مرة أخرى أقول .. اللي ما يعرف الصقر يشويه
ومن تكلم بما لا يعلم أتى بالعجائب
من الواضح إنك ما تعرف الشعار هذا :
ولو إنك تعرفه ما قلت كلامك اللي قلته
قال سنتنيال قال !!
شر البلية ما يضحك
أجل علشان هونداي حطت شعار خاص بالسنتنيال صارت السنتنيال تستاهل
طيب وش رايك بالموتر هذا :
هذا الموتر تبع شركة اسمها أكيورا .. يقلدون هوندا ليجند 100 %
ودي أضحك والله
يا حبيب الشرق الأوسط والخليج العربي.. الأكيورا هي الفرع الفخم في هوندا .. مثل اللكزس بالنسبة لتويوتا والإنفينيتي بالنسبة لنيسان .. وتهتم فيه هوندا اهتمام كبير جدا .. كما تهتم التويوتا باللكزس والنيسان بالإنفنيتي .. بل ولها شهرة كبيرة جدا في أمريكا .. وتعتبر على قمة الهرم في أمريكا .. ويشار لها بالجودة والعملانية .. وبإمكانك تسأل أي شخص عاش في أمريكا لتعرف كيف يقدرون الأكيورا
خبراء عالميين .. فضلوا الأكيورا RL اللي هي الليجند على غيرها من المنافسين .. مب كلام فاضي .. أشهر المجلات العالمية في السيارات جعلت الليجند على قمة الهرم .. وأنت تقول يكفي إن عليها شعار هوندا !!
فخرها .. هوندا .. ولو جبت لي أطلق شعار في كوريا كلها ما يصف جنب الهوندا .. مب عاد الأكيورا
جايب لي هونداي اللي ما نجحت إلا بالصعود على أكتاف الآخرين .. وتقارنها بهوندا اللي أنجحت نفسها بنفسها .. وقارعت الكبار خلال 50 سنة فقط .. ما بين فورمولا وسوبر كارز وفخامة وعملانية وجودة وأمان
وبعدين .. ودي أفهم كيف يكون الشعار أهم من المواصفات .. لما تقول (( وبغض النظر عن المميزات اللي فيها فهي تحمل علامة HONDA )) أجهل واحد بالسيارات ما يقول الكلام هذا .. الشركات ما ترتقي بشعارها .. بل بجودتها واختراعاتها والمواصفات اللي تقدمها ., وهذا كله في صف هوندا
لكن مثل ما قالوا في المثل .. فاقد الشيء لا يعطيه
اعذرني على أسلوبي .. لكن مليت من كثر ما أسمع هالكلام
