BMW 523i هل تستاهل : 155,000 الف ريال

ياشباب فيه BMW في الوكاله الفئه الخامسه BMW 550I 2008 بـ 305000 قبل الخصم وبعد الخصم بـ 290000 تقريبا الي يعرف عنها اي شي او مجربها يقولنا ,,, وشرايكم وش افضل هي ولا لكزس LS460 الجديدة

أخي الكريم صاحب الموضوع ..

إذا كنت تسأل عن البي إم تحديداً هل تستاهل السعر أم لا ؟

فجوابي : نعم تستاهل فالسيارات الأوروبية غالية بالعادة ..

عندك البي إم الفئة الثالثة أسعارها تبدأ من 120000 لأقل فئة 320

السيارات الأوروبية سيارات عملية لأبعد حد وقد تعمر معك لأكثر من 10 سنوات

ولكن في حالة الاستخدام الجيد والصيانة الدورية والقيادة الهادئة ..

أما إذا كنت تريد المقارنة بينها وبين سيارات أخرى بنفس السعر فستجد سيارات منافسة كثير ..

========

اما بخصوص ردود الأخوان عن اللكزس ..

فجوابي : اللكزس ما عليها كلام بس مشكلتها التقادم السريع ..

يعني بعد كم سنة يتغير الشكل شوي تصير اللكزس الي معك قديمة وراح رونقها ..

والحاضر خير شاهد ..

وين اللكزس الجي أس أول ما طلعت موديل 98 إلى 2004 مالها نظرة مثل أول ..
واللكزس 400 وبعد الــ 430 من 2001 إلى 2003 وبرضو من 2004 إلى 2006 بعد ما طلع الشكل الجديد طلع الشكل القديم كأنه كامري !

لكن البي إم والمرسيدس والأوروبي عموماً يبقى له هيبه لمدة طويلة ...

دور على بي إم موديل 90 مثلاً 750 بس يكون نظيف شوف كيف نظرته ..

أو الفئة الخامسة موديلات 2002 إذا كانت نظيفة تجدها محافظة على نظرتها ..

عموماً وجهة نظري الخاصة حبيت أشارك فيها ..

لكزس انسب خيار

الE240 فل ابشن يصقع فوق ال200 فمابلك بالE280 !!!!

تبي نصيحتي خذ لك لكزس ES بالسعر هذا تجيك بشاشة ملاحة
والبي ام خراباتة واجدة وشكل الفئة الخامسة كمان بايخ خلفيتة تشبة السيارات الكورية وسعرة عند البيع معروف في الارض
واذا كانك بتزود الى 180 خذلك مرسيدس E280 ستة سلندر وبانورامي يمسك سعرة اكثر وخرباتة قليلة
تحياتي ................
والله يعطيك خيرها ويكفيك شرها مقدما

ترقب خلال اليومين القادمين تجربة لفولفو S80 V8 هنا بالمنتدى ..
في رأيي هي بديل افضل بكثير من البي ام وستعلم لماذا اذا قرأت التجربة ..

السلام عليكم


حياك اخوي

والله شوف مالي خلفية عن هذا الموديل بس لو انت بالرياض

بالتحديد عند معرض في خريص مقابل معارض الشلال

عندهم موديل 2007 نفس الي تبيه

لقيته ب 147 الف ريال

وهذه الفئة هي الأستاندرت بدون ملاحة

اظن الفئة الاعلى الي ب 180 الف فيه ملاحة

وهذا مالدي وان شاءلله اكون قد افدتك

وآسفين ان كنت خرجت عن الموضوع اخوي


والسلام عليكم