اليوم رحت وكالة العيسى وفصفصت لكم الكابرس LS موديل 2007

آمين....وماصار الا الخير


كل واحد يصلح سيارته |11|

عليكم السلام ورحمة الله وبركاته

حياك الله اخوي الرويال وماقول الا..الله يهديك


اولاً انا ماسب الكابرس وما انتقم منها لانه الانتقام مبني على حقد...بالله فيه احد يحقد على حديد؟؟ بالله هذا تفكير







لو عممنا وجهة نظرك هذي على كل منتج وقلنا ان الصانع ادرا وابخص من الناقد...كان ماحتجنا للنقد اصلاً وقلنا خلاص (اهل مكه ادرى بشعابها)













مع الاسف معلوماتك ماهي صحيحة..انتل البي ام يباع في الوكالة فقط..وحتى قطع الغيار الاصلية مايوردونه...والانتل الي بالغرابي مجرد شكل بدون اسلاك ولاغيره..ديكور على الفاضي يركبونه محبي شكل البي ام













حنا اصلاً هنا ماتكلمنا عن قواعد الشمعات...حنا تكلمنا عن الكلبسات الي تمسك غطاء الشمعة...راجع الموضوع مره اخرى |11|











مساعد سيارتي يمسكونه ثلاثة مسامير :D ماهو مسمار واحد مثل الهولدن











مكينة الكابرس والنعم...وانا بكل مقام امدح عزمها وقوتها.....والقير فضيحة مايستاهل من يمدحه والله..اجل بالله مكينة 5.7 لتر بقوة هائلة والقير 4 غيار |10| 4 غيار تنفع للفورد والكامري مو لمكينة جبارة كذا

والقير ابو خمسة نمر للحين مانزل :confused: يعني وش امدح بالقير

والشاشة ماتطرقت لها لانه وقت فصفصتي للسيارة ماكان فيه الفئة ام شاشة :D

ونظام الثبات لازم طلب مايجي ستاندرد |11|












وكون اني القى ديكور مفكك بالسيارة وهي جديدة فهذا معانته انها ماتتحمل لانه نفس الناس الي يركبون سيارة العرض (الكابرس) هم نفسهم الي يركبون سيارة العرض (الكامري) مثلاً و (اليوكون) ومالقيت فيها مثل هالتفكك :confused: والحق ينقال ديكور الكابرس جودته لك عليها










انا اقدر (ولله الحمد)اسوي لك تقرير على تسارع السيارة وقيرها وميكنتها وعدد الدورات على كل سرعة واداء المكينة بعد فتر من الاستخدام....لكن الديكور والربل هم الاشياء الي تهم الشباب حالياً لان الاجزاء الداخلية (المكينة والقير) تقريباً نفسها وعارفين خباياها

والربل الي انت مستهين فيه هم الي معقد ملاك الكامري من 2003 وانت طالع..العزل الصوتي مصيبة.. وهو الي محبب الناس باللكزس 430 ويخليهم يمدحونها اكثر من السيارات الالمانية بسبب عزلها وهدوئها







جزاك الله خير |3|

سلام عليكم أخ نديم اللطف

أسعد الله أيـــامك بالخيرات ..

بصراحة رأيت تقريرك المفصفص كما ذكرت للكابريس الجديدة ..

و الملاحظ على تقريرك أخي الكريم هو أنـه يغلب عليه الأسلوب التهجمي في الوصف ..

و يظهر من خلاله تحيزك ضد شركة جنرال موتورز بمصانعها الأسترالية ..

و يحز في النفس سخريتك الشديدة من الكابريس .. وليس نقداً معقولاً ..

الازياك المستخدمة على الابواب تجي من الباب الامامي للخلفي..بكن الي استغربه انها تجي اكثر من قطعة...هو عادي بس تحس السيارة ملفقة تلفيق كذا :confused:

طيب يا أخي يمكن لها ميكانيكة خاصة للإنفتاح عند وقوع حادث لا قدر الله ..
هل أنت أدرى من شركة هولدن الصانعة؟
ولا هي الدعوة مزاجات ؟؟
ما اعجبتني أو والله ما يروق لي شكلها...!!
هي موب بالأشكال .. أكيد هناك خطة محكمة لها..

::::::::::::::::::

اضافة جديدة للكابرس...انتل خلفي فكرته مشابهه للبي ام وهذا جيد |1| ...لكن تصميمه مشابه لشارع الغرابي

لماذا لم تعيب على انتل الـ BMW فهو أيضاً يباع في الغرابي ....؟؟


:::::::::::::::::::::::




حتى عند ذكر محاسنها فــإنك تذكرها على استحياء شديد ..:( شوف هنا مثلاً :

عاجبتني الانوار الامامية لكن مع الاسف فيها عيب خطير...ورداءة بالتصنيع بصراحة :(

شف كيف شكل الكلبسات الي ماسكه غطاء الشمعة؟؟ بايخة بقوة ومستعدة للكسر مع اول فك لانها بلاستيك..والي بيجرب السيارة بيتذكر كلامي

أتظن ان شركة تويوتا تضع الكلبسات من حديد ...؟
أو من النحاس ؟؟ فهو أقوى بكثير ..
أنــا ولأول مرة أسمع أن قواعد الشمعات الأمامية ليست مصنوعة من غير البلاستيك ..
بعدين .. كــان أتميت الجماله ... ومدحتها شوي ....!!







::::::::::::::::::::::::

السيارة طول بعرض والمساعد مايمسكه الا صامولة وحدة؟؟ (لاتعليق)

حتى تكون محقاً في ما تقول أرجو منك أن تزور وكالات عدداً من السيارات ,, وتصور مسامير المساعد .. هل هي أكثر من واحد أم لا ؟؟ بدءاً بسيارتك الشخصية ..
حتى تكون عادلاً في وصفك


::::::::::::::::





ثم إنك لم تركز على الأساسيات ... الماكينة .. والجير .. وأنظمة الثبات في السيارة ... و شاشة LCD ... وغيرها من المزايا القوية في كابريس الجديدة.. فقط بحثت عن العيوب ..

ومع ذلك تسمي تقريرك فصفصة؟؟

للأسف فهو مجرد فصفصة على الديكورات و الربلات فقط


:::::::::::::::

بالنسبة للديكورات المفكوكة .. فتعالوا نتسائل : ليه هي مفكوكة؟
اولاً: السيارة للعرض ، و الكل يفكك و يضغط الأزرار بعنف
وقد يحاول الكسر أو السرقة لأنها بالعربي (عرض) موب لي ، لكن إذا اشتراها و صارت له شف كيف يهتم فيها ؟
الديكورات المفكوكة قـد يكون أحدهم تعمد فكها أو إنزالها .. لتشويه السمعة فحسب؟ و قد ركبت بنفسي كابريس الجديدة و لم أشاهد هذه التفككات !
لماذا لا يكون هناك زبائن تعبانين سبقوك يـا أخي نديم اللطف و عبثوا في السيارة .. و جئت أنت بعدهم فوجدت الحال سيئة ...؟

أنـــا لا أتهمك أخي في الله و حبيب قلبي نديم اللطف .. ولكن ليس من المعقول أن نحكم على طراز من السيارات ووكالة من الوكالة من مجرد رؤية صور لسيارة واحدة فحسب ..
و كما ترى: الشعب السعودي شعب عاطفي ، لو تقول إن هذا الموتر سيئ قالوا والله إنك صادق و معاك حق ,, وتجد الردود كلها: "مشكوووووووووووووووووووووووووووووووووور والله معااااااااااااااااااااااااااااااااااااااااااك حق "
ولا يتعبون انفسهم في إبداء آرائهم .. إن كان لهم آراء ..






أخي الكريم نديم اللطف..

شهادتك في الكابريس مجروحة ...

لأنك تسبها منذ البداية وكـــأنك تكن في نفسك الإنتقام منها بهذا التقرير ..

لا تزعل مني فـ والله لا يُعقل أن أكرهك أو أسبك (بذاتك) من أجل كومة حديد لا تغني ولا تسمن من جوع!!
اعذرني على خطابي الحار فــأنــا من عشااااق الكابريس منذ طفولتي!
تحياتي ..


الرويال.. مجنون الكابريس ...

لولا اختلاف الاذواق لبارت السلع ;)

والله لامشي على رجليني

ولا اخذ كامري

حياكم الله ياشباب وشكراً على مروركم

والسيارة لو كانت امريكية كان خدمت وصارت عملية مثل الفورد...لكن هولدن استرالية

وامريكا نفسها اكثر سيارة انتشاراً عندهم هي (الكامري)


مع التحية،،،

وبصراحة الكامري ياباني احسن من الامريكي وشوف الامريكان هم اللي يشترونها وهي اكثر مبيعات في العالم كله وبصراح الكامري كبرت من الداخل وصارت مناسبة وكمان اقتصادية في الوقود سريعة ولعلمك المفروض الكابرس واللومينا ينزلون بمحرك كورفيت 400حصان بس الى الحين بنفس المحرك القديم

انا كرهت الامريكي من بعد المقال هذا اكثر من اول طول عمره الامركي مكروه الا في السبعينات والثمانينات بس .

تظل اسم السيارة كابريس



وان كانت فيها من العيوب ما فيها




اركبها ولا اركب كامري



ما اركب ياباني اصلا




الامريكي ولا بلاش



<<< وجهة نظري الخاصة فيني


خخخخخخخخخخ


والله هذا وجهة نظري



ويظل الامريكي مرعب و روعه




اه يا قلبي على الأمريكي




بس فيه ملاحظة صغيرة



الكابرس واللومينا موديل 2003


اللي هوة بداية الشكل اللي قبل هذا الجديد


كانت فيه عيوب زي كذا


والموديل اللي بعده خفت العيوب


واللي بعد بعده خفت العيوب لدرجة انها انتهت



لا بد من بعض التعديلات



والوضع ليس فقط في جنرال موتورز



حتى في تويوتا اللي الناس طايحة عليها


حتى في نيسان


في كل الشركات تقريبا



اول موديل جديد في الشكل تكون فيه عيوب كثيرة


والموديل اللي بعده تتلاشي العيوب بدرجة اكثر من ثمانين في المئة



خلونا واقعيين



مو عشانه كابريس <<<< كثير اعداء النجاح


^_^



وجهة نظري الخاصة فيني واتمنى تتقبلوها بصدر رحب


وانا اتقبل انتقادات الجميع وخاصة اللي يكره الامريكي بشكل رحب



اهم شيء اننا مسلمين وفي الاخير كلنا اخوان


^_^


ما ننحرم منكم


دمت بود

مشاء الله عليك كما عهدناك مبدع كالعاده

قرات الموضوع من فتره لكن ما سمحت لي الفرصه إني ارد

بارك الله فيك واسعد لياليك

مع اجمل الاماني ,,,

|1|


تحياتي
|3|

الله يعطيك العافية ويسلم إيديك أخي نديم ..

فصفصة غير شكل , ههههه , قرأت الموضوع أول ما طرحته

وحابب أشكرك وأضيف إني من أربعة أسابيع كنت بوكالة الليبرتي

بالشارقة , وهو وكيل الشفر والكاديلاك والهمر , المهم واحد من الشباب

حب يسحب كابرس 2007 رويال بس ما كانت نازلة فشفنا ال إل تي زد , على الطبيعة ,

من جوه أحلى من الموديلات اللي قبلها بس من بره حسيت شكلها وتقطيعتها غلط ,

مع إحترامي لرأي من أعجبته ..

وبالنسبة لموضوع الديكورات الداخلية والله كلامك مظبوط 100% , كان غطاء الباب اللي جنب

السائق من جوه يهز , والله لو ماسكينه بصمغ مو هيك , فعلا شي معيب يعني بالمعرض والسيارة

ما تحركت وقطعها مفكفكة .. أنا ما مزعلني إلا علامة شفرليه اللي عليها واسمها ,

الله يرحم أيامك يا كابرس لما كنتي كابرس ..

ويا شباب الإمارات , سعر السيارة بيفرق من مدينة لمدينة , من أبوظبي أرخص شي , هذا كلام اللي

كان واقف بالمعرض , وأكد علي كذا واحد من الشباب طالعوا كابرس ولومينا بال 2003 وال 2004

سعرها بأبوظبي أرخص بحدود ل 5000 , وساوموهم عااادي ..

شكرا على الفصفصة أخي نديم, وتحياتي للجميع ..

حياك الله الرايق....شكراً على مرورك

يعطيك العافيه اخوي على الجهد الرائع

والموضووع الاروع .. ما قصرت يالغالي

مع التحيه ..|3|

الصور غير موجوده

الصور ماهي واضحه يا أخي

حياك الله..