أووووووووه أثرك حاط موضوع تبي تتجهز له حق كل شيء هاه :D
خخخخخخخخخخخخخخخخخخخ
بصراحة نصيحة وحدة علشان تتمتع به |1|
1- مراوح كهرب (علشان يقل أزعاج المكينة وترتاح من شيء أسمه حرارة خير شر)
2- تضليلة ضد الكسر من لومار (علشان الجو البارد في السيارة ما في أحلى منه)
^^^
واضح أنها نصيحة وحدة خخخخخخخخخخخخخ
ذكرتني بفكرتي
(ناوي أجيب جي أم سي كلاسيكي سوبربان دبل من أمريكا وبسوي عليه مشروع غير طبيعي!!!)
إلا ما قلت لي
أنت من وين جايب الموتر من أمريكا ولا من وين
وغير كذا من الي بيجيب لك الموتر مع أي معرض متعامل معه
أخوك أبـــــــوأســـــــــد|3|
ايه يشيخ قبل يجي ابي اتمتع به وافلها فيه :D
تخبر اقدر شي اسمه امريكي(كـلاسـيكـي)|1|
بس حلوه النصيحه صارت متفرعه إلى نصيحتين :D
ههههههههههه
يعطيك العافيه يابطل وشاكر لك لنصيحتك
لكن بستفسر ماتضر المراوح الكهرب ؟؟
إذا على الازعاج بتحمل وأبشرك ناوي اركب له دبتين صوت تفجر الاذن ولا بعد البوري حقه زي حق السفن يعني هذا الازعاج ولا بلاش :D
لكن المراوح حقت شد البلد كويسه له مع حرارة الرياض ؟؟
ولا اركب مراوح كهرب افضل ؟؟
والتضليله خايف منها والله لان احد الاقارب يقول التضليل يسبب في تنسيم الدرايش
للحين محد افادني بالمعلوميه هذي نصيحتكم تكفون
لاني لو ركبت تضليلة لومار بخليها لين ينتهي الصيف
يعني 3 شهور واكثر يمكن
وقبل انسى بسأل ..
إذا غسلت السياره بشكل يومي في الظهر وغسلت المكينه هل يضر السياره ؟
ويصدي البودي والمكينه ؟؟
او اذا غسلتها انشفها ؟؟
انصحوني بطريقه جيده
أبو أسد السياره شريتها من احد الشباب في أبها خويي كان معي بالرياض ونقل لأبها
طبعاً هو من ابها
وهو بيشحنها لي بالبسامي
واذا تبي موتر من امريكا
اذكر فيه البسامي اللي بطريق خريص قبل المعارض حقت النسيم تلقى عنده سيارات للبيع
موقفها برا قد رحت مره وسألت الموظف قلت له ابي اجيب لي سياره من امريكا عن طريقكم
قال الموظف مب مشكله لكن الافضل كلم راعي المحل بكبره اللي هو البسامي على ماعتقد
ويجي العصر لكني سحبت عليه عشان اقاربي راحو لامريكا وناوي اجيب السياره من عندهم
لكن اذكر انه ياخذ عيك تقريباً 3000 ريال للمحل عموله طبعاً
لكن مدري والله إلى الان يجيبون ولالا !!
وأذكر قريت في موقع ان في شركه اماراتيه تجيب لك أي سياره تبي وأي موديل من امريكا لهم مكتب بالامارات ولهم في امريكا
وبجيبه لك بأقرب وقت إن شاء الله
مع اني متخوف منهم بصراحه ماضمنهم
ويعطيك العافيه لمرورك لموضوعي وسلمت يمينك
وآسف على الاطاله وأرجو إني افدتك يالغالي
يعطيك العافيه مره ثانيه|3|
أخـوك:
Mr.GMC
