رابطة عشاق السوبارو (( اليجاسي )) و (( الامبريزا )) هنا كل شئ !!!

اخوي ال STI محركه DOHC


http://subaru.com.au/explore/impreza/specifications.asp?body=Sedan&grade=WRX+STI


و القديم كما تفضلت المحرك SOHC و هذا الي يميز المحرك الي عندي عنهم :D

كما قتلك كافي اوصل التسارع 6.5 ثانيه الي 7 ثواني و هذا يتطلب قوه 200 حصان الي 220 و اعقد كافي :confused:


و السياره الي عندي كما ذكرت تسارعها 8.2 اما القديمه 10.3 ثانيه يعني الفرق 35 حصان = ثانيتين شئ جميل ..


و علي فكره المحرك 2.5 ما ينزل في الياباني و هو مخصص للاسواق الامريكيه .. يبيلنه نروح اليابان :D

أخيرا نفع كلامي وخليتك تقتنع تاخذ سوبارو...>>>>> تكفى...

مبروك عليك السيارة وإن شاء الله الشباب يفيدوك في مسألة التزويد حقها....

بس انا استغرب...الليجاسي 2,0 قوتها 165 والإمبريزا نفس السعة بس قوتها...160....في خمس أحصنة منحاشين وينهم..؟؟؟؟؟؟؟...


زين انا ابغى اسأل....هل الهيدرز حق الليجاسي 2006 سعة 2,0 يركب على الليجاسي 2003 سعة 2,5...؟؟؟؟؟؟؟؟...

مشكور أخوي المهندس وبانتظار الصور لداخلية الامبريزا والليجاسي ( السعوديه )
.
.
.
بارك الله فيك

أخوي inital D..
هلاً السيارة اللي عندك مش تيربو صحيح؟
وإنت معدل عليها فلتر رياضي وأكزوزت وأسلاك بواجي وبواجي NGK..والسيارة صارت قوية كثير؟؟
---------------
أخوي المهندس هلأ إفهمت عليك هديك الجملة..
مثل ما قال!يا خوي صعب جداً تتفوق على ماتور ال STI..وحتى لو وصلت عزمه وقوته..فتعديل بسيط لل STI يضيع عليك بلاوي من العمل والتعب اللي عملته لسيارة ليست بنظام التيربو.

أنا مرة قرأت أن هناك ناس عندهم سيارات WRX ويقولون إه شو الفرق بين ال WRX و STI ..بس التيربو؟؟طيب إحنا امنشتري WRX ومنجيب تيربو STI ومنحطه عليها وتسير عنا سيارة مثل ال STI..ولكن..بيقولك أنه في واحد صار صارف مصاري أكثر من سعر ال STI ولم يوصل لقدرة ال STI ..وأنت تعلم السيارة ليست فقط سرعة وتسارع..
فالمعنى أن لكل فئة ما يميزها حقيقة.

وجميل أنه قد تم التثبيت.

صحيح ...... الـ 2.5 والـ 2.0 (( SOHC )) له قطع تزويد أكثر من محركات الـ DOHC ...... لكن أكيد مع الوقت راح تتوفر هالقطع للمحرك الجديد .


:) أخوي المهندس ...... الله الله أول ماتطلع الموتر عطنا كم صوره على الطاير , أوكيه :D

امممممممممممم

ما عرفنا


انزين اخوي يعني حاليا ال 2.5 هي الافضل من 2.0 الجديدة من ناحية توفر القطع






بعدين يا مهندسنا

انت للحين السوبارو ما استلمتها ..................... يعني خذ الحذر ههههههههههه

:D اوكي ..... دام انك تدرس ليش ناوي على التيربو ...... ركب فلتر وهدرز وإقزوز (( Catback )) وبتشوف الفرق شلون , لكن أهم شيء تسوي Reset حق كمبيوتر الامبريزا علشان تحس بالفرق .....
أنا موتري عليه اشياء بسيطه في المكينه : فلتر رياضي , هدرز وإقزوز كامل , بولي كت , وأسلاك بواجي وبواجي NGK ,,,,,,,, ومابقى أحد من السوباروات اللي في قطر إلا ومشخت وجهه حتى اني طلعت على ليجاسي 2005 اللي مكينتها 2.5 (( كانت تماتيك ))
لكن الامريزا الجديده قويه ...... فيه واحد كانت عنده إمبريزا 2004 عليها فلتر وإقزوز ...... مشخ وجهه أكثر من 5 أو 6 مرات .... لكن اخر مره قابلته أخذ الامبريزا الجديده 2006 وبجير عادي ..... والشي الوحيد اللي كان مركبه بس هو الدبه الاخيره .....
جربت معاه 3 مرات وكانت النتيجه التعادل فيهم كلهم ؟؟ شوف مع انه مكينته تقريبا ستوك , وانا التعديل اللي عندي أقوى منه لكن تعادلت معاه وبصعوبه الصراحه ........

يعني الصراحه المكينه الجديده قويه جدا ,,,,, ومثل ماقلت لك ..... تعديلات بسيطه على هالمحرك الجديد وتلقى المكينه موصله للـ 200 حصان بدون تيربو >>>>>>>>>>>>>> على عكس اللي عندي واللي تحتاج فتح مكينه وتغير كامات وبساتن بس علشان توصل للـ 220 حصان ....

أنا ما استغرب انه بعد فتره بسيطه ينزل تلغيم أقوى للمكينه اللي عندك ووصلونها للـ 240 أو 250 حصان بدون تيربو ......


عندك فكره انه اللجاسي اليابانيه الـ 2.0R تنزل عندهم بقوة 190 حصان ستوك |2| ........ انا بيني وبينك خاطري في هالمكينه لكن مالقيت احد يشحنها لي من اليابان |5|

على فكره ...... صحيح انه سيارتك DOHC و الـ STi بعد DOHC لكن ترى الانتيك والاقزوز يختلف ومايركب على سيارتك ...

يعطيك الف الف عافيه



اخوي انا الحين ادرس في كليه يعني ما عندي افلوس كافيه حق التيربو ...


ف بقيت اشياء خفيفه فلتر ووووو يعني يفون بغرض ...


و علي فكره مكينتي DOHC و نفس قصه محرك ال STI بضبط ...


و انشاء الله اشوف افضل حل ..

اي اخوي ... من 10 الاف ريال إلى 20 ألف ريال .... لكن كلها تعتمد على موديل السياره .....
ارخص وحده حصلتها كانت حق WRX STi يابانيه موديل 95 أو 96 ماركزت عدل , وأغلى شيء كان حق وحده موديلها 2004 ....
بالنسبه للدفريشن .... انت اكيد قصدك محول العزم الـ DCCD ...... أنا أشوف الاسعار ممتازه إذا كانت تحويله كامله .... أما إذا كان فقط للمكينه فالصراحه غالي جدا ....



شوف أخوي ..... اي شيء يتعلق بمكينة الـ WRX أو الـ STi ترى مايركب على الـ 2.0R أو 2.0GX , حتى الفلتر الرياضي اللي هو ابسط شيء ما راح يركب على سيارتك إذا كان مخصص للتيربو ...
أما الاشياء الثانيه (( البدي كت , المساعدات , البريكات , تقوية الشاصي ..... إلخ )) عادي تركب بدون اي مشاكل ...
عندك كثير من المواقع اللي ممكن تطلب منها قطع تعديل للمحرك الانجكتر , لكن بالنسبه لسيارتك صعبه شوي لانه المكينه توها جديده وماتوفر تزويدها مثل محركات الـ SOHC (( نفس اللي عندي )) , يعني حاليا انت بس تقدر تركب اشياء بسيطه مثل الهدرز والفلتر وإقزوز (( تحصلها في ebay.com بس اللي عندهم تقليد وسعره معقول ,,,,, أو عند www.cobb-tuning.com وهذولي غاليين جدا والشيء الوحيد اللي اخذته من عندهم هو الفلتر الرياضي + البولي كت )) وممكن برمجه إذا حصلت احد يبرمج لك (( أنصحك بتركيب كمبيوتر Perfect Power 6 والبرمجه تاخذها جاهزه من موقع www.rallitek.com , فيه شخص هناك اسمه شون بعد ماتشتري الكمبيوتر من عندهم بيسألك عن سيارتك وش مركب عليها (( مثلا هدرز وفلتر رياضي )) وهو بيعطيك برمجه ممتازه على حسب اللي على سيارتك )) الكمبيوتر هذا عندي حاليا في البيت , لحين ماركبته على سيارتي لاني مالقيت وقت اركبه ....

بس حبيت أقولك نصيحه ..... إذا بتلغم تيربو إبدا من اللحين ..... يعني لاتخسر فلوسك على هدرز وإقزوز NA وفي الاخير بترميهم ومب مستفيد منهم لانك بتركب تيربو + خسرت فلوسك عليهم ؟؟ وإذا بتلغم بدون تيربو ترى مستحيل تطلع بقوه أكثر من الـ STi ...... أقوى امبريزا بدون تيربو موجوده عند شركة TWE وهي شركه تخصصها تلغيم السوبارو ...... مكينتها 2.5 وقوتها 310 حصان تقريبا بدون تيربو (( اكثر من التيربو بـ 10 حصان , لكن السؤال كم المبلغ اللي صرفوه على السياره ؟؟ ))
إذا تبي تيربو فأنصحك انك تروح للإمارات وتسوي تحويله كامله هناك ....... وهذا اللي افضله لك إذا بتركب تيربو ..... ليش ؟

1- المكينه تيربو من الوكاله .... يعني مافيه مشاكل مثل المكينه اللي في الاصل مصممه NA وتركب عليها تيربو ؟
2- جير الـ STi يتحمل عزم وقوة توصل إلى 600 حصان ..... أما اللي عندنا 250 حصان ويالله السلامه هذا إذا انت محافظ ....
3- التيربو اسهل طريقه للحصول على القوه .....
4- المكينه ستوك فيها 280 إلى 320 حصان على حسب الموديل ....... مع التزويد ممكن توصل 500 حصان وممكن اكثر

|1|

اقول ما عندك نيه تشتري سوبارو وله عندك سوبارو شكو داش الموضوع :D

هم انت ما فهمتني :D


انا ابي اركب حق سيارتي و كل ما ادش موقع يقولي انه حق STI OR WRX يعني ابي شئ حق 2.0 ما فيه كله 2.5


و انا ابي اطلب بس ماكو مواقع و ما اعرف اطلب اذا تعرف مواقع عطني و ادري انه السوبارو شئ خيالي ..


و انا ابي اوصل السياره اقوي من ال STI وانا ما ابي اركب تيربو حالياً بس بجهز السياره حق التيربو .


ويعطيك العافيه ..

ولله سعر الامبريزا ذكرته اول الموضوع و اليجاسي .. بحدود 72 الف ....


و انشاء الله اوفرلك الصور ..

الله يبارك بحياتك انشاء الله ...


و احنا بخدمه الجميع ..

مشكور


و علي النقطه الاخيره بعدين اقولك :D

يعطيك الف الف عافيه اخوي غنيم ..

ما شاء الله أخونا inital D باين محترف..
أخوي..
ب 10000 ريال - 20000 ريال شو هذا؟تحويلة كاملة؟أم فقط الماكينة؟
أنا حصلت تحويلة STI 2004 نظيف جداً (ماكينة،جير،دفرنس،البريكات ،الدرمز...كامل) ب 20000 ريال إذا الدفرنس أوتوماتيكي و22500ريال إذا مش أتماتيكي..

مشكور اخوي محمد على التوضيح




ويا ليت اخونا انيشيال دي


يرجع مثل قبل لانه من الخبراء في السوبارو



اوكي مو تقطع بالمره

أخوي المهندس ....

إذا تبي تعدل الامبريزا حقت ترى مب مشكله وهي سهله ومافيها أي تعقيد , لكن المشكله الوحيده هو توافر قطع التزويد حق السياره , كل القطع اللي ركبتها على سيارتي شاريها أنا عن طريق الانترنت لانه عندنا في الخليج مافيه اي شيء حق السوبارو خصوصا عندنا في قطر :(


على العموم ..... أنت وش التضبيط اللي في بالك ؟ هل تبي تركب تيربو , ولا تبي تحويله كامله تيربو , او انك تبي تلغم الموتر بدون تيربو ؟
كلها تفرق على حسب القوه والميزانيه اللي عندك .......

السوبارو الجديده الـ 2.0R مكينتها ضغط عالي (( 160 حصان عند 6500 دوره تقريبا والكومبريشن حقها 11:1 )) ممكن تركب تيربو كت بس ما أعتقد انه بيضبط عند والسبب الكومبريشن العالي , أنا اللي عندي الكومبريشن حقها 10:1 , يعني ممكن اركب تيربو ويكون البوست حقه عادي (( 5 psi مثلا وهذا كافي حق 200~220 حصان ))

بالنسبه للهدرز حق ال 2.5 ..... انت اي نوع تقصد ؟ هل حق الـ STi أو حق الليجاسي ؟
إذا قصدك هدرز STi فأقولك لا مايركب لانه بيضرب في Crossmember حق المكينه ..... يعني لو بتركبه لازم تغير الـ Crossmember حق سيارتك إلى Crossmember STi
أما حق الليجاسي 2.5 ممكن يركب مع تعديل بسيط جدا


سيارتك ميزتها انه محركها أقوى من المحرك اللي عندي , أنا سيارتي فيها 120 حصان وانت سيارتك فيها 160 حصان ....... يعني هدرز وإقزوز كامل وفلتر رياضي وبرمجه محترمه وتوصل للـ 190 حصان وممكن 200 حصان على محرك 2 لتر بدون تيربو :D

أما إذا في خاطرك تيربو فأنصحك تروح حق صناعية الشارقه (( أنا توني جاي من هناك قبل اسبوع )) روح لسكراب الأفغان وتلقى أنصاف سيارات من كل نوع ......
أنا لقيت عندهم 3 أنصاف حق إمبريزا STi كاملين (( المكينه والجير والدفريشنات والبريكات والجمبينات وأعمدة التوازن الكشنات الزرق..... كل شي كل شي )) السعر تقريبا مابين 10000 ريال إلى 20000 ريال على حسب موديل السياره ))


انت بس عطني فكره عن اللي تبي تسويه بالسياره وانا بقولك وش تسوي ....
هذا إيميلي : [email]mrf_qa@hotmail.com[/email]
لكن ما أظن انك بتحصلني Online لانه هالشهر عندنا Shutdown في المصنع وانا من ضمن الـ Shutdown Team :(

السلام عليكم ورحمة الله وبركاته
يا أخوان بغيت أسأل كم سعر الامبريزا ... والليجاسي 4 سلندر ؟؟
وبغيت لو سمحتوا صوره للداخليه بس من هنا ( يعني صور في السعوديه أو الأردن .... )
أنا عارف إني بتعبكم معاي بس تحملوني جزاكم الله خير
.
.
.
بارك الله فيكم