ليه الإحتقار للكوري مع انه هو الافضل ؟؟؟

ما فيه شيء يزعل ياأخ/ ايسوزو ديماكس ، وزي ما قلت السيارات حظ ، ولكن بعد الحظ هذا تظن ان الواحد بينصح احد يأخذ أو انه يقول موقفه من واقع تجربة مرررررررررررريرررررررة. ( وعارف انا قصدك ) واذا حبيت اساعدك علشان أتاكد مستعدين.


وتقبل تحياتي ،،،،،،،،،،،،،،،،،،،،،،،،،،،،،،

اخ msa88 هذا اللي حصل لك يمكن يرجع للاسباب ثانية ما اقدر اتكلم عنها بدون ماأتأكد منها

بس احب اذكرك واقولك السيارات تجيك حظ مثل الجوالات بالضبط مثلا انت وخويك شريتوا جوالات جديدة توها جاية من المصنع

اذا جيت تكلم او تسمع مقطع يكون السبيكر او السماعة حقت الجوال ضعيفة ويكون خويك الثاني سماعته قويه مرة

والسيارات كذلك تجيك سيارة سليمة من الخرابات والعيوب المصنعية وسيارة كلها عيوب من الصدام الامامي الى الصدام الخلفي

بها الاشياء لاتكم وانا اتوقع الاشياء اللي صارت لك سببها الشيء اللي قلته اول شيء بس اذا ذكرته وانا مو متأكد اخاف تزعل

المسأله قناعات ، انت مقتنع بالكوري وتجربتك معاه جيدة ، غيرك ما هو مقتنع بالكوري ولا عنده استعداد يجرب وفيه بعض الاشخاص يحب يركب سيكل ولا يركب كوري.

وانا من خلال تجربتي مع الكوري ( هوانداي ) كانت سيئة جداً جداً جداً وتتعب وانت تقول سيئة وطبعاً الشيء الى خلاني اخذها بالدرجه الاولى رخصها.

والسيارات :

1- الالنترا 2002 : سيارة جيدة ولكن خفيفة جداً تحس انها مغطاه بسفره مطاعم الهدوج ، انواع الاصوات طبعاً بعتها لاحد الاقارب وفشلتني معه بعد اسبوعين خرب قفل الباب وبعدها بفتره كهرب السيارة.

2- جيب تيريكان 2004 : بعد ما مشت السيارة 40 ألف كلم رحت اغير الزيت والبواجي عند احد افرع الصيانه المنتشرة في بعض المحطات، بعد ما انتهو شغلت السيارة الله لا يوريك صوت المكينة تقول انه ماطور موية سألت الميكانيك ( فاغراً فاه كما قال السدحان في طاش ما طاش ) ما فيه معلوم راح نوديها للوكاله والسيارة تحت الضمان ، ما اطول عليك السيارة ثلاث مرات واديها وارجعها من الوكاله ولا يعرفوا وش المشكلة وعلى كلامهم انهم غيرو قطع بما يقارب الثمانية الالاف ريال على الضمان ، ولكن للاسف ما عرفوا وش المشكلة.

3- سوناتا 2006- 6 سلندر: طبعاً استبدلت المأخوذ الى فوق بهالمحروسة ، والسيارة تحت التمرين كل ما وصلت لسرعة 80كلم احس برجه خفيفه قالت في نفسي يمكن انها وسوسه ، وبعد ما قطعت السيارة ما يقارب 300كلم ركب احد الاقارب معي ويوم وصلت لسرعة 80كلم سألني وش ذا الرجه بعدها عرفت انها ماهي وسوسه رجعتها للوكاله ، وشف وش قالوا ( المشكلة من الكفرات لازم نغيرها ولكن بعد ما نجتمع مع وكيل الكفرات الموجود هنا بالرياض ) طبعاً شيء مضحك ، قلت معليش طبعاً احسب المسأله يوم ولكن في الحقيقة مرمطوني اشد المرمطة ، وبعدها شكيت ان المسأله ما هي كفرات يمكن اشد منها ويبغون يمشونها علي ، قمت واتصلت بالمدير العام ( سعد الوعلان ) لكن للاسف ما حصلته وكلمت النائب وهو من الوعلان وحصل مهاوش مهاوش ، واخيراً قال لي ترى مانت مجبور عليها رجعلنا سيارتنا وخذ فلوسك طبعاً انا ما صدقت ، خصمو الف ريال فقط رسوم ادارية ورجعوا 64الف ريال واقول الله يعين الى بيبيعونها عليه.

وبعد هذه التجربه المريرة وش اتوقع مني اقول عن السيارات الكورية للي يبغى رأي.

على العموم تجربتي سيئة معاها وهذا لا يعني ان تجربت غيري مثلي سيئة.

وتقبل تحياتي ،،،،،،،،،،،،،،،،،،،،،،،،،،،،،،

الي بالمدرسه وبرا المدرسه قلق ليه ما اخذت يارس !!!! يارس عاد


مالقو الا يارس عاد قلن السيارات يعني مالقو الاذي الصغيرة حقت المطاعم

مالك الا النترا

وش ذا التعصب اللي عند الناس

سبحان الله وصلوا الزبايل والخرد مستوى الصناعة الشد بلد !!!!!

الناس هالزمن الصراحة تحير الواحد

ابي افهم بالعقل حتى الحين ماخشت عقلي بعد

وشلون يفضلون شيء استرالي ملقطين القطع من الصين واستراليا واليابان تقول زي الزبالة وانتوا بكرامة ويقولون انها احسن من الكوري وخاصة هيوو

ياخي رح انت وياه الحين هيونداي كورية ومصنوعة في كوريا وقطعها كلها في كوريا وشلون تجيب التويوتا الكامري تقول انها

احسن من السوناتا اللي مصنوعة في كوريا وصناعة محلية نسوي مقارنة بسيطة بين الكامري والسوناتا

السوناتا اقوى في خامة الحديد (رح للوكالة وعط السوناتا بكس على طول بتروح المستشفى تجبس يدك ) اما الكامري خامة الحديد حقها

ضعيف لغاية انك تقول بلاستك بدون ماتلمسه وتعطيه بكس من النظرة الاولى تعرف هالشيء

ثانيا عزل المقصورة الداخلية خذ السوناتا وامش بها 160 كم واذا سمعت صوت قل ذاك الوقت الصناعة الكورية كلها فاشلة ان شاء الله بعد 100 سنة

اما الكامري اذا تعديت 100كم تقول فاتح القزاز على الآخر هواء وصوت المكينة المكتوم

هذا الكلام اللي اقوله بعد التجربة مو اطلعه من عندي بدون تجربة

السوناتا نظام تعليقها رياضي كامل وبعد تجربتي له في المنفطفات على السرعة العالية في ميزة في السوناتا اكتشفتها

انك لما ((تمسك دركسون السيارة تشعر بأنك مسكت جميع القطع الموجودة في السيارة كاملة ))

والكلام يطول

والازيرا تكرم عن الاريون ( الكامري المفخمة يقولون انها احسن من الازيرا ) لايعقل ابدا لانها ليست من فئتها

الازيرا من فئة الافالون والاوبيريوس وغيرها

كما قلت الكلام يطول واجو عردم المؤاخذة على ماقلت من جهة التعصب

مع اني املك ايسوزو ولكن اعرف اناس كثيرون يملكونها وانامن ضمن المجربين لها