استشارة في توضيب مكينة بيوك رودماستر 93

جزاك الله خير اخوي الفني

طلع الحساس فعلا مفلوت وضبطوه لي

وابشرك الان الامور طيبه بعد ما دربتها ورجعتها له وعمل لي تصفية

وشارك لكم ومقدر على اهتمامكم

اذا تم مسح الهد فقط فهذا الكلام جميل جدا

وكل الامور جيدة

اذا ماتحس ان الماكينه حارة بزيادة اعتقد ان الحرارة طبيعيه و الحساس طبيعي

ممكن تفحص الحساس او حتى سلك الحساس
غالبا بيكون ظاهر قريب الثيرمو ستات البلف

ممكن يكون السلك مقلوع من مكانه لان تم فتح الماكينه ونسوا يركبون الحساس

الله يبارك فيك اخوي المهندس

وصوت المكينة صار افضل من اول طبعا الا انني اشعر بثقل في تغيير الجير من نمرة الى اخرى

اخوي الفني نعم انا قصدت راس المكينة وسوى عليها مسح فقط والاسطوانات والبساتم ما قربها

طبعا اشعر ان المكينة يبغالها تصفية وغير كذت الحرارة من يوم خذيتها وعدادها على اقل شي

اعتقد انه فيه حساس مفلوت او شي من هالقبيل بحيث انه ما يقرا الحرارة صح

بارك الله فيكما

خرط الروس تقصد الاسطوانات نفسها (السلندر ) او اروس بمعنى راس الماكينه و عمل علهي مسح فقط


اذا كان خرط الاسطوانات لازم يبغيله بساتم مافيه شي اسمه البساتم نظيفة لان السعه بتختلف ولازم يحتاج طقم بساتم



ماعندي فكره عن هذا الشي و لكن الي اعرفه ان القطع لو كانت اصليه هي بتكون الافضل


==============

اما كيف تشعر ان شغله صح

بعد التمرين بتبان عندك عدة مؤشرات منها صوت الصمامات وهذا يحدث بعد الخراطة و فك الماكيتنه ممكن يتم معايرتهم وهذا الموضوع سهل ان شاء الله
ممكن تكون الحرارة عندك مش طبيعيه او شي من هذا القبيل
وغيره لااعتقد ان تقدر تعرف لان السيارة بتكون ماشيه عادية
وصعب تحكم على اي خراب ان يكون من الخرطة

علي البركه :)


اهم شي فترت التمرين لا تزور عليها



و التوضيب االممتاز يبين من صوت المكينه انها ما تحن واحد و ناعمه و ما تدخن هدا الي يبين حالياً :)

متابعة للموضوع واستفسار بسيط

الرووس طلعت مشعرة وشرينا بدالها وابشركم استلمت السيارة البارح

قاللي دربها 500 كيلو ولا تعدى 90 باول يوم وكل يوم زود في السرعة 10

ثم اغير الزيت والفلتر وادعس على راحتي

سؤالي الان كيف اقدر احكم الان كمستخدم هل تم التوضيب بشكل تام او لا

يعني الان طبعا السيارة اختلفت علي مو زي اول كيف اعرف انه شغله تمام

مثلا هل وجود رجة في السيارة او حنة اثناء التعشيق او خلافة من هذه الملاحظات الممكنة تدل على خلل في التوضيب

افيدونا رعاكم الله

الله يعطيكم العافية اخواني

طبعا فك المكينة وخرط الروس والعمود وقاللي ان البساتم نظيفة وما يبغالها خراطة

وقطع الفدرل كما قالوا الاخوة هي نوعية من القطع اقل من الاصلي

واللي فهمت منه انها الاكثر شيوعا والافضل في التوضيب

ولله انا راي من راي اخوي فني السيارات ما دام انك راح تفتح بدل البساتن



و اعتقد فدرل شركه تنصع شنابر نوعيه خاصه ..

الحمد لله

يعطيك العفايه بس انا مافهمت كلامك عن
\قطع فدرل
ايش تعني فيها

بس انا اشوف بما انه بتح الماكينه

يعطيها خرطة بما ان الماكينه مفتوحة
وتبديل الشنابر
ممكن يفيد ولكن لفتره من الزمن
وهذا راجع لك وهذا موضوع فني قد تختلف فيه وجهات النظر

أبشركم اليوم دخلت السيارة وطحت على شامي وصوني الشباب عليه

شغله نظيف واكثر من واحد من الشباب وضبوا عنده

قاللي سيارتك فقط تحتاج شنبر وقاللي بحط لك قطع فدرل وقاللي هي الاكثر انتشارا والاضمن في التوضيب

قاللي بيسوي الشغل مع القطع 1700 ريال و توكلت على الله وخليت السيارة عنده

ما ازيد علي كلام الاستاد الفني بوجاسم



بس نصيحه بدل طرمبه الزيت مره وحده حتي لو سليمه ..

الله يجزاك خير وبيض وجهك اخوي الفني ما قصرت وشكر الله سعيك

اول حاجة اخوي
تفتح الماكينه وترسل الى المخرطة او اذا كان الكراج نفسه فيه مخرطة و يحدد حجم تاثر الاسطوانه ودرجة خرطها

يعني الماكينه في عمرها كله تخرط مرتين الى ثلاث ممكن الماكينه تنط من المرة الى الثالثة اذا كانت حالتها تعبانه

بس بطبيعي بتكون خرطة الماكينه الثانية

مثلا خرطة 10
او 20 او 30

وبعضها بارقام مختلفة و لكن المقصد هو خرطه اولى او ثانية
الاستندرد هو الي فيه سيارتك و حالتها الحين استندرد
خرطه اولى

لها بساتن من الوكاله تقول لهم ابي بساتن خرطة اولى او يعطيك الفني رقم الخرطة وتعطيهم اياها
ويعطونك بناء عليها البساتن و السبايك وشنابر وللوازم كلها بناء على هذا الرقم


وصاحب الكراج مايقدر يحط الحاجات القديمة لانهم خلاص بيكونون اصغر من الخرطه

وفي هذا المجال المفروض يوجد ثقة و المجال ضعيف في الخداع اصلا

ويجب ان تدخل السيارة فترة تمرين وتليين لانها بماكينه تعتبر جديدة
اضافة الى زيادة في بعض القوة نتيجة التوسعه و مسح الهد وصغر غرفة الاحتراق
وتظبيت الصمامات بديهي بعد فك الماكينه
بتوفيق

وش بلاك عصبت اخوي اكسل :)

عموما جزاك الله خير على اضافتك

ياخوي قلنا لك خذ شنابر ووجيه أصلي بس

والباقي نوع أسمه (فدرل) درجة ثانية بعد الاصلي

وكلامك كيف أضمن الشغل

مثل الي يقول جوزوني وأضمنوا لي البخت ههههههههه

الضامن الله أخوي

بارك الله فيك اخوي الفني

افهم من كلامك انك مؤيد للتوضيب

ولكن تبقى قضية القطع والخراطة كيف انا ممكن اضمن ان الشغل مضبوط

بمعنى انه مهما يكون فيه ثقة انا ما راح اكون متواجد معاه اثناء شغله في المكينة

فما ادري ما هي توجيهاتكم

التوضيب افضل من شراء ماكينة مستعمله بتاكيد ولو قدرت تحط ماكينه جديدة اكيد افضل

ولكن التوضيب يعيد الماكينه من جديد بعمر جديد مع المحافظة لان المكابس بتكون جديدة بحسب الخرطة المعموله
اضافة الى السلندر نفسه مخروط جديد اضافة الى توضيب الصمامات
اضافة الى عامود الكرنك
مخروط جديد مع سبايك جديدة كل هذا يعطيك ماكينه جديدة من نفس الماكينه بعمر جديد ان شاء الله

جزاكم الله خير على ردودكم اخواني

طيب الان بالنسبة للقطع هل الافضل انا اجيبها ولا اخليه هو يجيبها

لانه قاللي مع القطع 3000 ريال

وانا بالصراحة ما اعرف لها يعني هو ممكن يعطيني لسته وانا اجيبها بس برضوه ماراح اعرف لها

فنصيحتكم اخواني