1-اذا سرقت سيارتك وانت نائم في البيت واكتشفت ذلك اخر الليل فكمل نومك لانه محد درى عنك وعن سيارتك يعني الصباح رباح
2- اذا مافيه داعي ابد انك تبلغ 999 مرة ولا تخسر نفسك وقت الاتصال والحديث معه يمكن واحد منكم يقول لييش المفروض تبلغه اقولك حتى لو بغلته ماسويت شي وهو ما يقدر يسوي لك شي لازم يوصله بلاغ رسمي مختوم حتى يبلغ الدوريات خذوها مني انسان مجرب
3- اذا حبيت تروح للشرطه لازم تكون اعصابك بارده يعني ايش انسرقت سيارتك ياحبيبي فيه الف سيارة مسروقه عندنا محنا محصلينها يعني بلاغك من باب حماية نفسك ان تستخدم السيارة في امور اخرى لا لان يقبض على السارق ولا ترجع لك سيارتك
4- اذا اتهموك انت في سرقتها فلا باس عليك بالهدو ولا تعجب فلقد افهمني الظابط ان هناك من يسرق سيارته ويبلغ عنها ربما كان يقصد الصحفي الذي بلغ عن سيارة في الجبيل وذهب بها الى ابها عبر اكثر من عشرين نقطه تفتيش ولم يساله احد عنها اقول ربما
5- اذا كان لك مفقودات في السيارة ثمينه كانت او رخيصة فالله يعوض عليك لا تعب نفسك وتذكرها في ملف التحقيق الذي سيجريه لك المحقق لان الامل في رجوع السيارة بسيط فضلا عن مافيها
6- اذا ارسل البلاغ الرسمي الى جميع الدوريات سمعا باذنك فلا تعتقد ان سيارتك بترجع لك في نفس اليوم لانه انت تسمع البلاغ لكن الدوريات اذن من طين واذن من عجين محد حولك
7- اذا كنت حريص مرة الله يعينك تبغل كل دورية تمر عليك ولا اي مركز تمر عليه انت بالمناسبة سالت اكثر من ثلاث دوريات في نفس اليوم اللي بلغت فيه كلهم يقولن ماعندنا فكره عنها والله ليش يا شاب قالوا والله ماندري نتابع اي سيارة ولا نحفظ اي سيارة يعني الله يعينك انت تدور على سيارتك
8- اذا كنت محظوظ وحصلت انت سيارتك فلا تقرب منها ارمها بسبع حصوات من بعيد وقل اللهم سكنها في مسكنها وبلغ عنها اقرب دوريه وامسك في الشرطي لين يجي معك عندها ولو صار وحركتها من مكانها صدقني بتروح فيها بتصير انت متلاعب بالامن ومبلغ بلاغ كاذب لغرض قلب نظام الحكم في الدول العربيه كلها
9- اذا هم حصلوها لك مرميه في مكان مشبوه فخذ اللي تحصله منها وقل ربي يعوضني علي في اللي صار فيها اني وياك تطالب بمراقبة السيارة هذا اذا اصلا ما سحبوها الحجز قبل ما تجي انت
10- احمد ربك ان سيارتك رجعت لك لا تقول مكسرة سارق فلت من العداله انسى الكلام هذا كله وارضى بسيارة مكسرة معدومه احسن من لا شي
11- اذا اخذت سيارتك بعها على طول ولا الله يعينك اذا انسرقت مرة ثانية واحمد ربك انك حصلتها مرة ولا تفكر انه الطيب اللي تركها لك بيتركها المرة الثانية
12- اعلنت شرطه الدمام قبل فترة في احدى صحفنا انه تم القبض على سارق سيارات اعترف بسرقه اكثر من 54 سيارة ومنزلا يا حبيبي والله عيب عليهم اربعه وخمسين سيارة وبيت وما مسكوه تصدقون اتوقع هو مل وسلم نفسه
13 - اذا انت حرامي ولص ياللي تقرا ( مع احترامي لجميع القراء لكن قلت يمكن اللي سرق سيارتي يمر من هنا ) والله ما معنا الا الله ندعي عليك الليل والنهار وحسبنا الله ونعم الوكيل
مــنــقــول
01-10-2002, 04:10 PM 
