باجيرو 2007

حبيبي دث لايك اشكرك على اهتمامك وتجاوبك السريع الله لايهينك
طيب حبيت اسالك وش رايك في 3000 سي سي وقوة 190 حصان اشوفة رخيص ومناسب
هل قوتة مناسبة للبر والسفر خطوط طويلة.؟
اذا تشوف انة مناسب باتوكل على الله واشترية وترى فرق السعر بينة وبين 3800 سي سي 270 حصان
تقريبا 24 الف

عيل مخربط بينك وبين واحد ثاني..

شفتوا كيف ياجماعه.. قمنا إنخربط بين الشباب والسبه الباجيرو :D

وهذا إن دل.. دل على إن الباجيروا سياره متفوقه وأثبتت جدارتها..

نرجع لصلب الموضوع..

الأخ بي أم

والله يا خوي الهمر حلوه وعزمها جميل ولكن عند من المقارنه من جهة العملانيه والتحمل والقوه الباجيروا يتفوق عليه وبتفوق

أنا عارف الشباب ربعك بيقولون شو باجيرو؟ خذلك همر أحلى وأكشخ.. ولكن صدقني الباجيرو لا ينقص عنها بل ويزيد

توكل على الله.. حاول إتجربها وأنا واثق إنها بتعجبك..

ومثل ما قالك أخوي رالي.. عزمها بيسرك ترى 270 حصان على 1960 كيلو مب الشي السهل

وربنا الموفق

دمتم بود

يعطيك ألف عافيه .... والله يثيبك على مافعلت وانا بصراحه ما أحبه بس يوم شفته
غيرت رأي وراح أروح المعرض عشان أجيب تقرير عنه لكم
.......................... والسلام عليكم ...............................................................

تسلم اخوي دث لايك الله يعزك جعلك ذخر
يعني تنصحني بالباجيرو
انا محتار بينة وبين الهمر وخصوصا ان السعر تقريبا واحد 130 الف
ياترى هل الهمر سيء الى هذي الدرجة
وتقبل شكري وخالص تقديري
اخوك ابو راكان

بي أم..

برادو ولا باجيروا..

تراك بتفتح نيران الجبهه الحين بس ما عليك أنا I Will Cover Your Back |2|

في مواضيع كثيره في المنتدى تبين الفروقات بينهم.. ولو علي.. باجيروا من دون تفاهم

أما بخصوص الهمر إتش 3.. بعد أختار الباجيرو

يعني باجيروا وتوكل على الله

|1|

أخوي رالي آرت..

مب إنت اللي تدرس في جامعة دبي - شارع المكتوم ؟

وإذا لا.. إسمحلي على الخربطه..

أخوي كين..

إنت عزملك على واحد وسيده على المطار تعال دبي.. وأبشر باللي تحب :D

السلام عليكم

انا رأيت الباجيرو 2007 واعجبني كثير
ودي آخذ رايكم وين احسن واقوى استخدام الباجيرو او برادو او الهمر اتش 3
وتقبلوا خالص تحياتي

ابو راكــــــان


الي ماشاف الباجيرو 2007 هذي الصورة[IMG]http://www.dm3t.com/uploads/3ecdc9d362.jpg" alt="" loading="lazy" class="post-attachment">[/img]


[img]http://www.dm3t.com/uploads/ae426d5021.jpg" alt="" loading="lazy" class="post-attachment">[/IMG]

والله اكيد في سيارة باجيرو باب واحد // بس انا افضل تسال الوكالةعن السعر

مرحبا الغالي
والله اذا كنت ناوي على ربع الباجيرو اليديد فتوكل على الله
ماشاءالله عزم وقوة وفرق عن الجديم بوايد
وانا اقولك لان عندي واحد
وعن المواصفات ترى نفس ماذكروا اخوانا فوق
وسعرها الفل عندنا فالحبتور 114 الف
بس للأسف الربع ماايي الا اسود من داخل

والسموحة

هلا إخواني

بداية أشكر أخوي كين للإضافات ولكن أختلف معاك في بعد النقط

خاصية الأزرار للتحكم في المسجل في العجلة القياده غير موجوده صحيح ولكن تقدر تركبها بحدود الـ 400 درهم

مقاس الرنجات في 3.8 تجي 18 إنش ستاندرد على الطويل والقصير

ما عندي فكره عن مواصفات قطر والسعوديه ولكن أتوقع الـ 3.8 القصير مواصفات كامله يجي عليه 18 ستاندرد وهذا اللي يتوفر عندنا، يعني 3.8 قصير سياحي ولا رقم 2 ما يجي عندنا

القصير 3.8 يجينا فل فقط

كذلك للحساسات تجينا ستاندرد

رأي الشخصي ومن بعد تجربه.. الأخ السائل، إذا ناوي فتوكل على الله على 3.8 قصير مواصفات كامله

فرق السعر ما أتوقع يكون كبير عندكم

دمتم بود

شكراً لك اخوي كين
لكن وش تفيد فيه قاعدة العجلات الطويلة
وكيف صرفية البنزين بالنسبه للربع
تحياتي

أنا عندي باجيرو ربع .. والجيب مريح جداً في الركوب .. لكن فيه قساوة الجيوب في المطبات ;)

تحياتي

Kenny

يا شباب السؤال هو :

السيارة مريحة تنصحون فيها ؟ أو أخاف إن الواحد يدفع فيها هذه القيمة وتطلع غير ذلك لأنه سبق لي أن اشتريت جيب ربع (كوري) جاب لي ألم في ظهري لمدة 6 أشهر

بخصوص 2008

المفروض ينزل بين شهر 8 لين شهر 10 كحد أقصى

ومن ناحية الإختلافات..

حاولت أعرف ولكن تدري مو من مصلحة الوكاله إن تصرح بمواصفات الجديد قبل بيع الحالي

ولكن توقعاتي إن التغيرات بتكون طفيفه جدا إن كان هناك تغيرات ومن الخارج فقط

بشكل عام.. إختيار موفق كونها فورويل جبار وما بتخذلك وسواقتها خفيفه مثل الصالون كونها قويه وحجمها عملي

لشاب أو شخص يعمل وعنده تحركات كثيره في المدينه هي أفضل الموجود

على فكره.. يجي معها خدمه مجانيه لين الـ 50,000 كيلو من المصنع..

أببض لؤلؤي أو أسود وتوكل على الله |1|