي اللي الان لها سمعه طيبه سعرها خيالي مقابل المواصفات.

انا راح امتنع عن التصووويت .
واقول اذا كان يقدر على سعر الافالون وعاجبته يشتريها . ويتوكل على الله.
واذا كان يبي يوفرله 30 الف ريال وياخذ سياره تعطيك مواصفات وامان اكثر من اللي تعطيها. فياخذ الازيرا .

والله يكون في عونه
وترا لكل سياره ايجابيات وسلبيات . والمفرووض انه يشووف وش يبي من سيارة المستقبل ووش يتمنى فيها
ويختار اللي تتوفر فيها طلباته .
واللي يقوول ويكثر من الكلام يرووح يشتري ددسن ويريحنا.
اذا انت مو عاجبك الاخضر على قولتك لا تشتري الازيرا محد يغصبك >>من مجبر زد 30 الف ريال واشتر ام انوار بيض.
واذا كنت تحب الاضاءه البيضاء خذ ددسن والله يكون في عونك .
خلونا نترك التفكير الطفووولي . والحرب والحريب ويكون تفكيرنا اكبر.
و من زين الطبايع جايب لنا سياره من شركة ميتسوبيشي اللي احب اذكرك انها كانت تملك ربع اسهم هيونداي
وكانت السبب الاول في فشل هيونداي واكسابها سمعه سيئه ولما تخلصت هيونداي من عبء الشركه هذي شف الى وين وصلت هيونداي ((وصلت الى المركز السادس عالميا))بينما ميتسوبيشي الى الان تحاول الخرووج من مأزقها المالي.
اقدر اختصر الكلام هذا كله ان (((الطالب تفوق على معلمه))).
على العمووم انا اعتذر من صاحب الموضوع على الخووج من صلب الموضوووع
وشكرا
اخوك
سراب الود

^
^
^

هههههههههههههههههههههههههههه

خلاص ياناس اي سياره ماتجي لمباتها اللي داخل بيضه لحد يشتريها لانها ما تنفع ولا تعتبر سياره

وبرسل ايميل لـ جي دي باور وبكتب فيه لازم تقيمون السياره على حسب لمبات مسجلها ههههههههه

والله احنا في السعودية نحب السيارة من شكلها بس اما المضمون ما نفكر فيه
حنا حقين مضاهر واكثر الناس الحين مصوتين للافالون بس عشان الشكل مع ان القديمة الافالون 2004 اجود من الافالون الموجودة حاليا بس الشكل القديم بايخ
وانا مع الشعب اصوت للافالون واقول للي يحبون الازيرا ترا عيب عندنا تجيب سيارة من جوا لماتها اخضر حقت المسجل
حتى الددسن صارة لمبة المسجل ابيض
ههههههههههه
وشكراا

لا .. طارة سيـــكل :)

الخشب اللي في الطارة اللي تتطنز عليها من نوع ( Nardi) يعني تبطي شركتك الكورية تجيب مثله

وسلم لي على الكوري يا بتاع الكوري

تحياتي

Kenny

8
8
8
8

الحين بصراحة هذي طارة ماجنا ولا طارة وانيت :D

حنا في عام 2006 وداخلين 2007 .. والمسجل للحين نوره أخضر .. والله شغل أبو ديك


عموماً الماجنا في نظري داخليتها أحلى .. وجودتها أحسن بمليون مرة واللي صنعها ( ميتسوبيشي ) .. مو شركة تلفيق
ورجاءً .. خلنا في موضوعنا علشان لا يزعل علينا المشرف ونروح ورى الشمس :)

تحياتي لك .. ولكل واحد قاصين عليه الكوريين

Kenny

الأفـــلـــون 100%

تحياتيـــ لــك

والله في عقليات غريبة هناااااااااا ...

عموماً أنا ما راح أفرض رأيي على أحد .. والحمدلله .. نتيجة التصويت تكفي ..

وياعيني على الياباني وجمال الياباني

تحياتي

Kenny

اسمحلي ياخوي مقارنه فاشله مع احترامي الشديد
smk

عقلك في راسك تعرف خلاصك
هل من العقل اشتري سياره مثل افالون 6 سلندر وسيدان ب125 الف... يا اخي حرام

المبلغ هذا يجيب لك سيارات افضل بمراحل من افالون اللي ما تستحق نصف سعرها..

ازيرا وانت مغمض.. سعر معقول مواصفات كامله شكل انسيابي ومرتب.. وش تبي اكثر؟

ولاتنسى قفزات شركة هيونداي على مستوى الجوده.. وهذا يثبته موقع جي دي باور المشهور والموثوق..

اصوت ل" أزيرا "

عجيييييييييييييييييبببببببب تقارن الافالون مع الازيرا
من غير كلام افالون

^
^

ياعيني على الناس الفاهمه يقول ما احكم على السيارتين لاني ما جربتهم وانت يا كيني جاي تطامر وانت ماجربت السيارتين

عموما انا شفت ازيرا وشفت افالون يمشون نفس الممشى يوميا ويمسكون نفس الخط <<< وعلى كذا حكمت يعني مو مثلك كلام من راسي

وغير كذا ليش طالع عن الموضوع وجايب صورة لداخلية الماجنا لا يكون تعتقد انها افضل من الازيرا

ياعمي شوف الداخليه تحس انها لسياره قديمه بس مخشبينها ..... وينها ووين داخلية الازيرا فرق السماء عن الارض

وفي النهايه اقول للمره الثالثه انا صوت للافالون وماني متعصب للازيرا لكن الحق يقال

وهذا اخر تعقيب لي عليك لان بصراحه بنطلع عن الموضوع وبالاخير بيتقفل كالعاده

تحياتي
واعتذر للاخ العزيز غنيم

من ناحية الشكل الخارجي والله ان الازيرا اطلق من الافالون بكثير .... اتركو عنكم الصور وشوفو الازيرا في الطبيعه

بالذات اذا الون اسوووود ( ملكي) ... الافالون شكلها مش بطال بس الشكل ما هو انسيابي ( طولوها فوق الزوم) اما الازيرا

شكلها انسيابي وبقوه ( الطول مناسب للعرض) وتحس انها متماسكه.... اذا عن الداخليه فاشوف ان الافالون افضل من

الازيرا بس في المواد الازير ا افضل ( لان الافالون كثرو البلاستيك فوق الزوم) يعني مع الوقت والمطبات تسمع اصووات

وبرضه الازيرا من داخل فخمه وديكورها مرتب .......

تلخيص لكلامي ؟؟؟؟

الازيرا افضل بكثير من الافالون من الخارج ...........والافالون افضل نسيبا من الازيرا داخليا ( رغم ان ديكور الازيرا الاحضه

ارتب من الافالون) ..... اما من ناحية الاعتماديه فبدري احكم على السيارتين ( لان ما جربت الافالون ولا الازيرا)...ونأسف على الاطاله

كلام سليم 100%

وما فيه فرق كبير بين الأفلون والأزيرا بحجم الفرق في المبلغ 43 ؟؟؟؟؟؟؟؟

0
0
0

هلا مرزوق
والله الماجنا الفل أبشن بالنسبة لي أحسن من الأزيرا بألف مرة .. وياليت تشوفها قبل لا تحكم لأني واثق تمام الثقة إنك تتكلم عن الستاندرد .



عموماً مثل ما قال الأخ المشرف .. الموضوع بين البطلة ( الأفالون ) و ( الأزيرا )
تحياتي
Kenny