انا ما ادري عن السعودية,, وكيلنا المسعود بالامارات ما شاء الله وايد اوكي و حتى مركز الصيانه احسن بالف مرة من مركز الصيانه مال اللكزس ... و انا صرت اشوفها تنتشر شوي شوي لانه الناس ملوا من الجي اس و عيوبه ( ضيق و الزينون واطي و غيره اشياء)
و هذاك اليوم مريت على وكالة الانفنتي الي في الكورنيش لقيت اثنين شارينها ,, وحدة بيضة و الثانية سوده.
نظام الملاحة موجود حاليا اختياري و بينزل أساسي على موديلات 2008 ,, لا تظلمون السيارة لانها مب منتشرة ,, العيب من الوكلاء لانهم ما يسوون اعلانات عنها. ثاني شيء سعرها عندنا تقريبا 200 الف درهم ,,, ليش ما تتكلمون عن اللكزس جي اس 430 ؟ مو سعره 220 الف درهم ؟
ثاني شيء, مب معناته اذا السيارة انتشرت يعني هي ناجحة ,,, يعني مثلا الرنج روفر و خاصة السبورت منتشر عندنا بشكل فظيع,, يعني تشوفه اكثر عن التكاسي و هو اصلا صاير تكسي ,, انا مستعد اصورلك مقطع فيديو ,, اكون قاعد في منطقة الخالدية او الكورنيش في ابوظبي و اخلي الفيديو شغال و يصور الشارع ,,, و نحسب كم رنج يمر قدامنا ... بتمل صدقني ..
هل هاذا يعني انه الرنج احسن سيارة فورويل ؟ هل هاذا يعني انه الرنج احسن من البورش كايين او الطوارق او الانفنتي اف اكس او الاودي كيو7 ؟؟
و السموحة منكم ..
