السلام عليكم أخي microsoft بالنسبة لي أقترح عليك إنك تاخذ لك سيارة ( أفيو ) سيارة صغيرة واقتصادية ، وقطعها رخيصة جداً، سعر قسطها تقريباً في حدود الـ700 ريال أو أكثر بشوي وتكون مأمنة تأمين شامل ، والسيارة بتكون على الضمان.
إقتراح جيد .. لكن مشكلة السيارة أنها غير عملية
شاكر لك
------------------
التشيري شفت لها اعلان بالجريده بـ 15000 ريال جديده
هي اصغر سياره عندهم
مشي حالك فيها الين ما الله يرزقك وتغيرها
واسال الله العلي الرزاق الكريم ان يرزقك من واسع فضله
صراحة كنت أفكر كنت متردد بسبب أن الديكور الداخلي تعبان
لكن بعد ما شفت إختبار التصادم قلت .. يمدحون السلامة :D
شاكر لك مرورك
--------------------------
ماعليك إلا الدعاء وبيفرجها ربك
ومن يتوكل على الله فهو حسبه
أنا أقول تاخذ لك ونيت ددسن ولا هايلكس 2000 ولا أقل
آلين يفرجها ربك
الصبر مفتاح الفرج
الله يكتب إلي فيه الخير
للأسف الوانيتات ما أطيقها نهائياً
شاكر لك
-------------------------
اخوي حط العشره هذي في اكسنت والباقي اقساط اضن القسط بيطلع من 500 الى 600
ولا حطها في يارس
واذا ماتبي تدفع دفعة اولى خذ اكسنت قد مرة سالت عنها بس منيب متاكد قسطها الشهري 750 توماتيك
والله يعوض عليك ويرزقك
ما شاء الله اسم على مسمى .. فعلاً يبدو لي أن هذا أفضل حل
أكسنت وبس
شاكر لمرورك
---------------------------
خذلـــك كراون فكتوريــا 96-97 والله صبووره ومريحــه
أنا عندي م97 كنت أستخدمها قبل لأشتري السوناتا وعطيتها أخوي اللحين
والله راحــه واللي معي عدا 400 ألــف كيلوو وتمام التمام وسعر النظيــف حول الـ 10 ألآف
والله يســهل عليـــك
ما أعتقد سعره في الـ10 الآلف ... الـ 97 في الـ 17 وحولها
شاكر لك مرورك
--------------------------
أسال الله العلي العظيم أن يرزقك من غير ماتحتسب ويرزقك من واسع فضله
أخوي شف السيارات الكوابرس والفورد اسعارها رخيصة وبالذات الكوابرس
والله يعينك يارب
الله يجزاك كل خير على دعاء .. وهذا أكثر ما أحتاجه منكم
الكابرس خياري الأول .. لكن تخويف الناس من قدم السيارة وصرفية البنزين
هي السبب لنقلها للخيار الثاني وجعل الأكسنت الأول .. مع أني أشوف الكابرس
أكثر رسمية من الأكسنت .. والله يكتب إلي فيه الخير
شاكر لك مرورك
--------------------------
اخوي مايكروسوفت
نصيحه ((حاول انك ماتاخذ كابرس))
لانه اذا طلب طلب وقطع الغياار متوسطه
فكر بشراء:
((اكسنت03وتحت _ جرانديور _ فوورد او ماركيز _ صني _ ......الخ))
وفكر اخوي تزود الدراهم قليلآ الى 18_25 ألف بتلاقي مثلا:
كامري _ سوناتا _ ماكسيما _ اكوورد _ مازدا _ كورولا _......بهذا المبلغ ستجد الكثيير
واخيرآ اقول لاتفعل الا مايعجبكـ\\ وفكرة الفوورد الــ97 حلووه بس دور لك نظييف
والله يسهل عليك انشالله ويفتحها بوجهكـ وتتوفق بما تفعله
والله يعطيك على قد نيتكـ ويجيك اللي في بالك انشالله
عليك بالدعاء والصبر
وتوكل على الله (ومن يتوكل على الله فهو حسبه)
والله يوفقنا وياك ويسهل عليك دربك انشالله
والسلام عليكم ورحمة الله وبركااتهــ
أخوكـ عبدالعزيز أبـــوبـــدران
الله يجزاك كل خير ويكيفك من كل شر .. شاكر لك دعاك
مشكلتي إني مطفر وواصل للحديدة (حتى الحديدة ما أخذها تأجير :D)
لذا يبدو أن مالي إلا الكابرس أو الأكسنت
شاكر ومقدر لك مرورك
----------------------------
اخوي دبر 10 الالف ثانيه من تحت الارض تسلف سو اي شيء
واشتر كامري م 2000 او 2002 او فورد
تحياتي
والله الكامري إغراء .. المشكلة ما أقدر أدبر فلوس إلا كان أسرق بنك :D
للأسف منحد على هالمبلغ وأنا أخوك
شاكر لك مرورك
----------------------------
الله يعينكـ، ويساعدكـ،
بس المهمـ، دور سيارة زينه ونظيفة عشان ما تتعبكـ، بعدين
وأتمنى لكـ، الخير
هذا الكلام أنسب شيء بحيث ما يكون متعب
شاكر لك مرورك
----------------------
الله يكون في عونك ويصبرك
من وجهة نظري أنك تاخذ فورد كراون فيكتوريا موديل 97 دور لك نظيف صدقني ان شاء الله يناسبك ولا تدور غيره ابدا......
والله يرزقك من فضله ويفك أزمتك.........
والله الكراون والنعم فيها لكن المشكلة في السعر
الـ97 في الـ 17 أو أكثر حسب المواصفات
شاكر وأسعدني مرورك
-----------------------
السلام عليكم ورحمة الله وبركاته ........
الله يرزقك ويحفظك اخوي اعتقد الكراون فكتوريا لراح يكون خيار جيد .......
او هيوانداي اكسنت 2005 او 2006 سعرها بحدود 11 الف ...............
اتمنى اكون افدتك.........
والله أتمنى الكروان والأكسنت 2005 لكن المشكلة الأسعار
الكراون فوق الـ 17 والأكسنت في الـ 17 تقريباً
الله يكتب إلي فيه الخير ... وأحب أقولك ..
أكيييد أفدتني شاكر لك ومقدر
-----------------------
لو تشوف لك نيسان تيدا بكم اقساطها ... سياره عمليه واقتصاديه ومركبها مررريح :)
وانتبه تاخذ الجرانديور (تلقاها بمواصفات وسعرها رخييص).. السياره معروفه بمشاكلهااااا والحين هونداي قطعوها وبدلوها بالأزيرا
حاول تشوف لك سياره من سيارات نيسـان .. دايم اسعارهم رخيصه بالمستعمل وتلقى نظيف بنفس الوقت
والله يرزقك ويفتح على ابواب الرزق ان شاء الله .. :)
الجرانديور لو يعطوني أياه هدية ما خذت
للأسف هذي السيارة الوحيدة إلي فشلت هونداي فيها
والحمدلله عوضتنا هونداي بأزيرا الرائعة :)
المقصد .. التيدا فكرة حلوة لكن .. هل هي إعتمادية .؟
شاكر لك مرورك
-----------------------
السلام عليكم
اخوي أولاً الله يعوض عليك
ويرزقك من حيث لا تحتسب
وجعلها تكفير ذنوب ....
أخوي أنا أشوف وبصراحه تترك المستعمل عنك ...
ادفع عشره دفعه أولى في
إكسنت أو تيدا
و500 شهري وخلال 60 شهر مع دفعه أخيره ( لو لزم الامر )
راح تصير دافع 40 ألف ريال ( من غير الدفعه الأخيره لو لزمت )
يعني راح تغطي الفوائد وسعر السياره والاهم (تظفر بسياره جديده )
...............
تحياتي لك
والله يأخي للأسف .. ما أستطيع دفع مقدم بهذه السهولة
والسبب أن السوناتا علي أقساط فودي أخلي قيمة
سيارتي دفع تصبيره للي مقسط لي السيارة
هذا لو أخذت سيارة أقساط
شاكر لك مرورك ومقدر
---------------------------
الله يعوضك خير ويرزقك من حيث لا تحتسب ..
أقترح عليك :
نيسان تيدا هاتشباك ( سعرها أرخص من السيدان )
كان عليها عرض موديل 2006 فل كامل جنوط - قير أوتو بسعر 39000 ألف ريال
والآن نيسان عليها عروض من الوكيل ..
خذ لك التيدا دفعة أولى 10000 آلاف ريال
وقسط شهري لا يزيد عن 600 ريال
وبكذا تكون حصلت على سيارة جديدة ومن شركة لا يستهان بها ..
وأفضل لك بمليون مره من المستعمل ( وجع راس ومصاريف ) ..
والله السيارة سعرها مغري .. سأقران بينها وبين الأكسنت قير توماتيك
مع إني مستصعب مسألت الدفعة الأولى .. لكن الله يكتب إلي فيه الخير
شاكر لك مرورك
--------------------------
ليش ما تأخذ لك هونداي اكسنت موديل 2004
عندنا في مكة وحدة نظيفه ماشيه 15 ألف بيبيع بـ 14 ألف
أخوي حربي .. أنا أشهد أن الوفاء دربي قصدي دربك :D
ياليت نتواصل على الخاص بخصوص الأكسنت هذي
شاكر لك مرورك
----------------------
مادام تحب السوناتا
بتلقى سوناتا غالبا نظيفة باذن الله في جدة او الرياض او الشرقية
اقصد المدن الكبيرة في السعودية
بتلقى سوناتا الفين او قرانديور الفين وانت نازل بسعر اللي عندك
سوناتا 2000 ..! بسعر 15 ألف ...!!
خيار مغري .. بأشوف الموضوع
شاكر لك مرورك
----------------------------
الله يرزقك ويعوضك أخوي مايكروسوفت
والشباب ماقصروا .
الله يجزاك خير ويكفي دعاك لي وزيادة
وأنا أشهد إن الشباب ما شاء الله ينشد بهم الظهر
عز الله إنهم ما قصروا ويكفي وقوفهم معي
فجزاكم الله كل خير ويكفيكم من كل شر .. آمين
شاكر لك مرورك
-----------------------------
الله يعوض عليك و يرزقك بسياره أفضل منها
شف الأكسنت جديده بكم تجيك أقساطها الشهريه
هذي هي إلي رسى عليها الخيار حالياً
بشوف إذا كانت الأكسنت قير تماتيك
أقساطها في الـ 500 حتى لو بدفعة أولى
فهو خياري .. والحمدلله على كل حال
شاكر لك مرورك ومقدر
----------------------------------------
|3|
* أشكر الجميع على التفاعل الرائع *
* والله يوفقكم وين ما رحتوا ويكفيكم من كل شر *
آمين
